譚凱琪（Zoie）最近在新劇《鬼同你OT》，飾演OL「Annie」，要色誘「農夫」的C君，面對這個搞鬼對手，令她經常忍不住笑，相當好玩。對於近期接拍劇集《EU超時任務》升呢為第二女主角，戲份愈來愈多，她感到相當高興，但亦會多吸收新知識充實自己，為未來發展作好準備。
在《鬼同你OT》中，Zoie飾演的「Annie」是巿場發展部經理「陳查理」（敖嘉年飾）領導下的「Charlie 's Angels」，跟李綺雯和張名雅拍住上，「我哋三個成日一齊出動，拍完劇大家都變咗好姊妹。」
充實迎挑戰
雖然拍姊妹戲難不到Zoie，但向來易笑的她，面對覑出名愛搞笑的C君，還要色誘他，絕對是一大挑戰，「係Charlie派我哋溝建築設計部嗰幾個男仔鈬攞料，知道C君冧我，我咪負責色誘佢囉！我哋雖然係第一次合作，但係唔知點解好快熟絡，因為咁佢成日講笑，搞到我成日忍唔住笑，色誘佢真係好難！」
《鬼》劇Zoie只屬配角，但剛拍罷的《EU超時任務》已晉升為第二女主角，對於受重用，她當然開心，不過亦令她想充實自己，「有好機會當然高興，會特別珍惜，所以會吸收多鱓知識，譬如睇多啲戲，同埋向前輩請教多啲，好似上次做舞台劇《嬉春酒店》，（林）嘉華哥佢哋教咗我好多嘢呀！」
