SAM師弟10月5日心水提供
10月5日快活谷夜馬
跑左九個賽日,係時候總結一下,今季開季暫時成績同上季真係有D距離,雖然改左少少計算方法,但冇理由差咁遠,最大解釋係啲賽果真係好古怪,班騎師好多好似食錯藥咁,練馬師又係古古怪怪,同之前的季度完全相反,應嬴的馬唔知去左邊,跑完之後你叫我再比個解釋點解某D馬會嬴,我真係冇辦法睇得通,未跑過同程,最差的檔位配個華將同弱勢馬房係快活谷C+3短途靠後追嬴馬,咁都得真係輸左當抽水
不過我相信數據唔會呃人,我唔信跑到季中季尾會係某見習生係騎師榜帶緊頭或快活谷會慢慢由利內檔變左利外檔,係一季入面的一段時候,十個八個賽馬日形勢唔同左唔會對整體全季的數據有乜影響,所以暫時我對本來的預測方法冇懷疑過,賭馬賭長期麻,如果呢個情況持續多兩個月,我諗我會真正開始懷疑現下的方法仲WORK唔WORK
快活谷夜馬,最近幾次雷神完全冇影,賽道偏差同以往好大出入,所以都些少驚驚地,今晚賽事用A欄,除1800米以外大利內欄1-6檔馬,短途1000和1200利放同前置,1650和1800同放可追,師兄們選馬要特別留意
練馬師霍利時最積極出馬8匹,另外沈集成和方嘉柏各出7匹,以上3位以方嘉柏手馬牌面最好,而沈集成亦有唔少爭勝份子在陣,另要留意的係賀賢,出馬雖少(4匹)但隻隻精銳,師兄們要多加留意
騎師王方面,居然出現雷神唔係FULL BOOK的情況,只騎7場,可能最近的表現的確影響左練馬師們的信心,反而田泰安同潘明輝全晚騎左8場,特別鍾意細潘今晚手馬,連場入位絕非難事,騎師王賠率雖然偏熱只有3.85賠,但絕對可以信心出擊
另留意第4場有跟進馬大英雄再出,馬仍然留係4班,可以多追一次
10月5日
R1: 11當旺財 2大寶庫 1滿載而來 9通勝 (10金武士 7紅旗飛將) ***
R2: 1星光大師 3越跑越好 5友賞友享 6哥哥仔 (12指揮官 8自動波)
R3: 3開心健康 10進綵 7欣喜欣喜 1駕善 (11金秋 9皇帝誥令) ***
R4: 1大英雄 6勁兔皇 7喜進 11航天勇將 (3兄弟熊 12天賜寶)
R5: 1金滿載 5同進 11索先生 7福穎 (10旅遊拿督 4光芒再現)
R6: 3連利之星 1勇駒 12怡德 6爪皇烈焰 (11貨如輪轉 10愛美麗)
R7: 6最驫 1魔連奴 8積極皇 2美麗皇牌 (7威先生 3電子群英)
R8: 6創世紀 1萬馬飛騰 3上利多 2包裝騎士 (4超有利 11美麗鉅星) ***
推介馬
今次要推介的馬係第七場6號最驫
上場今季初出跑同程第4,上場熱身性質留後未段外欄沖上來,未段做22.8,全場第3快,只輸比頭馬3個半馬位
沿途走位冇乜問題,係入彎時蝕位稍多,以致後追不及,今次排9檔起步亦都同上次一樣負122磅,騎師搵番近期手風順的潘頓代替貝湯美,雖然潘頓上季尾騎過一次唔上名,但賽前幫呢匹馬足足操過3課,可見十分重視
馬雖然未出頭,但上季同程76分跑過第3,而家個分已經減到68分,應該會有分係手
同場對手方面,大部分同上場差唔多,頭二三馬,電子群英,威先生,財神再度同場,但該3駒排檔全部大幅轉差,上場最驫要讓電子群英9磅,今次倒番轉受讓7磅,形勢同上次已經大幅逆轉,另外熱門美麗皇牌評分有D見盡,要轉過來谷草博,魔連奴都係評分有D盡,反而質新馬積極皇今季初出更值得留意
最驫唯一的缺點係比較被動,要靠追,但馬應該可以上到3班頭,有少少分係手,今場對手各有缺點的情況下可以博下1W3P
另一匹要介紹的係第二場1號星光大師
馬終於如願以償減夠分落番4班,此馬上季同程係3班1W3P,落到來4班可以話係十分之惡
今季已經熱過2場身,落班換潘明輝減7磅掛過3檔,集所有有利條件於一身,同場除左越跑越好之外,同程佢算最準,總共拿個2冠4亞1季,今場預計可以自己放頭,如果預著內側友享友賞頂佢,留二疊跟前亦無不可,跑法全動唔駛怕場地不利,尤其是今季快活谷內欄個地唔知咩事,守二疊分分鍾好過痴欄
同場對手方面,越跑越好和友享友賞兩隻內檔馬應該會係最強對手,友享友賞質新但谷草未証明,越跑越好忠心準繩但跑法稍為被動,另外全勝姿態分應該見盡,反而可以留意下冷腳哥哥仔,應該仲有幾多進步空間
所以今場係有雷神咩飛的情況下,星光大師未必係大熱門身份起步,有些少分頭的情況下,拿星光大師來做QT膽係最好不過
見光死投注推介
獨嬴3穿7
R2: 1星光大師
R4: 1大英雄
R7: 6最驫
多謝大家一路以來的支持,如果岩睇的話,不妨推薦下比朋友,每個賽日來參考下
|
