這天（12日）港澳盃賽馬日，四個澳門當地騎師來港客串一日，雖然高君濤及馬雅因座騎退出，冇得跑港澳盃，但同何華麟一樣，在其他場次均有馬騎；相反，史偉恩就冇外線馬騎。
其中，喺澳門成績屬前列�H何華麟同馬雅最受歡迎，均有七隻出賽馬。
本地馬迷對何華麟唔會陌生，當年佢就曾經騎前馬王「有性格」爆冷。其實佢離開香港馬圈，事後睇返都有啲不明不白，但係輾轉去到澳門繼續策騎反而因禍得福，近幾年可以話係策騎生涯�H高峰，仲做埋澳門冠軍騎師。
今日除咗澳門馬「勁威王」，同埋姐夫羅富全提供三隻質新馬，幾個華人練馬師亦非常念舊，都有馬支持何華麟。
為公為私，何華麟都必定全力以赴，始終佢已經唔係後生仔，騎師生涯唔係剩好多時間，聽聞佢真係好想掛靴前能夠返香港客串，即使係一段好短時間都心滿意足。係咪可以達成心願，最低限度都要俾啲表現證明自己先。
至於雷神�H巴西同鄉馬雅，更加值得重視。睇過佢跑馬�H馬迷都公認佢係好嘢，跑沙地係佢�H強項，今日第三場「鱷臨天下」由佢騎跑泥地真係隨時變身。
馬雅鬥志一啲唔使擔心，點計都想搏表現提升身價，將來申請嚟香港發展亦唔係冇可能。
講開又講，何華麟同馬雅今日�H支持度，竟高過唔少長駐本港�H華洋騎師，好似柏寶同祈普敦就得小貓三兩隻馬跑，某程度反映幕後對呢啲騎師真係冇乜信心，有得揀的話都情願借外人搏殺。
歸根究底，就係馬會�H騎師發牌制度出事，全季牌照令部份公司騎師（即馬會騎師）不思進取，牌照委員會搵騎師�H思維又僵化。
其實日後再搵騎師來港客串，唔使去到澳洲咁遠，近近哋澳門可能已經有更好選擇。
https://hk.sports.appledaily.com ... e/20180512/58181066
使唔使咁吹奏法
