賽馬世界 - Powered by Discuz! Board

標題: 海外賽心水系列第2擊 - 新航國際盃 & KrisFlyer國際短途錦標心水 + 重點分析 [打印本頁]

作者: kmbsuperbus 時間: 22/5/2011 02:35 PM 標題: 海外賽心水系列第2擊 - 新航國際盃 & KrisFlyer國際短途錦標心水 + 重點分析

海外賽心水系列第1擊算係中左啦!
黎到第2擊! :loveliness:
新航國際盃 & KrisFlyer國際短途錦標兩場G1, 新航國際盃個場比較均勢!
先預祝4匹港隊馬可係新加坡拎到好成績!
也祝各位 22/5 贏多d!

係度, 先講講新加坡的天氣!
新加坡鄰近赤道, 所以全年的溫度大約介乎攝氏22-35度,
差唔多每日都會落一場雨(convention rain 對流雨),
因此, 臨場係咩地係未知之數!
各位應記得前年係好地, 上年係黏地!

而新加坡克蘭芝馬場直路約有400m, 後上馬係夠時間衝上黎!

新航國際盃賽馬日越洋轉播賽事
新加坡克蘭芝馬場
KrisFlyer國際短途錦標心水根據:
1. 近績
2. 同程, 同場及同場同程成績
3. 好地/黏地
4. 騎師
5. 檔位

S2-4 - KrisFlyer國際短途錦標
國際一級賽
1200米

1. 火箭人 – 2. 蓮華生輝 – 3. 綠色駿威 – 4. 太好

信心指數: 8/10

重點分析:
火箭人: 呢匹真係唔駛多講, 杜拜金莎軒錦標冠軍, 狀態極佳,
又番主場, 配埋最佳拍檔高雅志, 必揀!

蓮華生輝: 對上3仗全部2nd, 今仗換上薄奇能, 蓮華生輝用邊位騎都係得ge,
但此駒從未跑過落雨的場地, 臨場落雨會有疑點!

綠色駿威: 狀態番左黎, 上仗初跑膠沙地已有不俗的演出, 左轉應好過右轉,
續配柏寶, 排10檔都係留後跑, 無咩影響, 臨場如果落雨, 爭勝機會增加!

太好: 阿喬斯短途錦標3rd, 證明此馬有番咁上下級數, 近績相對於5-10號馬為好, 要揀埋!

高奇: 獅城盃輸俾火箭人7.5個馬位, 不太睇好!

開心杜拜: 阿喬斯短途錦標只跑10th, 贏的只是1d 讓賽及定磅賽, 級數成疑!

卡巴朗加: 獅城盃輸俾火箭人8個馬位, 不太睇好!

黃金傳奇: 魚尾獅錦標輸, 係因為此駒賽後被發現左前腳不良於行;
克蘭芝短途賽仲要輪俾高奇, 能力成疑!

完美兵: 克蘭芝短途賽跑8th, 表現麻麻!

強權霸主: 對上2仗唔係級際賽都贏唔到, 表現無一可取!

值得注意的地方:
1. 臨場落雨, 綠色駿威可揀先;
2. 如搏冷, 好地: 高奇; 黏地: 黃金傳奇。

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
新航國際盃心水根據:
1. 近績
2. 同程, 同場及同場同程成績
3. 騎師
4. 好地/黏地
5. 檔位

S2-5 - 新航國際盃
國際一級賽
2000米

4. 加州萬里 – 6. 庭園華座 – 1. 百威勝 – 2. 魔法幻影

信心指數: 4.5/10

重點分析:
加州萬里: 上仗愛彼錶女皇盃跑2nd, 證明其級數, 海外賽績曾跑左轉;
排13檔, 都係留前鬥後, 可望入3甲!

庭園華座: 跑過2000, 上仗直路塞車, 今仗隨即換上杜利萊,
杜利萊好岩騎呢類型的馬, 而且實同你大外檔上, 唔會塞車, 有望入3甲!

百威勝: 唔配莫雅, 威力減弱!
睇下夏偉卓係愛爾蘭二千堅尼騎到杜拜之金點就知,
都唔知今場係內欄搵唔搵到位上!
不過此馬係有實力, 都要揀埋!

魔法幻影: 因白德民係大摩馬房的主帥, 所以與此馬的馬主家族至夾的柏寶無得騎, 威力減弱!
因為魔法幻影係一匹需要推騎及打鞭並用的馬, 白德民若只用車輪鞭, 根本發揮唔到匹馬的實力!
當然, 假若白德民騎到好似係寶馬冠軍一哩賽中軍事攻略的級數, 爭勝機會大增!
海外賽績曾跑左轉!

西國浪人: 都係跑番膠沙地好d!

音樂廳: 上仗愛彼錶女皇盃唔知跑咩, 可能跑左轉好d, 跑黏軟地唔係好得, 又怕史賓沙塞車!

鬥牛城: 杜拜司馬經典賽5th 已輸頭馬環保駿駒5.75個馬位, 再上2仗跑到包尾及就黎包尾, 不太睇好!

威剪刀: 去年此賽殿軍, 上仗英女王盃仲要輸俾胖小子, 不太睇好!

風險生意: 上仗英女王盃仲要輸俾胖小子, 又係不太睇好!

胖小子: 英女王盃1st, 新加坡代表最好應係此駒, 但係唔係夠級數就成疑!

捷達河: 愛彼錶女皇盃6th, 總覺得此馬跑1600 or 1800 比2000好,
配上仗騎到佢論論盡盡的范德保, 睇佢的發揮!

新龍木: 上仗英女王盃仲要輸俾胖小子7.4個馬位, 表現無一可取!

值得注意的地方:
1. 睇個績, 音樂廳跑黏軟地唔係咁好;
2. 信范德保的發揮, 可買捷達河;
3. 想搏新加坡代表入p, 可小注搏胖小子。

[ 本帖最後由 kmbsuperbus 於 22/5/2011 02:59 PM 編輯 ]

作者: kmbsuperbus 時間: 22/5/2011 10:03 PM

Conclusion:
S2-4  X
S2-5  X

賽後評析:
S2-4
火箭人: 超晒班ge 馬, 恭喜恭喜! :lll:
蓮華生輝: 老退啦, 今場留番後衝1段仲可入p!
綠色駿威: 一起步就推, 就知不妙, 直路追勢麻麻, 退左!
太好: 都唔係咁跑ge, 放頭放到咁, 直路梗係墮退!
高奇: 冷門有第4 :ccccc:
黃金傳奇: 冷門入p :jjjjj:
完美兵: 冷門入p :jjjjj:

S2-5
百威勝: 係大外檔上, 當然係輸左, 仲要俾白德民騎的魔法幻影頂左出去!
魔法幻影: 白德民今場發揮不過不失, 都係覺得白德民唔係好騎得起此馬去衝, 配柏寶會好d!
西國浪人: 形勢令此駒贏馬!
加州萬里: 騎到不知所謂!
威剪刀: 偷到雞入p! :ccccc:
捷達河: 場地利前, 憑形勢之利力保一席亞軍!

賽馬就係咁, 有估唔到的形勢!
雖然今次心水不中, 但都好多謝各位點擊觀看支持!

[ 本帖最後由 kmbsuperbus 於 22/5/2011 10:07 PM 編輯 ]

歡迎光臨賽馬世界 (http://racingworld.no-ip.org/)