唔理你咩 有關人士, 接近消息人士,
係真係假 傳媒自己先知, 我唔去估

我總之要你政府直接交代 就係咁多

問題係今季馬會已經試網上直播，將來官台收看途徑，似乎只限於網站、場內同投注站，咁電視途徑只有18台就變成幾合理。

多幾個台肯出錢買轉播
馬會 未必唔肯 比多幾個台做
橫掂又唔駛出錢

唔係單純跑馬 ge, 波馬分不開
越多人播對佢越有 so.....

[ 本帖最後由 西人堅 於 16/10/2013 05:02 PM 編輯 ]

<br />
啡格出現的位置2台都唔同啦
咁本身官台都分開左高清同非高清。以後有網上直播可能又擲2至3個新人王去試。未必真係走去西走一個電視台直播賽馬。

<br />
制造就業機會，有海外轉播駱詠豪多左官台出現啦。

原來今日有線升1.5倍成交金額榜首。電盈都有4%升。維基就無左33%

電視廣播呢

<br />
好似跌，大行調低評級。
未見過有線可以升咁多同埋總成交金額勁過匯豐，移動

由政府講左香港廣告市場不能容納五間電視台, 三間申請者要三選二果時
其實已經判左魔童死刑

政府擺明想魔童知難而退, 及早抽離, 咁就唔駛拖咁耐, 一早就發左牌俾果兩個間
果兩間財雄勢大, 又駛乜同魔童合作, 發牌俾佢呢
政府只想見到有錢果d就愈賺愈多, 發展規範愈來愈大, 咪代表經濟好lor
政府一向都唔熱心幫弱勢的一群

呢段時間魔童其實應該放下姿態, 好好咁同政府商討一下, 諗下d其他方案, 睇下點樣令到政府肯回心轉意
牌都未有就先做未來事, 呢種坐定粒六的姿態已經做錯晒
現在係去求政府發牌俾你搞, 王就成日做到好似政府一定要發牌俾佢咁

魔童擺出個死撐款, 間唔中又插下政府呢樣果樣, 係政府眼中就成為反對派, 叫佢點發牌俾你
根本魔童就衰太自大高調, 佢以前搞電視既紀錄都有樣你睇
錢又唔係多, 勢力又唔係大, 係要懶叻咁充大頭, 做到表面好似有聲有色, 其實根本都未夠料開台

政府其實知你未夠料都可以照發牌俾你, 只係魔童由此至終都無好好同政府討論過, 傾過, 搞到好似魔童命令威逼政府發牌咁既款

結果根本係魔童自己一手造成的

其實政府都已經隱約講晒魔童唔合格的原因
不過又係果d講d唔講d, 講到好隱悔果種說法
好心就清清楚楚交代唔發牌的原因la

搞到市民個個先入為主, 俾班生意佬利用

呢個政府，凡是港人喜愛的，它就反對

港人唔喜愛就夾硬上馬…

魔童終攪司法覆核了，睇黎佢好快破產攞公援，日日去公園睇人捉棋，鬼叫共匪最喜槍打出頭鳥，只許奴僕神化毛澤東，不許蟻 民出位

如果將現在班底改拍電影，尚可有生存空間

<br />
港人喜愛王維基咩野？

<br />
更正，8仔昨天升13%但對比有線都係少好多。

<br />
仲有個問題係，佢呢次係再裁員。

即係.........

炒淨二百人 "保留實力" 即係點
保留來為乜, 有下一期發牌嗎

2年後亞視個牌好似到期?

咁佢可以轉型既, 留返D人都好

Copied from fb.

ThatsWhy Chan
如果你單憑HKTV果幾個鐘既預告片就覺得HKTV好過TVB好多所以不獲發牌係與民為敵既話, 我請你無需要睇落去. 因為如果我將”我和疆屍有個約會”剪成一個鐘既話, 咁亞視應該係你地口中既HKTV. 咁你應該好鍾意睇亞視先岩? 事實上, 節目質素起審批當中只佔一個好細既考慮因素, 或者咁講, 就算要分類, 都應該分為節目能力而唔係節目質素咁主觀. 好喇, 主菜如下:
1) 王維基先生N年前冒認和黃旗下公司, 被和黃告過. 我無查過佢有冇留案底.
2) 營運電視台經驗來講, 有線同NOW都係十年或以上既電視台. HKTV係零! 因為BBTV已經賣出左, 所以BBTV不會計算在HKTV內.
3) 營運資金, 雖然表面上HKTV投資50億多過晒NOW同有線. 但係呢50億係包埋塊地同埋興建電視城. 另外, HKTV係無其餘收入支持的. 咁請問呢幾十億可以玩幾多年? 反之, NOW同有線已經有穩健既收入來源, 加上NOW既背景PCCW點計都唔止50億.
4) 節目能力方面, 你單睇佢既劇集覺得好睇就話要發牌既話, 咁不如你叫維基開番個BBTV劇集台, 點解要發免費電視牌? HKTV有沒有能力處理海外直播轉播等等節目? 我講過, 一開著個衛星就已經秒秒鐘過百萬蚊, HKTV是否準備好開一個電視台? 仲要考慮既係新聞部同英文台呢D豬骨. 呢方面計, HKTV點計都係輸晒. 同埋, 要拍劇有幾難呀? 亞視都搵過王晶拍情陷夜中環啦, 一樣富有電影感, 又唔見你睇? 另外, 講牌面, HKTV既人又係TVB過去既, 所以節目好睇呢點明顯不是考慮重點. 如果咁都計既話, TVB都係抄有線既飲食節目, 咁發牌比有線無理由有人會反對架啦??
5) 電視覆蓋: 要發一個免費電視牌照, 當然要考慮幾多人睇到呢個問題. 我亦都講過, 有免費電視牌不等於可以用大氣電波, 但係講極都無人明. 將來呢幾家免費電視台係要用機頂盒睇的. 有線電視起香港有九成覆蓋, 至少公屋一定裝設好有線隻鑊, 無既用有線寬頻都可以睇到. NOW就更加唔駛講, 全港PCCW都已經有覆蓋咁滯. 相反, HKTV既覆蓋暫時係零! 你可以話, 佢係新公司, 政府明蝦佢. 但係我兩年前已經講過, 有心做電視既, 唔需要等免費電視. 做好個BBTV, 先再搞免費電視台, 到時咪又有口碑時又唔會輸在起跑線.
6) 半政治理由: 既然大家死都認為有政治理由既話咁我就分析下啦. 政府之前衰左起DBC身上, 政府唔可能衰多一次. 大家係咪忘記左免費電視既目的係乜野? 免費電視台無話要包精彩, 包好睇架喎. 就算其他國家既國營電視台都係悶架啦. 所以先有收費電視出現嘛? TVB唔駛40億, 亞視開價10億但係維基都話貴, 而點解明明維基有BBTV唔去搞, 而要賣BBTV再用50億去搞HKTV? 你真係咁都信佢係有心搞電視台? 定係佢只想做大條數等人買? 又好似你覺得佢放片出黎係為表誠意展實力, 但係我同你講佢只係想搵投資者落搭. 真相邊個知? 另外, 兩家公司都係乖乖地做好本份等發牌先黎公平競爭, 依傢牌都未發就有人玩搶人. 咁究竟市民係想競爭定係想TVB同ATV摺埋? 咁請問到時係咪又係一台獨大? 當然, 呢一刻你梗係話你寧願獨大既係HKTV, 但係如果呢個問題三十年前問你既話, 你一樣會寧願獨大既係TVB. 咁呢個又係咪大家既意願? 再講, 香港一早已經有收費電視黎做競爭, 所以唔可以講完全無競爭. 我亦都講過, 當香港未有收費電視之前, 世界盃在TVB播, 人人有得睇. 但係當有收費電視之後, 世界盃在收費電視播, 反而人人無得睇. 跟住市民又上街話點解可以咁? 但係當初話要開放市場又係市民喎! HKTV呢一刻只可以講句雷聲大, 但係雨點是大還是小根本暫時唔會有人知. 你又知有線果幾條事業線唔好睇? 你又知NOW唔會起免費台度播幾場英超?

<br />
今個星期六，now真係係免費台播一場英超。

駁佢一點已經夠 就係佢果個第3點
如果你而家俾個牌佢搞電視佢又點會零收入呀

<br />
有用，全炒等於全放棄，相反逐點炒可以同政府慢慢玩。搏打市民牌。呢種就係佢既手段。