賽馬世界 - Powered by Discuz! Board

標題: 愛彼錶女皇盃, 短途錦標 & 1班心水及重點分析 [打印本頁]

作者: kmbsuperbus 時間: 30/4/2011 12:19 PM 標題: 愛彼錶女皇盃, 短途錦標 & 1班心水及重點分析

今次心水會有重點分析, 但之前俾心水有分析時就差唔多次次都唔中 :ooo: , 反而唔俾就中得多d,
所以有充足的時間, 先會俾埋重點分析!
今次心水各位宜作參考!
今年愛彼錶女皇盃又係拉成均勢, 外隊馬方面, 無左百威勝, 相對地無咁強,
希望港隊可連續兩年勝出愛彼錶女皇盃, 兩連霸!
預計都會係好地/好至黏地上演!
祝各位 1/5 贏多d!

第 3 場 - 短途錦標

1. 蓮華生輝 – 8. 傾力之城 – 3. 時尚風采 – 4. 美猴王

更正: 1. 蓮華生輝 – 8. 傾力之城 – 3. 時尚風采 – 5. 飛闖

重點分析:
蓮華生輝: 短途馬王雖然真係退左, 但係呢場跑仍佔優, 唯一隱憂是首次戴眼罩!
傾力之城: 狀態極佳, 可憑此睇下可否一放到未!
時尚風采: 重配騎佢贏過的都爾, 狀態又已經上番黎, 我對都爾信心十足, 平磅賽, 憑質可有機會入p!
飛闖: 用馬偉昌, 上仗跑1班又麻麻, 睇定d先!
點心: 去完杜拜唔知跑咩, 番黎狀態或多或少跌左d, 又要負128磅, 讓3-9號馬5磅, 有d蝕唔起!
萬事佳: 突然跑番1200, 唔知想點!
活力飛駒: 1000比1200好, 唔用德叔, 用史卓棟, 好睇史卓棟的發揮!
富貴金龍: 連韋達都唔騎此匹蔡約翰馬房的馬, 上仗又唔知咩事跑到咁, 用埋潘頓, 都係唔揀!
美猴王 (已退出): 能力係咁上下, 純跑狀態, 加上今仗對手較上兩仗為弱, 可望跑得近!

信心指數: 4/10

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
第 7 場 - 愛彼錶Lady Millenary讓賽

5. 軍事行動 – 6. 人人興旺 – 8. 滿綵 – 3. 經典皇牌

重點分析:
軍事行動: 質素全場最高, 上仗入直路好遲先係內欄抽番出去外檔衝, 先會跑4th, 加上又係未交代馬, 呢場應該去馬!
人人興旺: 上仗睇落跑盡, 1600也是最佳途程, 忠心馬, 要揀埋, 但配韋達, 睇韋達發揮!
滿綵: 愈跑愈近之馬, 告東尼馬房的作風, 呢埸應黎料, 要提防!
經典皇牌: 對上3場全是級際賽的硬仗, 落番1班, 可望再跑得近!

信心指數: 3.5/10

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
第 8 場 - 愛彼錶女皇盃

1. 魔法幻影 – 11. 卡達聖 – 7. 雄心威龍 – 4. 加州萬里

重點分析:
魔法幻影: 重配騎過佢贏馬兼至夾的柏寶, 柏寶實同你去馬, 其韁繩又最適合匹馬, 匹馬狀態又上番黎,
上仗白德民非去馬款, 前仗又重新釘蹄鐵, 跑完又甩左,白德民只用車輪鞭, 唔多有推騎,
魔法幻影係1匹需要推騎的馬, 今仗見真章!

卡達聖: 續用贏馬拍檔勞愛德, 跑2000更適合, 能力一定未見盡, 此場黑馬分子!

雄心威龍: 上仗贏馬, 跑2nd的軍事攻略已勝出寶馬冠軍一哩賽, 證明此馬的級數,
但今次配韋達, 又排12檔, 唔知韋達攪唔攪得掂!

加州萬里: 上仗初跑2000, 一條直路過晒, 但今仗能否好似上仗咁成疑, 若能, 爭勝機會甚高!

西國浪人: 從未跑過右轉, 馬的觀感不差, 大部分時間都跑膠沙地, 睇下會唔會好似果敢決斷咁!

音樂廳: 杜拜免稅店盃季軍, 實力有根有據, 要睇的是此馬臨場情緒及臨場形勢!

包裝大師: 上仗跑得麻麻, 狀態落左, 睇下係唔係放頭, 唔多睇好!

爆冷: 畢竟已9歲, 衝程短左, 又係唔多睇好!

好先生: 前仗跑得近, 以為狀態已番黎, 但上仗連經典皇牌都跑唔過, 真係有d失望!
今次配番贏馬拍檔巫斯義, 但排14檔, 唔多睇好!

火龍駒: 排13檔配馬偉昌, 唔知又會唔會 ‘排外檔出閘後必須留後’, 能力係咁多, 睇下馬偉昌發揮!

至勇威龍: 去完杜拜番黎, 狀態或多或少都有d落左, 但都係可以ge,
新配搭都爾跑1級賽實同你去馬, 都爾都應該騎得起匹馬, 就係睇下匹馬跑到幾多出黎及臨場形勢!

沙貝利: 唔知點解配潘頓, 能力係咁上下, 跑平磅賽蝕d!

何方神聖: 上仗打吡跑第5只不過沿途係內欄慳慳埋埋跑番黎, 有進步空間, 但不大,
配史卓棟, 睇下史卓棟推騎, 佢有幾多!

捷達河: 杜拜免稅店盃亞軍, 實力不容忽視, 受讓4磅, 應會擺前走, 又係要睇此馬臨場情緒及臨場形勢!

信心指數: 3/10

[ 本帖最後由 kmbsuperbus 於 30/4/2011 04:21 PM 編輯 ]

作者: kmbsuperbus 時間: 30/4/2011 04:20 PM

由於第3場 4. 美猴王已退出賽事, 故第3場心水有以下更改:

1. 蓮華生輝 – 8. 傾力之城 – 3. 時尚風采 – 5. 飛闖

作者: kmbsuperbus 時間: 2/5/2011 06:22 PM

Conclusion:
R3  QP$22
R7  X
R8  Q$75.5 幾好分頭! :ccccc:

俾埋重點分析, d 心水差d! :ooo:

賽後重點分析:
R3
蓮華生輝: 唔知點解咁跑!
傾力之城: 留左後, 唔放頭, 輸埋!
時尚風采: 已盡所能!

R8
雄心威龍: 恭喜韋達及苗禮德, 出色表現! :jjjjj:
魔法幻影/加州萬里: 已盡所能!
火龍駒: 發揮左自己應有的水準!
沙貝利: 超出水準! :ccccc:
卡達聖: 預佢係留後, 點知...... :ooo:

歡迎光臨賽馬世界 (http://racingworld.no-ip.org/)