標題: (河馬仔專欄)新加坡旅遊小相集 [打印本頁]
作者:
河馬仔 時間: 1/3/2011 12:37 PM 標題: (河馬仔專欄)新加坡旅遊小相集
上星期去了新加坡旅遊數天,雖然自己當時的身體唔多好,但亦慶幸自己能在短時間復原.現在貼出一些當地的市內相片,希望大家喜歡.
市內街道,現在的新加坡更比以往更綠化,到處樹林:
烏節路,可以講係新加坡的尖東,名店密麻麻.
酒店 --- The Regent Singapore,房幾大亦算舒適,感覺都好四正
牛車水 --- 遊客常到之處,香港人買手信之熱點,如牛肉乾榴槤榚之類
如質地硬少少會更好...
新加坡地鐵(MRT),買單程票後可回去買票的地方退回車票的按金呢.
Novena的雞飯店宵夜
感覺上現在新加坡和香港一樣,物價都頗高,加上消費稅的關係,無論出外飲食及購物其實不比香港便宜,某些日用品香港比新加坡平唔少.
而交通方面,大多數本地人都會利用MRT及巴士等等的公共交通,MRT較容易預時間,故此如在當地旅遊坐MRT會較好.如有必要坐巴士的話,因為當地的巴士收費係按路程的長短收費,即上落車的距離而非路線,如不買當地的八達通(佢地叫EZ-LINK)的話,請到站頭的告示版睇清楚才入錢.順帶一題,如大家用當地的EZ-LINK坐車的話,緊記上落車時都要"嘟"CARD,否則會計到最大車資的.
作者:
河馬仔 時間: 1/3/2011 01:37 PM 標題: (河馬仔專欄)新加坡旅遊小相集(Part 2)
(Part 2)
今節開始講一些旅遊區,先講講新加坡的兩個旅遊區,兩個皆有賭場,一個係位於海濱灣的金沙酒店,一個係位於聖淘沙的Resort World...
兩個的旅遊區各有不同,如計賭場而言就金沙感覺上就好大樓底好高,有分吸煙同非吸煙層.而Resort World的就較有旅遊區feel多一點.而當地的賭場都有一些較特別的規定,入場者係要分新加坡本地居民及遊客入場的,出入都要登記.小弟入場所見內地客其實都唔少,當然冇澳門咁多,但賭博的氣氛方面其實不下於澳門,一堆普通的博彩者圍住的賭枱中隨時枱面都會有十萬或幾十萬港元的賭注上上落落.難怪全世界咁多地方都要開娛樂場來爭遊客.
新加坡金沙 :
金沙雖然名店好多,但下面有個好大好大的food court, 如唔想在新加坡熱辣辣到處搵地方食地道野的話,呢度有冷氣就真係一個唔錯的選擇.
連新加坡極有名的黃亞細肉骨茶都有得食,胡椒味都幾重,加埋個飯及鹵豬手都頗特別,一試無妨.
聖淘沙入面有好多的觀景點,但好多樣都要入場費.以前用陽光海灘做賣點,現在已經有大量的旅遊點.
水底世界 --- 有大量未見過的魚,有些仲要以比人餵或觸摸(當然唔係個個池都可以),但入場費確實唔平...
在Resort World食肆就冇乜試過了.
作者:
河馬仔 時間: 1/3/2011 01:38 PM
當然去到聖淘沙,又點會唔去環球世界,場佈有好多表演規模算唔少,雖然場內唔太大但表演節目幾密,應該都好吸引一家大細.當然自己唔玩機動遊戲就難以下定論呢.
未來水世界的表演都好精采
而園內都有唔少野食,當然價格就.........都幾貴........
夜晚的聖淘沙都有SHOW睇的,海邊有一些激光及煙花表演等等,都係要俾錢睇的,所以自己都係離遠看看算了.
作者:
智弱網民 時間: 1/3/2011 03:06 PM
環境很優美, 看來比香港好多喇
回港之後都很不習慣, 人多車多, 出市區時真的透不過氣來:ggg:
作者:
河馬仔 時間: 1/3/2011 09:35 PM
原帖由 智弱網民 於 1/3/2011 03:06 PM 發表
環境很優美, 看來比香港好多喇
回港之後都很不習慣, 人多車多, 出市區時真的透不過氣來:ggg:
但新加坡的生活其實並唔係太多姿多采,好多香港人都未必習慣.
新加坡雖然和香港都係多種族的社會,但香港人的包容性好像較包容,相反在新加坡見到就多數都係華人同華人,馬來人和馬來人,印度人和印度人自己各自組成生活圈多
作者:
細B 時間: 2/3/2011 10:06 AM
新加坡呢類地方適合短期旅遊,
但唔適合居住...
講真香港已算係天堂了~~
作者:
河馬仔 時間: 4/3/2011 12:57 AM
原帖由 細B 於 2/3/2011 10:06 AM 發表
新加坡呢類地方適合短期旅遊,
但唔適合居住...
講真香港已算係天堂了~~
冇錯呢.當您睇個度的報紙及電視睇足一星期我諗您都會覺得幾悶.
作者:
細B 時間: 4/3/2011 01:09 AM
原帖由 河馬仔 於 4/3/2011 12:57 AM 發表
冇錯呢.當您睇個度的報紙及電視睇足一星期我諗您都會覺得幾悶.
哈哈...
加上新加坡好似太多限制咁
我地呢d香港人肯定唔慣
| 歡迎光臨 賽馬世界 (http://racingworld.no-ip.org/) |
Powered by Discuz! 5.0.0 |