紐西蘭蓋都錦標大賽日，如同澳洲的覺士盾日

所有3歲以上精英登場，爭紐西蘭最高獎金的蓋都錦標。
當日天氣清涼但唔見有陽光，場地好至快地。賽事模式大部份都利前領，如要後上650米開始就要上。

講講Hawke's Bay Guineas呢場G2先，再講蓋都錦標。

點解講呢場，因為比較上年頭三名好有參考價值。上年頭馬及季軍為 Alamosa , Fritzy boy。

今年3歲精英開始部署，爭前半季三場的一級大賽。分別係紐西蘭一千堅尼、紐西蘭二千堅尼同利雲經典賽。

之後到一月就開始由威靈頓賽期，備戰跑三月份的打比大賽。但早熟馬的目標當然係頭半年爭取一級大賽。

淨睇排位表，見到排頭牌 Fully Fledged 上年Ford Diamond (2歲一級賽) 冠軍，Nom Du Jeu 的同主馬。嬴一級賽果場跟前直路慳位內欄岩岩好越過對手。之後跑種馬錦標早出頭頂唔到其他馬衝刺。

而其他馬有 Minstrel Court , All In Braw, Vincent Mangano 都係之前在一級賽遇過。

新興勢力有Altered Image 2歲連勝3仗，之後在上月底復出大熱門之下失望而回。至於，Fully Fledged 今季跑了3仗。成績初出輕勝，但上仗負60.5kg下輸俾今仗亦有出賽的Perky Parrort。

賽事展開，Fully Fledged一如而往跟番四五位，轉彎前Perky Parrort 出事拉停。

Altered Image本留到外疊最後，點知騎師Michael Coleman 打算係內欄全力衝刺點知前面馬匹擋住中間阻一阻要再拉出一疊望空衡刺

直路俾Fully Fledged又偷到條靚路。唔駛點搵位在內欄首先追貼放頭馬 The Diamond Knigh，但衝刺唔算好強。突然有隻大冷馬 Tell A Tale 中間爆左上來壓住Fully Fledged 首先衝過終點。Fully Fledged 捱番個第二之際，Altered Image 最後150換一換腳差點連Tell A Tale 都過埋。可惜賽後影相輸埋俾Fully Fledged 得第三。

時間: 1:21:34 較上季慢上年4線。上3F 34.6但成場賽事其實頭五名只有Tell A Tale 同 Fully Fledged係後面追上來的馬匹而大部份。如果計第3名的Altered Image來計當然佢走33.8 – 34.1 而3歲馬來計算唔錯。下仗跑番級際賽只要遇番快步速絕對有能力爭勝，其他馬Fully Fledged 今仗模式同上兩仗差別不大。我覺得係唔鬥得的馬匹。埋門鬥會差少少。要有好好形勢在級際賽先可以取勝。

當然頭馬今仗不論偷雞與否，至少證明能夠在平磅下同一級賽對手周旋，下仗仍可看好。

紐西蘭今季重頭戲蓋都錦標(G1 2040)

賽前預測都係同上次Stoney Bridge 果幾隻馬跑，反而忘記了自己上次檢討時指出Red Ruler在跑Stoney Bridge係今季初出。正路佢同 Nom Du Jeu 在打比都係相差半個馬位。呢場應該點都要拖埋佢。

今次賽事，Princess Coup 嬴好合理，上次都有講澳紐中距離 Top 5 的馬匹。上次姿態驚人，今次少少驚險因直路頭 Red Ruler 的勢頭俾佢更佳。點知 Princess Coup 用鬥心再發力輕取他們個多馬位。賽事合理。

Red Ruler 直路初真的以為佢可衝嬴 Princess Coup。可惜質素上有D距離。但能反勝 Nom Du Jeu 起碼證明自己經過暑假仲有進步。至於，考菲爾德杯機會如何，我認為要再大幅進步才可爭勝。

如果計今場全程最靚位最好跑的就係 Nom Du Jeu，可守內欄仲要前面有Cover 同正常步速。今次都嬴唔到看來暫時再挑戰澳洲的成功率會較低。

Boundless 呢場跑得好，如果前段冇馬搶放埋佢成功慢放，我睇今場賽果可能有變。現在只輸半個馬位俾 Nom Du Jeu 同 Red Ruler。可惜現時澳紐兩地都冇屬於雌馬的長途一級賽。同雄馬跑又未必夠跑真係好難部署。本身隻馬真係要 2000 – 2400 的路程。

Fritzy Boy 上次正宗路程跑錯左，今次加程就唔夠堆老虎來。跑番一哩吧。

Prize Lady 大長途馬，兩屆奧克蘭盃冠軍。呢個第6對佢來說超額完成。

係 Katy Keen 較為失望少少，可能初上一級賽要適應步速。

[ 本帖最後由 S.WEEK 於 9/10/2008 02:56 PM 編輯 ]

至於澳洲方面

蘭域亦舉行春季的超級嘉年華日，全日四場G1上演。可惜天公不造美。星期五落雨落過不停。
當日都天陰陰，全日場地為 Slow。

今日亦開始有2歲的錦標賽上演，頭場 Keeneland Gimcrack Stakes

呢場賽事之前蔡俊佳在報章都有講過，大熱門 Horizons 呢匹「選擇」的子嗣被基婆美譽為第二隻Sebring。
試閘更狂勝5馬位，可惜因排外檔早段用力好多，番來頂唔住冷門馬 Our Joan Of Arc 的衝刺。
如果論走勢我個人喜歡跑第3菲特文的賽駒Come Hither

頭三場最有睇頭當然係 R3 的 Roman Consul Stakes

前屆冠亞軍 Reigning To Win 同已退役的 Gold Edition 都係呢場賽事之後各放異彩。
結果頭段一路跟住放頭馬的 Montana Flyer 直路一攻而破甩開 Drumbeats 個半馬位嬴馬。至於大熱門的 Show Alert 可能受制於場地，返來都唔多。
Montana Flyer 嬴哂形勢，姿態尚可。下場仍可兼顧。
始終大賽日拉散哂唔少實力馬的場合，日後仲可唔可威脅同日一級賽賽事的對手。仍有待證實。

R4 Sportsman Craven Plate (G3 2000m)

Lord Dancer 直路走甩成5馬位，轉彎才如夢初醒的昆士蘭3歲孖賽冠軍 Riva San 推落去看似冇咩 (果時落後放頭馬9馬位)，直路初衝勢亦唔強。點知最後200米突破變速只差Lord Dancer一條頸位。

另一熱門 Dealer Principal 未跑之前仲以為佢在打比跑第4 (果場跑大爛地)會識跑大爛地。但今場看來唔多曉跑。上場輸俾 Fiumicino 的績亦唔算強。

Ice Chariot 跑番底質，場地太爛亦不適合佢的發揮。

Hurrah 轉彎唔跟前走甩，就預左大敗。

來到正賽: R5航班錦標 (3歲雌馬G1 1600)

賽果正路最高分兩隻馬成功串Q 。

Samantha Miss 開季夾4連勝強勢並完成悉尼的‘Princess Series’在現今澳洲3歲雌馬馬壇已無馬可再威脅佢。

將來的部署會係點，10日後的一千堅尼還是覺士盾，睇番佢外祖父Zabeel 最外線掃落 Foreign Copy。DI指數 1.67。上2000應該無咩問題，因前年馬后 Miss Finland DI指數比佢更低都可以跑到 2500。而且覺士盾將負 49kg 跑輕飄飄有機挑戰年長馬。

亞軍的 Portillo 講明跑10日後的一千堅尼，如再遇Samantha Miss當然無得跑。但唔計Samantha Miss 只要跑番今仗水準絕有機會跑入三甲。今場本身角色係封住Samantha Miss，可惜自己在800米彎自己飛出去令到Samantha Miss擺正位及提早發力。Portillo適合任何場地，如當日再遇變化地當然看高一線。
見一見同星期比賽的維省馬匹就可見變化場地幾影響佢地的表現，最緊要Portillo 留得順同唔好跟咁前就可以。

其他馬方面 :

Kimillsy 同上場一樣都係咁走照例跑番出水準。
Glowlamp 左塞右塞，騎法有點礎眼。
Stirpper 上場都講過，金玫瑰錦標所負出的體力實在太大。
Maybe I 有D失望，跟個位咁靚，騎落去冇。睇多一仗。

R6 春季冠軍錦標 (3歲 G1 2000)

原先大熱門Rhyno Chaser 退出比賽，故上賽嬴預賽的 Predatory Pricer 成為今場的大熱門。

之前都講過，Predatory Pricer half brother 係「兼併目標」。父系出自「街頭口號」。「兼併目標」之前在英國連該國的軟地都可適應。所以照咁計 Predatory Pricer 在軟地絕對可以應付。

而另一隻唔怕淋地，並且會因為變化地將力量大增仲有 Sousa。Sousa父系「天文學家」但母系 Liberty Song 本是英國馬。所生的仔女全部在英愛出賽。變化場地絕冇問題。

而且今場大部分馬匹質素參差得好緊要，更有馬匹未勝出過任何賽事。

講番賽事，Sousa 乘次熱門 Fight and Defend 轉彎就無力，一推就過。果個史科菲本身Predatory Pricer 出閘好好仲守五位，點知自己拉拉拉，論論盡盡拉到直路初中間幾隻包住。仲要格硬拉開側邊的馬匹展開衝刺。人地Sousa 都走開5個馬位。反而 Predatory Pricer 冇了上場爆一後 34.5 衝刺。

Sosua 可能受場地之助先嬴咁遠而且暫時睇得佢有哂2000米的氣量。耐力比其他馬更好。

Predatory Pricer 就算今場發揮好番D我睇都嬴唔到 Sousa 本身的場地優勢。始終六個馬位距離太遠，至於長力應該無咩問題，全場得佢一隻係追上來入三甲。

Excelltastic 太淋的地對佢影響好大，本身騎落去亦唔多都係岩岩好過Fight and Defend。

Fight and Defend今場放得快左都頂到第四，證明今年參賽水準確一般。而且軟地減低佢地部份的威力。

R7 大都會讓賽 (G1 2400)

全日最o咀的賽事。無咩我好討論

首先: 大冷門Newport 留至最後，轉彎慳位內欄衝嬴走甩的Bianca

奇二: 成堆馬飛鬼哂出去衝，外面場地好好咩

奇三: 爛地特佳的 Fiumicino 未到800就狂推，自己推散自己。

大熱門 Red lord就話之前戰績睇番轉來唔叻。

Bianca 覺得佢唔係好到哩半，睇下日後賽事我有冇睇錯。

[ 本帖最後由 S.WEEK 於 9/10/2008 07:13 PM 編輯 ]

R8 葉森讓賽 (G1 1600)

潘頓呢場騎得好好，如果睇排位表18檔。通常都第一隻就飛鬼左佢

就算你上場在佐治文斯錦標跑第二，而且果個第二仲要靠同馬房的馬匹的步速之助。

Theseo 潘頓真係發揮一絕，轉第一個彎雖然要蝕位。但全個過程一氣呵成，直路平衡好哂衝嬴同馬房的 Bank Robber。

Bank Robber 排11檔早段都唔駛點推就埋到欄，呢點就估唔到。排1–10檔的馬匹竟然冇隻馬頂一頂佢，俾佢舒服慢放。上場輸明顯係基婆特色，一場不明白的敗仗，再施回馬槍。而且當日明顯不利放頭。

Gallant Tess 明顯係好準的馬匹，就算其他對手跑成點例有一段俾你睇。呢個第三完全係忠心，嬴就一定輪唔到佢。

後面果堆得一隻追到上來

All Silent 都唔知係邊道衝上來，只能說騎者岩岩嬴完一級賽旺過。

Musket pakkilo 賽後都有講 發高燒 + 肚痛，呢場抹左去。

Raheeb 場地不合

「利可來」好失望(因為有投注) 薛仔跑成咁呀，都好耐冇見過「利可來」搶口，今場人馬角力得好緊要，前中段用哂D力，邊有力同人地衝呀 @@ 一隻有爆發力而且軟地好的馬匹駛哂。

Mentality 加了磅 + 白布朗唔騎都知咩事

sousa跑打比就真係坐定粒六
白布朗賽後話跑多個圈都唔怕:eee: :eee:

mucket賽前肚痛+發燒＝,=''
不能作準呢場

poritlo將會跑1000堅尼強鬥samatha miss
體力上肯定佔優:lll: :lll:

快快手講埋東寶錦標 (G1 2000)

Oh no 對我來講黑色日子來臨，隻衰馬嬴一級賽 /.\

Littorio 呢隻處女馬，一場馬都未嬴過。今日憑最輕磅嬴哂全澳洲最強的中距離馬 =.= 正一衰馬來。

典型澳洲式慢步速，我仲以為Extend 搶放會快好多。= =

講左馬王先，今次仲唔出事 !!

賽前13檔你要佢點走呢 !!! 出閘快又如何，咪又要走3疊望空，仲要俾後面班老虎睇實你走!! 你想跟前D我又加快D。入面仲有「馬爾代夫」睇住你，人地驚死困死。羅達晨早拉多一疊，你又要走多一疊。今次練馬師話輸檔，但上年在考菲爾德唔係有一場一級賽望空三疊走都嬴 !!!

練馬師 Ross McDonald 好心你就承認唔夠長力呢!!你自己又咁早谷隻馬，又玩連拚。到正賽覺士盾，你用咩體力同人跑。好心你就跑今星期勇倫霸再上覺士盾，咪鬼跑考菲爾德杯

不過下次賽程確定 考菲爾德杯 --- > 覺士盾

到時如果又排外檔，我睇你點守兩場前果個位!!!

「龐貝尊主」我又係覺得博錯左呢場，應該唔跑呢仗等勇倫霸之後上覺士盾用番前年的部署。有一場仲要俾列高力玩死。今場已經遲左D發力，始終唔同考菲爾德。今星期當然牌面仍在。對手亦轉弱，一級賽時機來臨了!!!

Master O Reilly 今場比以往守的位置留得後，但衝刺卻估唔到咁強，果然在秋季冇咩點博的馬匹，真的賺哂體力。證明唔係重磅就唔識跑，下場衛冕考菲爾德盃仍有一定威力。

今場三甲馬有兩隻秋季只係跑了一場咁多，第三名「升平」亦係其中一匹。呢隻馬往往在人地失準就上來，今場確有多匹馬跑法令人懷疑。不過今年用了兩場熱身就谷到狀態上來，目標未必在於墨爾本盃，可能係覺士盾，可惜在滿利谷馬場的跑法卻較被動。

Maldivian 看來博得多了，今場不進反退，都多了兩個星期休息。果場滿利谷的飛行錦標博散了他。

「高效能」正如小魔怪所講，餘勢相當好，看來澳洲隊在墨爾本杯又要靠哂佢。

Tuesday Joy 流鼻血，冇野好講呢! 準備做媽媽

岩岩講左有匹馬跑法有疑問，Zarita 今場做緊什麼。冇啦啦走去放頭。你平時留前鬥後的跑法去左邊 @@

Zagreb 同之前講既一樣，一級賽始終唔同表列賽的

其他賽事唔想講，因為有KM條友在 :bbb: :bbb: