賽馬世界 - Powered by Discuz! Board

標題: 《婚前試愛》收近千萬食住上 [打印本頁]

作者: 帶來吉利 時間: 26/1/2011 01:38 AM 標題: 《婚前試愛》收近千萬食住上

周秀娜（ Chrissie）跟浸大咪神楊梓瑤（ Carol）早前合作的電影《婚前試愛》，票房大收爆出一個小冷門。眼見這對性感組合有號召力，老闆王晶極速添食，開拍電影《猛男滾死隊》，撮合兩女再度性感演出，同時加重 Carol戲份跟娜姐同場胸戰。不過兩位性感女神前日穿三點式泳衣拍攝海報時，卻刻意前後腳到場。另外，已經上位的娜姐明顯比師妹 Carol錫身。

葉念琛執導仍上映的電影《婚前試愛》，截至前日累積票房已達 830萬，對小品電影來說算是爆出小冷門。除證明葉念琛的愛情故事有市場外，周秀娜跟楊梓瑤的火辣演繹更不乏捧場客。有見及此老闆王晶再度打這兩位宅男女神主意，開拍電影《猛男滾死隊》，更加重新人 Carol戲份，刻意安排她跟娜姐同場，以 E cup Carol硬撼 D cup娜姐，王晶更親自上陣執導及參演《猛》片，還找來老友曾志偉及杜汶澤演出。

Carol瞓身擺甫搏殺
《猛》片已經拍完，已安排於 3月上映，前日在柴灣一工業大廈拍攝三點式泳衣照作為宣傳海報。據天文台報告該區前日最低溫度只有 12度，拍攝期間兩人都有電暖爐隨身，並且每 15分鐘都要稍事休息穿回大褸保暖。帶病開工的 Carol昨日聲沙沙在電話中說：「我病咗幾日，好彩噚日拍攝時，工作人員準備咗暖爐畀我。」 Carol為博上位，對攝影師有求必應，又趴又拗腰，俯身夾胸甫士較出位，她說：「我都係因應攝影師安排，佢哋要求嘅姿勢好靚，其實我嘅動作唔使跳躍，只係原地擺甫士啫，不過瞓低兼踢腳嘅甫士難度較高。」

影海報兩女避同場
自去年書展開始，就有傳 Carol跟娜姐不和，加上前日她們刻意前後腳到場，令人懷疑她們迴避同場。不過她們接受訪問時均否認不和， Carol更表示自己是新人，從沒有想過要爭排位。有指 Carol這次戲份較《婚前試愛》多，她說：「我唔敢當，冇諗過套片咁多大卡士我都有份影海報，好多謝晶哥畀機會我。」
Carol對於可以憑處女作《婚》片報名角逐今屆電影金像獎最佳新演員獎，她說：「我拍完之後發覺愛上咗電影，所以除咗想專注 model工作之外，都想畀多啲時間拍戲。」她笑言近日多了導演約見面：「性感不是問題，最緊要靚唔靚。」她表示今趟演杜汶澤的情婦，還覺得這位前輩很搞笑，「唔使埋位佢真係搞笑笑到你肚痛，咁啱我同梁洛施同年同月同日出世，可能佢同呢個年份時辰嘅人特別有緣。」
前日至晚上才拍照的娜姐表示剛完成通宵工作，雖然一臉疲態但一埋位仍表現專業，她同樣否認不和的傳聞，她笑說：「拍嘅時候氣氛好好都冇人爭。」

娜姐怕凍抗拒趴地

娜姐對於被指上位後比較錫身，抗拒擺趴低倒奶甫士，只擺簡單站立和坐下甫士，娜姐昨日在電話中說：「我都係跟電影公司指示去影，今次個主題係想講幾個女仔開開心心去沙灘玩，唔會無啦啦趴低，佢哋畀我好大自由度，畀我自由發揮擺甫士。不過噚日地下太凍，我坐咗一陣， pat pat都好凍，如果瞓低怕會變雪米糍。」
《猛》片的故事集《精裝追女仔》跟《大丈夫》劇情於一身，講述以曾志偉為首的五人組，為完成恩師吳耀漢的遺願，背着自己的太太向以娜姐為首的少女展開追求。

作者: 小武士 時間: 26/1/2011 01:54 PM

講真...係葉念琛有市場唔係佢地兩個有市場囉....:ppp:

歡迎光臨賽馬世界 (http://racingworld.no-ip.org/)