另外網典Update資料如下：
一直以來，只有「好爸爸」能夠避開伊神o既祝福，但連呢一匹「神馬」都終於被伊神KO！事緣o係3月15日女皇銀禧杯，賽前伊神又話「好爸爸」冇得輸，不過賽事進行期間，先被大摩一對馬左右互夾，入到直路後蘇銘倫選擇o係內欄取位，但最後300卻不幸中牆，就算最後200成功望空，但已經被「再領風騷」放甩，「好爸爸」終於成為了伊神祝福o既「犧牲品」之一！
3月18日跑馬地夜馬，佢話尾場「超勁精神」冇得輸，更表示用$500買W，「P都唔駛補」，結果呢隻排1檔o既馬，居然可以走四疊蝕位，結果當然落敗而回！
o係打比大賽(3月22日)舉行前兩日，由於日本同時o係3月22日進行兩場級制賽，伊神又再做先知，分別作出以下預言：
* 1. 打比自由好穩贏，首飾奇寶有Q，閒話一句最多第三，再豐裕絕對可用人格擔保，三甲都冇！
* 2. 3月22日精英碗，喜聚寶+爆炸死Q。
* 3. 聽日(3月22日)要閒話一句"打直出o黎,打橫入番去"。
* 4. 功夫巨星(Oken Bruce Lee)出戰阪神大賞典，贏馬機會十拿九穩。
* 5. 春季錦標支持Unrivaled。
結果分別係：
* 1. 閒話一句輕勝，自由好蘇銘倫用盡功架都不能接近，只得第二，首飾奇寶第四。
* 2. 喜聚寶及爆炸大敗而回。
* 3. 閒話一句乜事都冇地輕取打比。
* 4. 功夫巨星大敗。
* 5. Unrivaled輕勝春季錦標。
至於之前預言o既「買自由好仲穩陣過做定期」及「堅持自由好係打比真命天子」，唔駛講當然係炒晒粉！
而伊神輸晒後條氣明顯唔順，特別係佢最憎o既騎師白德民贏打比，更加令佢氣憤！所以賽後佢又話：
「當年綠怡打比咪一樣輸俾奪錦，不過之後一次又一次做馬王，我相信自由好一樣得！」
