現在每逢澳洲賽馬日之後一日，我都會開設這帖來總結番當日的大賽同本星期試閘的最新消息。

尋日，悉尼因連日大雨令賽事取消並於星期二在蘭域進行補賽。到時再討論。

至於維省方面，考菲爾德全日跑9場賽事，前幾天在澳洲朋友說雨落過不停，當天卻陽光普照。

頭4場場地掛牌為Dead (4) , 接近好至偏黏，什至可以說係好地。而賽事除了戴花錦標外，其他都接近正常時間。

由第5場開始轉為Good。

場地開頭起了變化，令有部份的馬匹臨時改變了跑法，全日的模式大部份要轉彎路程都是對前置型跑法有利。至於直路近看台果邊場地明顯有利。


[ 本帖最後由 S.WEEK 於 7/9/2008 05:23 PM 編輯 ]

由第二場開始講，高獎金的3歲雄馬及閹馬賽事。而獎金來說其實已經等同表列賽。

開頭認定四大熱門的場合，Lord Tavistock + Romneya + Minnesota Shark + Burly Griffen 呢四隻馬跑。

Lord Tavistock + Romneya + Minnesota Shark 都是曾經在表列賽中勝出或秀中驚人的威力。而Burly Griffen 則是一匹變化地場地特佳的馬匹，上場在萬富圍的 Heavy(7) 中大勝3馬位。令佢成為此場賽事中的第三熱門。

賽事中，Lord Tavistock全程跟住Romneya 之後來跑以佢為假想敵，直路跟住佢一齊上。100已經勝負已分。某程度上看似很容易，實則是因為Romneya 本身早段礙於排11檔並且早段一路望空三疊來走，用力過多。先被如此輕易擊退。用Romneya 上場來比較，牠是一隻可守中間位置的馬匹。可能因為鄧迪看過頭場後，而且又用番上場Romneya輸俾Taamer本身係一匹帶有追勁的均速型馬匹。先會用此跑法。其實論兩匹馬觀感，Lord Tavistock 當然係型格上乘，父母兩線兼外祖父都不是澳洲馬匹。長遠來看並不是此路程的馬匹，大可加程至2500 跑維省打比。而Romneya則反而係呢個路程的馬匹，如兩馬再鬥此路程的話，Romneya 絕有機會反勝Lord Tavistock 。當然要有騎師的配合。

至於其他馬匹方面，Minnesota Shark 始終礙於重磅，如果能夠在此磅數中58kg 突圍而出，幾可肯定在一級賽中周旋。我們大可見到成功例子有Mentality負61kg嬴表列賽。當然失敗可能變Camarilla 一樣。今日所見係輸個磅同跑法上亦有問題。Minnesota Shark 之前多場都是慢腳馬，今日竟可跟內欄3,4位。直路俾落唔多，暫時睇可能二或三級賽都已經止步。

Excelltastic 本身係幾準繩的馬匹，今日除眼罩應該係驚留唔住。但如果計呢場勝負距離應未夠在未來的級際中爭標。

Burly Griffen 個地唔夠爛而且本身細場轉大賽好容易現形，呢類馬要小心。而且萬富圍果日跑得好的馬匹今日都未能在費明頓中發揮出來。

反而呢場有隻馬要留意Paddy o'reilly 比佢四星期前果場表列賽明顯有進步而且出步亦爽過上場。未勝利的馬匹一早已挑戰高獎金賽事，自視很高，往後比賽值得留意。

備忘馬 : Paddy o'reilly

第3場

一場好混亂的賽事，由此可見今年3歲雌馬的賽事與上年其實差唔多。

成場賽事我都未咩好感。可能因戲碼唔強的關係

嬴馬的Marveen計獎金嬴個表列賽要負重磅上陣，直路只用短短150就收復失地。是質素高還是場地知助。我諗要下場先知。

亞軍Altitude 早段冇人願帶，變了望空難留兼留搶口。騎師醒目遲了點發力可惜最後50乏力被Marveen 趕上。

其他馬表現我都係覺得一般，可能再跑多一次都唔同賽果。

第4場 香港賽馬會錦標 (表列賽)

賽前都預計果幾隻馬，Stavka , Jungle Ruler , Largo Lad , Playwright , Electromotive 同 Viewed 仔跑

頭馬Stavka 始終係一隻準繩馬，跑埋今場10戰都仲未甩過三甲。今場跟住 Jungle Ruler 來跑，直頭有反應只係跑番自己水準而已。7歲馬都好難叫佢再進一步上到嬴G2。

亞軍The Fuzz，之前嬴智朗盃同布林美錦標，路程已初出計其實好合適。但因為之前落悉尼越跑越差，而且希斯有隻新晉熱門馬 Largo Lad。咁計可能係右轉唔掂的關係，再出都係觀望，好怕希斯D馬由冷轉熱一陣又死火。其實呢場馬步速一D都唔慢，跟前仲可以拍住 Stavka 來鬥初出表現合格有餘。

Jungle Ruler 早段放得急，尾段捱番個第三。睇下次放唔放得出，放得出仲有權入三甲。

後面得兩隻馬有追過，就係 Electromotive 同Playwright。Playwright 暫時都未返到佢上年的水準。希望呢場省過之後會更好。Electromotive 上場就輸路短，今場發揮番正常水準。鄧迪都唔拘求做到咁多樣野。

Largo Lad 就直路爆了150米之後就退番落去。上場大爛地可大勝，上年跑同樣場地的打比就大敗。明明係乾地馬，今次之敗摸不著頭腦，已經唔駛負重磅。

Viewed 初出本身係長距離馬匹，今日之敗亦正常，又並不是跑得太差。其他馬「莫羅托夫」狀態未夠，Schilling看來係時侯放棄。

備忘馬 : Playwright

第5場 齊齊跑錦標 (G3)

賽前三匹在 Cockram 前三名，成為今場的三大熱門，並且在賠率上遠遠拋離其他的參戰馬。分別係Mimi Lebrock , Devil Moon , 同Princess Gisella。

呢組的時間係反而俾第2場的時間為慢。而且呢場已經轉了好地牌。

大熱門 Devil Moon 可能因為佢變化地性能實在太出色，而且上場跑1200後追得實在太出色。成為今場大熱門。 因出閘太好反而變了自己帶頭，嚴格上來講我都是喜歡佢跟馬跑係好D。帶頭跑唔係未嬴過，但當時跑既係大爛地，根本冇得去計。今次成為各匹馬目標，而且已雌馬來計算反讓磅俾其他雄馬及閹馬。始終形勢上不利。其實我唔多喜歡佢報此仗，因為下星期滿利谷有場G2 飛行錦標更合發揮，而且滿利谷馬場實有馬帶住佢走。除非佢繼續攻一哩，如下仗跑G1，大有可能輪到雄馬及閹馬讓番佢磅，形勢反而更有利。

神奇百萬冠軍Mimi Lebrock 勝出此仗，我認為此仗乃今季羅達暫時的代表作，尋日所見真的很少馬匹能守中間的位爆上來。佢卻做得到，而且博馬時侯落鞭的頻率亦較以前為強，而且終點壓線亦進步了不少。
真的在香港學有所成回來。

亞軍Bellini Rose 之前在G2有同Devil Moon 跑開，今次可反勝Devil Moon。可能係跟係Devil Moon後面舒服。暫時睇再跑亦未有可能在Devil Moon 前面過終點。

Princess Gisella 如果講同之前兩仗比較，今日發揮冇什麼大問題。差的原因真係冇從解釋。

El Daana 熱身跑得唔錯，之前成日用埋D庸手。(主帥騎其他希斯馬房的馬匹)

同馬房Translate 又係衰馬一隻，再出唔駛理。

備忘馬 : El Daana

[ 本帖最後由 S.WEEK 於 7/9/2008 05:57 PM 編輯 ]

戲肉之一 第6場 Danehill Stakes

兩隻油王馬匹齊齊返來，可惜唔係同一個馬房

Peter 渴望的級際賽終於來臨，真係舒緩很多壓力。Aichi 按理嬴並不是牠，嬴應該是 Time Thief。今次勝利真的多得羅達，可按制佢外閃，終點前壓線又影嬴鄧迪。當然 Aichi 都有番咁上下實力先嬴到，今場博得幾盡，下場擔心佢回唔到氣。暫時睇都係G2 –G3 實力。

有人歡喜當然有人愁，鄧生又博失馬。守位完全冇問題，可惜取位上有問題，搵左幾耐果個位。得番200米先開始加速。計馬全組數一數二。菲特文看來有排解釋。

後面堆馬被佢地遠遠拋離，Nicconi 我覺得長D比較好又係要一段時間先可以撻得起的馬匹。

Exceedingly Good 同 Carnero 同樣磅重，第二場都有提過呢個問題 ~~ 對初轉三歲的馬匹好大負擔。Exceedingly Good 就係咁多料子，平均速度。反而 Carnero 我係今年好睇重的其中一匹三歲馬，係一隻爆炸性好強的馬匹，今次負磅重，而且之前睇 TVN 見狀態都係一般，下兩次絕對值得留意。

Augusta Proud 我覺得冇進步，搵夠哂錢，要等下求第二春。暫時可不理。

Saranda 同 Related 同樣失望，尢以Related 呢隻名氣馬，會唔會係右轉好過左轉，睇多場先知。

備忘馬 : Carnero , 當然唔少得 Time Thief (今季3歲大賽的其中之一主角)


[ 本帖最後由 S.WEEK 於 7/9/2008 05:46 PM 編輯 ]

第7場 戴花錦標 (G2)

賽事就冇咩好討論，講下D花絮好過

「戴花」在費明頓場建立佢的銅像，以表揚佢在費明頓場連奪三屆的墨爾本杯。TVN 捕捉到馬主喜極而泣的一刻。

能有這樣的榮譽，真係很少見到。

點解我話賽事冇咩好討論，時間慢至 1:38:60

慢過賽事紀錄 1:33:34 ，5秒 :yyy: :yyy:  

前面龜速步行，Weekend Hussler可望空行接近1200米。

Last 我估計隻隻馬都接近爆 21.x - 22.3 。

形勢絕對性有利。點解冇人帶，因為連唯一放頭馬 Mission Critical 都退出埋

直路搵人同 Weekend Hussler 爆就奇。

失望既當然 Light Fantastic 就真係失望，跟的位置同上場一樣。我唔太相信係 1600 米的問題。我諗又要下場先搵到答案。

Zarita 又係爆炸力特強的馬匹，呢個第二佢拎好合理，亦都係春季嘉年華令人期待另一匹年長雌馬。

至於第三 Littorio 真係人棄可取，邊個都可以入到來。

其他馬 Master O'Reilly , Efficient 因為此場步速太特殊，唔可以計算佢下場仲有冇咁強的追勁。

Kibbutz 暫時睇未復舊觀，俾多幾場都唔掂，可暫時不理。

[ 本帖最後由 S.WEEK 於 7/9/2008 08:44 PM 編輯 ]

第８場 bobbie lewis 錦標  G3

成班馬只屬2,3線 Group level 馬匹

臨場大熱馬係 grand duels ,熱門係理所當然,對上仗跑newmarket第３輸３個幾馬位比馬王weekend hussler,其後回師費明慎1200m補中.今場賽事預計無乜馬回搶放,有利grand duels跟前or 放頭！

另外幾匹邊線馬係swick,orange county同埋>>MACHING<<

一如所料呢場賽事無乜馬搶放,出閘後大部份馬匹移向外欄,Gradn duels首先進佔好位,沿途領放,且戰且走!

Swick 今場基於無步速關係,被迫改變以往留前鬥後跑法,出閘居馬群中間,沿途坐包廂,直至最後200米秈望空,可惜鞭長吸！跑得第５！

Orange county 騎師S Hyland今場表現值得一讚,全程守令位有曬庶擋,300米處移到最外欄既好地度望好,騎師今場走位同留放表現一絕!埋門以為有力跟grand duels周旋,可惜殺出隻半冷馬突然係內欄偷雞上黎Bon hoffa!

Bon hoffa,今仗贏既難度可以話係極高,出閘後留至最後,這己經是休出馬大忌,不過馬匹沿途走勢暢順,慳曬好多力,騎師係400米如玩過山車一樣左穿右插上黎,其他馬去到１００米己經無力招架,大熱門以為終點之際,Bon Hoffa一個唔該係內欄沖上黎,贏個short nose!

Maching 今仗沒有跟足peter snowden指示去跟前,反而留到尾群食塵,中長途馬跑1200m本來係蝕底,加上maching呢隻馬係同你鬥埋門勒力,留得太後令到馬匹失去競賽精神,今場表現算過得去,無乜太大驚喜！增程1600m以上可觀望一戰,話曬輸條nose毛 比light fantatic !

總時間係1:09:85 (:ccc:)

備忘馬:Bon Hoffa!如果下仗馬匹情渚一樣穩定的話,今個春季嘉年華佢有力加入一戰！

<br />


peter真係少左好多壓力,特別係Golden rose果場本來贏梗...列生又遊雲

peter賽後表示馬匹會去放草,佢話aichi唔係G1馬質素,但勝在忠心,死唔斷氣..

如果唔係撞到d超級爆炸力馬,aichi會用忠心去同你埋門鬥過你死我活

marching 放棄啦
黎香港2班都無得跑

另外同sweek講下羅達
條友係香港返澳洲後根本兩個人黎
舊年騎姿已經靚左好多
騎後上馬尺吋一流
另外一個係香港返澳洲大有進步既係何浩達
不過少d機會睇到佢啦

<br />


小魔怪咁有信心隻maching唔得？？

同你對賭丫..如果今個嘉年華maching贏唔到G1or G2..你將你手上最貴果隻馬送比我
相反.如果佢贏唔到任何G1,2..你係我手上d馬任選..點:fff: :fff:

贏唔到仲要我送??:kkk: :kkk:
你係咪打錯:ccc:

是但啦..你明我意思就得啦:eee: :eee:

ok 你贏我比我最高分隻馬你
我贏你比你最高分隻馬我

deal

=,=''' no deal....

今個嘉年華係指 only 春季，定還是 ....... :fff: :fff:  

講真我睇番重播，我都覺得唔得

我睇佢鬥馬取位

就知佢有極大的進步

Mimi Lebrock  真係嬴得好靚，希望高效能可以用番佢 !!!!

搞掂哂，試閘未得閒睇，下期再續 !!!

歡迎討論 !!! :lll: :lll: