伊露依預言期票(7月17日更新)
由於伊露依先生實在太強勁，佢每次預言一出，大家都「非常重視」，
所以在此開一個「伊露依預言期票」o既帖，先記錄低佢講個o既預言，
等大家可以「放長雙眼」睇佢o既預言會否成為事實！
應驗o既預言會以紫色顯示、未能應驗o既就會用藍色顯示。
近期已經實現預言：
1. Casino Drive於二月錦標贏馬。(結果第二！)
2. 話今年日本泥地馬，將會改朝換代。(冇錯，不過係Success Brocken！)
3. 自由好打比預賽贏硬。(結果一野輸o左四萬五！)
4. 喜聚寶及綠色駿威可以幫蘇仔杯賽起孖。(結果兩隻入直路時中晒牆！)
5. 揚言冼毅力冇牌。(結果有得留低！)
6. 星期日同一世界冇得輸、紅衣司令冇三甲。(雖然紅衣司令真係三甲不入，但同一世界亦一樣！)
7. Air Shady中山紀念冇得輸。(結果呢隻中山鬼都輸埋！)
8. 聯賽杯進行期間話曼聯玩完。(結果互射12碼擊敗熱刺棒杯！)
9. 閒話一句3月7日一戰輸梗。(結果大炒對手四個馬位而回！)
10. 匯豐(3月10日)跌穿$30。(結果反彈至$37.6！)
11. 國米會o係歐冠杯將曼聯踢出局。(結果被曼聯兩球掃走！)
12. 杜拜世界盃Casino Drive用戴崇謀玩完。(結果係戴生唔得閒，改由安藤伯策騎！)
13. 恆指今個星期(3月9日至3月13日的交易日)會穿一萬。(結果3月13日恆指收市報12525！)
14. 好爸爸跑女皇銀禧冇得輸。(結果被再領風騷一放頭底，好爸爸第二！)
15. 關楚耀、衛詩會冇事。(結果兩個都驗到High o野！)
16. 好利威唔用廢達要拖一票。 (結果冇料到！)
17. 幸運駿駒唔去杜拜。(結果係3月16日就出發！)
18. 3月18日，用$500買超勁精神單W。(結果老巫玩1檔走四疊！)
19. 打比自由好穩贏，首飾奇寶有Q，閒話一句最多第三，再豐裕絕對可用人格擔保，三甲都冇！
(結果閒話一句輕勝，自由好第二，首飾奇寶第四！)
20. 3月22日精英碗，喜聚寶+爆炸死Q。(結果一對都冇影！)
21. 自由好打比穩陣過定期、堅持自由好係打比真命天子。(結果蘇銘倫用盡功架都只有第二，連閒話一句都接近唔到！)
22. 聽日(3月22日)要閒話一句"打直出o黎,打橫入番去"。(結果閒話一句輕勝！)
23. 功夫巨星(Oken Bruce Lee)出戰阪神大賞典，贏馬機會十拿九穩。(結果輸埋！)
24. 佢入票去買ihome o既時候，發展商突然話延期開售！
25. 日經賞睇好Earnestly。(結果第四！)
26. 希臘寶馬+雕塑家死Q冇走雞。(結果全炒！)
27. 司馬經典賽睇好躍升、加埋迪諾醫生死Q。(結果前者塞車跑第四、後者全程走四疊落敗！)
28. 唔好睇少Casino Drive，後話改要勝利歡樂及英迪寶駒，拖埋開心童做T腳，放棄Casino Drive！(結果全部輸晒！)
29. Faridat母子制霸高松宮冇難度。(結果跑第六！)
30. Viewed o係寶馬錦標冇W有Q，Theseo係Q腳，Fiumicino三甲必冇。
(結果Viewed強到得第三、Theseo第二，Fiumicino爆大冷贏馬！)
31. Real Saga o係金拖鞋實食冇黐牙、More Joyous三甲必冇格。(結果兩隻炒晒！)
32. 而因為31、32點關係，全日岳禮華完全冇影、反而白德民連贏三場，包括兩場G1！
33. 5號仔呢排好似升得唔錯喎:eee:睇下星期五收市到唔到$50先:eee:仲有恆指應該16000在望:fff:
(由於此預言o係3月25日發出，根據3月27日恆指報14119點及匯豐報$43.9計算，結果當然唔到啦！)
34. 大阪杯心水：Deep Sky今場出o黎熱身，搏冷小注Victory。(結果玩大逃玩到逆噴射，大敗而回！)
35. 好爸爸唔跑主席錦標，好利威應該贏晒，除非用韋達。
36. 主席錦標貼士：好利威唔用達少必有W、友誼至上Q腳、爆冷頂多有第三，再豐裕用達少三甲必冇！
(結果係再豐裕贏馬、友誼至上第二、爆冷第三、好利威第四！)
37. 怒咒白德民4月5日賽事場場冇Q！(結果全日1W1Q2個第三！)
38. 鳥語花香99.999999999999999999999999999999999999%肯定輸硬(結果贏馬！)
39. 維拉可以炒曼聯兩球。(冇錯，係兩球啊，不過賽果係：曼聯以3:2擊敗維拉！)
40. Oken Bruce Lee春天會重現本來面目。(結果因為受傷而放牧，秋天先再出！)
41. o黎緊曼聯可以挑戰三連敗、四連敗、甚至無限連敗。(結果對維拉一戰即刻贏返！)
42. 4月8日賽事睇好愛馬寶、鎖定目標，同時話萬里駒贏唔到。(鎖定冇影,愛馬寶入Q,但被睇死的萬里駒殺左)
43. Sousa o係澳洲打比十拿九穩，單W唔駛補P！ (結果跑第四！)
44. 4月10日晚，曼聯對新特蘭打到下半場中段，比數係1:1 o個陣，佢即話「睇好曼聯輸多場」。(結果馬捷達立即射入一球反勝2:1！)
45. 4月13日賽事睇好家家寶！(結果跑第二！)
46. 歐聯四強：巴塞、車仔、波圖、阿仙奴。(結果波圖成為犧牲品！)
47. 49000到四強鮋機會係零 + 今晚大家可以見證49000死期。(結果曼聯順利殺入歐聯四強！)
48. 波圖主場巨龍球場不利英超球隊數據，結果被伊神一晚K掉！
49. 種馬錦標睇好PHELAN READY。
50. 讀賣一哩杯睇好HIKARU OZORA。
51. 澳洲橡樹睇好GLOWLAMP。
52. 唐加士打讓賽睇好Theseo。
(結果以上四隻全部炒晒！)
53. 英格蘭足總杯四強時，睇好曼聯贏波。(結果出局！)
54. 話衛詩好快返o黎香港，應該冇事。(結果要等足三個月先返到o黎！)
55. 4月26日曼聯對熱刺，當曼聯仲落後緊o既時候，佢話「-61949000如無意外又一場輸波」。(結果曼聯反勝熱刺5:2！)
56. 女皇杯賽日，分別預言「松林之星勝算不俗」、「雕塑家贏梗女皇杯、自由好Q腳、爆冷要拖返一票」。
(結果係：松林之星第四、雕塑家冇影、自由好第三、爆冷第二！)
57. 閒話一句o係冠軍一哩擊敗好爸爸o既機會係零 + 好爸爸更加冇輸o既理由；自由好係時候正式接爆冷捧了！
(結果雖然閒話一句跑第五，但好爸爸全程外疊，仲要最後200米蘇仔跌鞭，最後只跑第四！)
58. 4月27日話豬流感未傳到香港，有乜好驚；4月30日仲話「打到o黎至算」。(結果5月1日就已經有第一個感染個案！)
59. 肯塔基打比支持PIONEEROF THE NILE。(結果被50倍o既Mine that Bird擊敗得第二！)
60. 春季天皇賞佢支持Delta Blues。(結果冇影！)
61. Kane Heliki G1八勝冇難度 (結果第2之餘，仲要傷埋！)
62. 長期支持Casino Drive，搞到而家屈腱炎！
63. 睇好阿仙奴歐聯踢曼聯出局。(結果係阿仙奴被曼聯踢出局！)
64. 國內某論壇舉行萌戰，伊神支持上屆盟主夏娜。(結果第一回合夏娜即刻出局，仲要輸俾一個二打六！)
65. Victora Mile舉行前，佢話「Little Amapola+Reginetta社台死Q；送伏特加落地獄」！(結果係Vodka贏條街返o黎！)
66. KrisFlyer國際短途錦標舉行前，佢話「香港一對輸梗」，並且睇好Takeover Target。
(結果係蓮華生輝贏馬，Takeover Target輸到唔知去o左邊！)
67.新航國際盃百威勝冇得輸。(結果入直路中神牆，最後僅敗於「冠軍風采」短頭位得第二！)
68. 「創惑及綠色駿威都仲有多少機會；蓮華生輝死心了！」
(結果係蓮華生輝俾佢放棄後連勝兩場，相反創惑暫時跑唔返，綠色駿威仲要中埋蹄葉炎！)
69. 歐協決賽睇好雲達不來梅贏3:0。(結果係薩克達贏2:1！)
70. 5月21日夜馬睇好神機妙算、心頭好、魅力漢子。
(結果神機妙算落敗，賽後驗到有傷；魅力漢子得第二；心頭好更加搞到閘前退出！)
71. 5月24日買o左福喜$500 WP。(結果福喜o係一度出頭下，竟然俾騎師跌o左鞭o既好開心Fight Back擊敗！)
72. 歐聯Final巴塞可以贏3:0。(結果只係贏兩球。)
73. 佢有預感今年會出第七隻日本三冠王(並非Logi Universe)。(結果Logi Universe o係日本打比取勝！)
74. 爆冷贏到遮打盃o既機會係零。(結果擊敗伊神愛駒自由好，奪得09年遮打杯！)
75. 法網心水 - 男單冠軍 :拿度。(結果今日(5月31日)就出局！)
76. 法網心水 - 女單冠軍 :莎芬娜。(結果o係決賽被擊敗！)
77. Sea the Stars跑葉森打比100%睇好佢只有三甲；同時睇好Fame and Glory贏馬。
(結果係Sea the Stars擊敗Fame and Glory，奪得2009年葉森打比，同時因為伊神o既協助，終於有第一位香港馬主奪得葉森打比。)
78. 2009年安田記念睇好勝眼光、睇死Vodka三甲不入。(結果Vodka就算阻足300米都贏！)
79. 費達拿奪得法網冠軍o既機會係零。(結果贏埋！)
80. Takeover Target金禧會復仇。(結果跑都未跑就退出！)
81. 蓮華生輝去到英國盞出醜。
82. 要隻J J The Jet Plane都唔信隻龜。
(結果兩隻都炒晒！)
83. Deep Sky寶塚贏梗冇得輸。(結果跑第三！)
84. 佢話七月前香港冇過千人感染豬流感，就跟你姓！(到而家為止都只係得828宗！)
85. 今年馬王當然仲係好爸爸。(結果佢放棄o既爆冷成為08/09馬季香港馬王！)
86. 話大摩剎科日食蛋。(結果起孖而回！)
87. 08/09馬季剎科前幾日，表示汝安大神畢業冇難度。(結果到最後只係贏12場！)
88. 7月港股跌到得6000點。(結果而家仲企穩18000點樓上！)
*第19-23點，全部o係3月22日一次過發生！
*第25-29點，全部o係3月28日至3月29日一次過發生！
*第30-32點，全部o係4月4日一次過發生！
*第34-39點，全部o係4月5日一次過發生！
*第49-52點，全部o係4月18日一次過發生！
*第65-67點，全部o係5月17日一次過發生！
*第73-75點，全部o係5月31日一次過發生！
*第84-86點，全部o係7月1日一次過發生！
未能實現之預言：
1. 雪山神駒星期三輸硬。(結果真係輸o左)(此馬謂黃汝安馬房的馬)
2. 3月14日用一千蚊買利物浦！(結果收錢！)(擺明玩曲線)
3. 春季錦標支持Unrivaled。(結果輕勝！)
4. 幸運駿駒o係金莎軒入到三甲至奇。(結果真係三甲都冇！)
5. 伏特加贏Duty Free機會係零及豊哥騎Vodka跑Duty Free，好大機會三甲都冇。(結果輸o左！)
6. 利物浦今日對富咸一戰冇得輸，誓要與利記同生共死！(結果利記險勝一球！)
7. Buena Vista o係櫻花賞係Sure Win！(結果險勝！)
8. Unrivaled o係日本二千堅尼機會不俗。(結果贏馬！)
9. TJ Smith錦標睇好Takeover Target。(結果大勝而回！)
10. 拜仁奪標無望，奇連士文等執包袱。(結果奇哥正式被Fire，拜仁最後得第二！)
11. 5月2日巴塞對皇馬進行期間，話巴塞贏硬。(結果係巴塞大炒皇馬6:2！)
12. 曼聯衛冕歐聯o既機會係零。
13. 決賽對巴塞佢就知味道(意思指曼聯)。
(結果巴塞擊敗曼聯！)
14. 唔相信Sea the Stars可以贏愛爾蘭打比。(結果退出！)
15. Fame And Glory一定報硬仇。(結果贏o左愛爾蘭打比。)
16. 今季唔到閒話一句惡。(結果今季所有路程獎項都冇份！)
17. 剎科日貼士：喜聚寶贏得，好日子輸梗。(結果前者贏o左，後者輸o左！)
最新預言：
1. 匯豐短線見$30、長線見$10。
2. 通用汽車99.99%玩完
3. 我剩係相信佢(阿嬌)未來會大紅大紫。
4. 匯豐有機會破產。
5. 當年綠怡打比咪一樣輸俾奪錦:bbb: 不過之後一次又一次做馬王:bbb: 我相信自由好一樣得！
6. 咒大劉早死早著。
7. 祝華置早日破產。
8. 我只係覺得熊市三期都仲未到。
9. 總之我相信隻再豐裕以後連三甲都唔駛旨意入到:bbb: :bbb: :bbb:
10. 香港死硬、流感感染人士過千。
11. Rachel Alexandra係美國版大和妹，完成大和妹妹未能完成之夢想吧！
12. 2009日本萌戰預測：
a. 今年覺得釘宮新勢力-逢悞大河機會不俗呢:eee: 另外管家軍也是爭勝份子:fff:
b. 經過去年"噩運猩"一役之後，我有理由相信京都系今年一定八強都冇:bbb:而且傳統鈬講,賽前大熱一定死得轟轟烈烈:yyy:
佢入到十六強至奇:eee: :eee: :eee: :fff: :fff: :fff:
13. 下年係自由好鮋世界:bbb:
14. 菊花賞Unrivaled一定報仇:bbb: :bbb: :bbb:
15. Beuna Vista o係凱旋門可以擊敗Sea the Stars。
16. 下季君子一言會大放異彩、下季打覉佢絕對有力爭勝。
17. 孫子奇兵下次會輸。
18. 我彷彿已看到告東尼二號。(即表示蔡明紹成就會拍得住告東尼。)
19. Deep Sky完全係扶唔起鮋阿斗:rrr: 正式宣告放棄！
20. 歐洲真•三歲馬王確定=Fame and Glory
21. 下年香港短途馬王出現=無敵神駒
22. 陳振聰一定輸梗！
23. 下季力撐汝安大神！
24. 7月18、19兩日唔會打風，對李氏力牆有信心！
[ 本帖最後由 Running 於 17/7/2009 12:39 AM 編輯 ]
|
