2005年菊花賞以後，日本討論區就開始討論呢隻馬可以/應該有咩稱號俾佢；

當時我一諗，就係呢個標題。

我唔敢話呢個名係最好．但起碼夠簡潔．甚至呢隻馬根本唔駛再強加一個稱號俾佢；

因為佢同佢個名，對全球就係一個Deep Impact。

我第一次認識呢隻馬應該係o係05年2月頭，當時循例咁掃新聞，就見倒呢隻馬若駒錦標贏5個馬位。

睇埋紙上賽績，我就覺得呢隻馬會好勁，但因為冇片睇，所以唔知勁成點。

之後一個月過去，到彌生賞前夕，日本已經將呢隻馬吹捧成一隻怪物，我亦終於一睹呢隻馬點樣「震撼」地贏。



有冇見過一隻後追馬400米可以按韁由10馬位後趕上而大勝5馬位？未見過唔緊要，Deep Impact即刻示範畀你睇。

2:00.8的時間，加上其取勝姿態及距離，已經被馬圈評為新3冠希望．．．

[ 本帖最後由 sw 於 30/6/2007 05:04 PM 編輯 ]

2005年3月6日，彌生賞，日本二千堅尼預賽。

2歲王者Meiner Recolte，新勝京成杯嘅賞東瀛。

以為係Deep Impact挑戰呢兩隻？錯，啱啱相反。

賠率顯示，Deep Impact只有12蚊，Meiner Recolte有53蚊，賞東瀛更冷到12倍！

如果香港人見倒咁嘅賠率，一定會小注後兩隻，因為Deep Impact太超買喇．．．

結果係點？



橫山典弘＆賞東瀛偷雞之1－1檔全程貼欄，入直路沿欄衝刺！

若果係平時跑馬，已經偷雞成功。

可惜出面嘅對手係Deep Impact．．．

橫山典弘騎到甩髀，都係敵不過出面輕輕催策嘅武豊；Deep Impact有驚冇險3連勝。

下一場，就係日本二千堅尼．．．

日本三冠頭關，二千堅尼。



點解一開波就係片？冇錯，因為冇背景可言，

Deep Impact已經奠定其十幾蚊擂台躉位置。

講翻場馬，Deep Impact表面贏得輕鬆，

雖然轉爆炸彎一段，武豊要力騎同埋開鞭．．．

但當時好多人都睇到，兩分鐘之前，日本幾乎冇左一隻三冠馬！！！

若果識少少日文嘅，應該會聽倒旁述對Deep Impact出閘有疑問；

點解呢隻馬會伶仃一隻慢左呢？

背後嘅人聲其實講左個答案，但係被覆蓋左；

正確答案係：Deep Impact起步失蹄一跪，武豊幾乎墮馬！

好彩我地嘅豊哥及時抽起馬頭繼續跑，免得再次出醜於人前．．．

但係12蚊嘅派彩，肯定唔夠全日本馬迷買驚風散．．．



如果話二千堅尼係一場少少刺激嘅賽事，咁日本打比都應該算係一場沉悶至極嘅賽事．．．



除左「實至名歸」四個字，已經冇其他詞語形容Deep Impact；

反正就算武豊騎得點衰，Deep Impact已經比同齡馬超幾班以上；

而且呢場武豊發揮繼續合格，結果打比冠軍手到拿來；

唯一驚喜可能係5個馬位大勝啦．．．

[ 本帖最後由 sw 於 30/6/2007 11:46 PM 編輯 ]

菊花賞預賽，神戶新聞杯。

一場沉悶的比賽，Deep Impact繼續個人表演，

以6戰不敗之氣勢衝擊三冠。




2005年10月23日下午3時40分，京都競馬場，歷史之一刻。

日本三冠尾關，菊花賞。

全日本馬迷都希望繼魯鐸象徵後，21年來的不敗三冠馬，

令Deep Impact賠率只有極罕見之1賠1。

簡直當賽前關之影及賞東瀛之幕後預先張揚的戰略不是一回事。

次熱超預感已是20倍，賞東瀛更冷至50倍。

當大家以為是手到拿來的三冠，原來比想像中辛苦好多．．．

[ 本帖最後由 sw 於 14/7/2007 11:31 PM 編輯 ]

Thanks:aaa:

支持 ...:loveliness:

很詳細.謝摟

現場13萬眾期待的菊花賞，開閘！

Deep Impact一反常態，起步迅速！是好，是壞？

武豊決定將馬留在馬群中競跑。

不過馬匹似乎不適應比賽節奏，在首次跑過直路時一直搶口，想盡快衝刺一樣。

武豊也只好大力約束馬匹，使看台前的觀眾暗暗心驚。

而比賽的步速，就一直由關之影及賞東瀛操控。

直至最後600米，武豊開始催策座騎．．．



橫山典弘＆賞東瀛偷雞之２－緊跟關之影，入直路提早發力走甩！

深知馬不如人的橫山典弘，決定跟關之影齊齊走甩，希望Deep Impact最後姍姍來遲。

進入最後直路時，關之影力弱，但賞東瀛依然保持近5馬位優勢，難道偷雞成功？

此時，飛將軍出現！

Deep Impact在武豊連拍數鞭後如飛殺上，最後600造出33.3秒極速下，

及時趕過賞東瀛，成為21年內第2隻不敗三冠馬。



如日中天的Deep Impact，又有誰想到兩個月後會遭逢第一次挫折．．．

成年後寫番:fff:

見香討有人貼我先想寫翻:jjjj:

[ 本帖最後由 sw 於 12/8/2008 05:07 PM 編輯 ]

奪得三冠後，幕後決定讓Deep Impact避戰日本盃，全力進軍有馬記念。

當年的日本盃，由傲家聲險勝真心呼喚奪冠。



但任誰都看得出，只要跑多兩步，頭馬必屬後者。

就這樣，又多一隻攔路虎進入有馬記念。



2005年聖誕節，中山競馬場。

初對年長馬的Deep Impact無損全國馬迷信心，獨贏只有13蚊，

而真心呼喚則只是17倍冷門。

開閘！Deep Impact慣例慢閘，

帶頭的是賽後退役的跳舞城，馬女Osumi Haruka緊隨其後，跟著的是．．．真心呼喚！！

騎師李慕華一改其後上跑法，能否奇兵突出？

Deep Impact則一如以往留守馬群後方．．．



歡呼聲中，Deep Impact沿外疊推進，準備施展其凌厲後勁。

轉入直路，萬眾矚目的加速．．．沒有出現。

真心呼喚早著先機，先力壓內欄的大宇宙及林肯，再堅拒Deep Impact的後勁！

Deep Impact力追，但始終難越半步，以一個馬位飲恨真心呼喚蹄下。



年尾，雖然Deep Impact順理成章成為最佳3歲馬及全年馬王，

但此一敗仗，亦為牠今年的戰績遺下一個污點。

其實你留意下
有馬個場最後五係真心呼喚加速
而係大震撼衝到最後幾步已經冇力,自己停左

2006年開始，幕後就決定Deep Impact要進軍凱旋門。

由於勁敵真心呼喚會遠征跑杜拜司馬經典，

所以上半年的年長馬戰線，毫無疑問是Deep Impact一枝獨秀。

2006年3月19日，Deep Impact於阪神大賞典復出。

賽事步速非常快，Tokai Trick及太陽祭將其他戰駒體力消耗盡；

可是當跑到最後600米，其他馬正在掙扎中時，

Deep Impact已輕鬆追上，入直路在武豊輕催下越過Tokai Trick，

最後以幾近三腳跳姿態贏馬，強勢進入春季天皇賞。





一個月後，有16匹蝦兵蟹將挑戰Deep Impact，

其中實力最強的，是上場日經賞贏馬的林肯。

但多數人都認為，林肯只能跑第二。

一場本無甚驚喜的比賽，到最後竟然精采萬分．．．

[ 本帖最後由 sw 於 13/8/2008 12:10 PM 編輯 ]

伴隨著觀眾的歡呼與悲鳴聲，春季天皇賞起步！

何解悲鳴？因為Deep Impact又慢閘了．．．

不過武豊很快穩定馬匹，留在後方競跑。

而賽事步速就在幾隻放頭馬互搶下逐漸加快．．．



1000米處，第一波歡呼聲出現！

Deep Impact已自動加速，追上前列！

600米，第二波歡呼聲！Deep Impact已經領先！

林肯及橫山典弘如夢初醒，猛力追趕。

入直路，Deep Impact保持3馬位優勢直奔終點。

單論姿態，並不足以顯示Deep Impact的強勁，

唯有用時間相比，才知道今場勝仗之厲害。

時間3:13.4，比舊兩哩紀錄快足一秒；

最後800米44.8，最後600米自造33.5秒，

即是Deep Impact以驚異的短途速度及良好的耐力，完成兩哩的大長途路程！



[ 本帖最後由 sw 於 13/8/2008 12:50 PM 編輯 ]

除左呢樣之外  中山馬場既爆炸彎都係DI既唯一死穴

事後睇返佢4次係中山馬場既表現 , 都證明跑中山真係無咁勁 :ppp:

反而係京都 , 東京呢d大場既表現相當出色 :eee:

係彌生賞都係岩岩好追到 :ddd:  最後幾步都係爬過 :sss:

皐月賞嬴得好d , 但係轉彎果時隻馬明顯係唔上 , 入左直路先出到力 :ooo:

如果佢有機會跑d細場 , 隻馬好可能係 小回 x :yyy: :yyy:

di輸有馬 我會覺得係初對古馬+狀態回落+比人偷雞
你睇佢一覆卓根本冇問題.......

你再睇清楚兩場有馬既分別 :fff: :fff:

第一次跑有馬  武豐早早就抽左出去蝕位食風 :ggg: 加上早段留得太後(最後)  追上黎晒左d力

跑古馬跑到好似對3歲馬咁  :fff:  自視過高wor :ooo:

再加上前領馬步速控制得好 , 令到跟前馬匹係易跑好多

係轉完第一個圈轉第一個彎之後賽事步速變得偏慢 :kkk:  

前面既馬跟得輕鬆 , 而且武豐真係當左呢場係普通賽事

任由大震撼係出面望空仲要大蝕位轉個爆炸彎

係爆炸彎爆唔起就真係無乜幾多剩 :sss: :sss:



反而第二次吸收左經驗 出閘無留太多 , 跟係中後位置

加上放頭馬跑得相對地差  跟住佢既都受到影響

成堆馬都堆晒上前面搏走甩 , 搞到一堆馬跟前

放頭馬頭段亂放 , 之後d步速又快又慢   :jjjj:

扯到前面d馬又上又落 :jjjj: :jjjj:

令到跟係中前位置既馬匹入彎果時堆埋一舊  :llll:

大震撼係大宇宙既絕妙cover之下慢慢推進 :gggg:

轉完大半個彎  一抽出去就成支火箭咁標上去 :dddd:

明顯跑得比上年安全好多 :fff: :fff:  形勢而言都相對有利好多


某程度上真心呼喚能夠嬴  都係因為佢有相當既實力 :iiii:

而且隻馬真係幾全材  前又得後又得 :qqqq:

相對大震撼既一味靠追 , 係有著數既 :rrrr:

果場大震撼係明輸比真心呼喚 , 就算係最佳狀態兩隻馬跑多次 , 都無人可以話邊隻馬有優勢 :gggg:



如果要用咁多原因去解釋一場敗仗  某程度上係因為佢本來就應該輸  :ppp: :ppp:

因為就算係一隻馬王級既馬匹  亦唔可能每場都跑出馬王級既水準 :uuu:

始終  呢場馬都係一個好好既考驗  係之後果年既一個好既試金石 :eee:






以上內容如有覺得廢up  敬請多多包涵 :yyy:

所以我唔會話隻馬小回x囉.....

正如草上飛左回x都係有問題 唔通呢隻馬級數 佢未贏過東京g1=左回x? 唔係嘛:jjjj:

[ 本帖最後由 sw 於 13/8/2008 10:49 PM 編輯 ]

以大震撼既跑法而言  跑小回極有可能死得好慘 :jjjj: :jjjj: :jjjj: (札幌除外 ? :yyy: :yyy: :yyy: :yyy: )

小回x 應該送比 騎緊大震撼既武豐 :fff: :fff:


另一方面  遊戲入面既野不嬲都係創作者既主觀佔大部份  :jjjj:

佢9up都得 :yyy:  所以一笑置之就可以啦 :jjjjj:

[ 本帖最後由 souphen 於 13/8/2008 11:02 PM 編輯 ]

唔信.....06年有馬 步速比至愛搞亂 後面班馬拉龜 照同你拉 so what? 同步發力都係贏晒....