去年電影《鴨王》成績不俗，最近再推出續集《鴨王2》，繼續大賣情慾題材，除上集演「YoYo姐」出色的唐紫睿（Hazel）有得留低外，再加入新血鍾采羲（Iris）和林莉嫻（Leslie）齊齊性感演出。雖然三女全片三點不露，但走開性感路線的她們坦承難搵對象，不過為事業就算Dry爆都無計。
今次電影延續上次故事，Hazel繼續飾演「YoYo姐」，還跟同樣是電視台姐仔的Iris針鋒相對，Hazel說：「上次個角色真係幫咗我好多，去到北京都有人叫我做『YoYo姐』，今次我會同Iris不和，有次佢仲整蠱我，當頭淋我屎?！」
游冬泳謝票
首次拍電影便有性感演出， Leslie承認最初都不習慣，幸好拍牀戲對手何浩文很有經驗，「佢真係好照顧我，知道我係新人，成日都會提醒，令我個心都定啲。」對於經常演出性感角色，三女都承認確實有礙發展戀情，Iris說：「點都會有啲影響嘅，男朋友未必會鍾意，但係我?家無拍拖，所以唔驚。」
不過Hazel和 Leslie都認同，為了發展事業也不介意繼續Dry，「既然冇乜對象夠膽追我哋，我哋又要顧慮對方感受，咁不如唔拍拖住，專心事業囉！」三女更對今次新作相當有信心，更向本報讀者許過承諾，「若果票房好過上集，我哋三個一齊着三點式游冬泳謝票，一定會找數㗎！」
