近排比較忙+自己懶惰，所以今期出了遲少少。

先講紐西蘭賽事當日場地Dead，賽事模式只睇過中間果三場賽事(可能不太準確) 大多跟好位馬匹直路走中間場地的馬匹取勝或三甲。

講番 Stoney Bridge Stakes (分齡讓磅一級賽)

如果淨睇排位表+上場密特威錦標的表現，真係好難想像今日的 Princess Coup 可以嬴馬。
在密特威錦標在內欄攝位，衝刺亦一般，今日一仗證明尢以後追型馬匹對於熱身屬非常重要。
轉彎時跌到落包尾位置，幸好此賽放頭馬Insouciant 今場放得比較快 (轉彎已經收工)，步速對牠來說有利。短短300米就可以反先任何一匹一級賽頭馬，這樣睇一個月後蓋都錦標(G1 2040米)幾難搵到對手。佢已經放棄了考菲爾德杯已專攻一項覺士盾。看屆時能不能夠打破在澳洲的宿命。

Nom Du Jeu 熱身賽都見 (雖然冇密特威錦標)參考賽事咁高，狀態一早提升至好高的水準。礎於對手在澳洲中距離是Top 5 的馬匹。論Princess Coup之前賽事質素同同齡角逐的打比相比下當然有一段距離。今次之敗當然敗不足據。下次仍是 Princess Coup 的大敵之一。

Fritzy Boy 我睇番上場密特威錦標同睇番佢跑打比都唔駛跟咁前的馬匹，而係一匹跟中間鬥後勁的馬匹。今場我睇左三次，見佢900米推左三下已經上到第二位。戰略不明。按理就算輸俾 Princess Coup 都應該有得同死敵 Nom Du Jeu 鬥一鬥。跟前亦搞到唔能夠在直路再加速。今場應該騎師自己輸自己。

其他馬匹方面:
Red Ruler 未熱身就預佢輸硬。Prince Kaapstad 要自己帶先好。今場俾另一兔 Insouciant 頂住。發揮唔到出來。

[ 本帖最後由 S.WEEK 於 25/9/2008 05:20 PM 編輯 ]

轉講下悉尼賽事。

玫瑰崗賽事舉行9場賽事，全日掛牌 Good。

級際賽前頭幾場都有現象出來，今日放頭馬好難帶到尾。模式一定要靠追先有機會。

第2場的 Imvula , 第3場的 Lustre Lady 都係跟中間之後飛出四疊追取勝。

馬房方面 : Peter , 夫人都起孖。

由R4山倫錦標(G2 1500) 講起

如果計之前表現，Bank Bobber 冇理由跑到直路散哂。如果計今場Keep 步速 + 馬匹狀況 + 賽事沿途冇搶口順住走放頭。好難相信直路俾 Musket 一推就過。只能怪在今日賽事模式不利佢。

Musket 復出即勝，姿態同上3F都可以。但好忘記除了Bank Bobber 同 Ice Chariot 本身屬二三級馬。其他對手都係跑高獎金賽上來。如果以佢同其他馬負最輕磅出賽 (因為之前未嬴到表列賽級別)，今日表現只屬合格。不過都恭喜佢嬴到場 G2，增加配種費。

Ice Chariot憑質素上番來第三，其他馬日後在級際賽未必再見到。

R5 茶玫瑰錦標 (G2 1500) 3歲雌馬

全日最快上3F 的時間就在呢場，Samantha Miss 悉尼現時最佳3歲馬。由開頭以自家速度到2歲後期跟馬群到現在的後上型，不斷將隻馬發揮到最高點。雖然今場有點搶口，仍冇阻佢連捷兼嬴接近兩個馬位。

跑第二的 Kimillsy 沿途無步速局住自己帶反而表現更好，奈何對住既對手太強。

Glowlamp 用佢上場比較都係輸番俾Kimillsy半馬位。其實唔可以話佢表現有再進。Portillo直路頭D鞭R痕。今日無疑係比上場跟得前了好多但理應在二，三名馬匹前面過終點。臨尾回飛都有D啟示。

Stirpper 博完場重要的金玫瑰錦標，正常都要回一回氣。

R6 Hill Stakes (G2 1900)

一場水準較為一般的二級賽，大熱門 Hurrah 上場靠布文偷雞同Red Lord太遲撻起先險勝。今場成大熱門。可見水準真係麻麻。Fiumicino 上季受 EI 影響上半年冇跑，下半年跑到走哂樣。上場仲大敗緊，不過中至長距離係佢的專長，卡士亦在這場賽事中最高，嬴馬好合理。只覺得全日咁利追都嬴得少少。下場對手如強過今場咪冇得同人揮。

其他馬 Dealer Principal 係維省級際賽唔多夠跑的份子 (亦有可能左轉唔掂，今季先第一次跑左轉)，上場自己放頭超慢步速搞到要包尾。今場回師悉尼可逼到Fiumicino 出盡每一分力。其他馬，都可以話唔駛望。

R7 Gloaming Stakes (G3 1800m) 3歲

呢場冇得講卡士及級數，因為初轉3歲馬咁快要跑到1800。難度太大。多數賽事都會以慢步速為主

呢場要讚讚史科菲，因為直路中間真係得一個位可以上，佢就把握到。

當然佢隻馬本身為大熱門。當然有原因。乃「兼併目標」的半兄弟，爸爸係「街頭口跑」。初頭都不被人注意，8月尾跑金玫瑰預賽輸俾 Desuetude兩馬位。就在呢兩場開始進步幅度相當大。先嬴 Caymans , Dreamscape 兩匹新興勢力。今場更一有位輕鬆取勝。已現時的3歲馬已經有此耐力同氣量。來緊的春季冠軍錦標有力爭雄。

維省賽事全日跑9場賽事，全日陽光普照，但場地 Dead。

普遍時間都較正常場地為慢，場地冇騙人。

人腳方面，菲特文批油王馬繼續幫手倒米博殺失敗，全日無人起孖。

頭兩場我冇睇到 (食早餐xd )，由第三場開始睇見內欄場地看來唔錯，因放頭馬同跟四五位馬匹都係內欄同中間場地追上，去到尾幾場內欄場地踏得多。外欄場地變有利。

全日模式唔好放頭但守二三位可以話頭六場其中四場的模式，尾場南澳打比亞軍 Zagreb 留到最尾，直路在大外欄掃哂亦有。

由維省一千堅尼預賽 (G3 1400) 講起

如果未到呢場之前，我覺得維省三歲雌馬形勢好混亂，唔敢講現時有咩馬好突出。但呢場之後轉明朗化Ortensia 用列高力，都嬴到仲要咁Easy，加速認真驚人。質素明顯超呢班馬。上場之失明顯有馬防礙+直路太短所致。一千堅尼在望。

Romneya 鄧迪冇理由唔揀呢隻，同馬房Sugar Babe 2歲用得咁多。Romneya 係一隻上緊的馬匹。可惜又排劣檔，如果繼續用前跟跑法，之後拎 Place 我覺得絕對無任何問題。但想博嬴，真係要跑番滿利谷果場戰略留番中間跑好過。今場出動岳禮華都嬴唔到，暫時看到上G1都係 Place 而己。暫時為外圍公司的次熱門。

其他馬俾呢兩隻馬拋離，原因唔係質素上有差距就係2歲果時用得太多。Sugar Babe 算好仲有第三同佢兩歲一齊鬥的 Augusta Proud 已經退步緊。Burgeis 已忘記了他，Hips Don’t Lie 亦是這樣。失望 !!!

R5 考菲爾德堅尼預賽 (G3 1400) 3歲

四強的場合突然殺出程咬金 Fernandina，佢入三甲都唔出奇。本身在同馬場1100都可以嬴Lord Tavistock 同 Exceedingly Good。但今場睇住Time Thief 來跑，最後力壓Time Thief 嬴馬。係咪今場代表質素最高，我覺得不是。

次熱門Time Thief 跑法轉了同Romneya一樣。我覺得係因為排檔關係先跟咁前，至少可保證入硬三甲。唔會好似同樣排劣檔的Whobegotyou咁等博位弄至四甲不入。睇過佢上次跑1000便知佢後勁強勁的馬匹，反而唔需要學Romneya 咁用均速的前跟型跑法。下次跟番中間位置直路爆絕對有權反先Fernandina。

Von Costa De Hero 因之前嬴G2平均要讓佢地1.5kg，初戴眼罩兼成個月冇跑。狀態好過初出一役好多，至少現在有8成半。論走勢當然比Lord Tavistock 更吸引(轉彎比Lord Tavistock蝕得更多)。下場如果狀態再進一步，可能係最大機會嬴堅尼大賽。

如果論全場騎師最醒目，我認為係廖偉德。明知此場沒有步速，得一隻馬會放頭。死都走生位望空跑，驚死如果被人一困就困到終點。路程計Lord Tavistock 現在仲跑1400米一定嫌短，今場亦較以往早出手 (轉了半個彎就跟前上)。加速始終較為均速，我估佢如跑堅尼未必夠Von Costa De Hero, Whobegotyou 同Time Thief 咁路程專長。不過都希望愛駒跑好D。

現時外圍公司的大熱門 Whobegotyou 又如何呀，全程留後跟 Box 位。直路用左100米來搵位，羅達今次就唔夠廖偉德咁醒目。今次賽績唔駛計，等本星期五再去跑完滿利谷計吧。

Carnero 又要跑星期五的賽事。如果計今場，全程冇咩點蝕過的馬匹就係佢。
計馬可能唔係最高果匹，但論穩定性就以其他馬來說可能係最佳，每每都有一段睇下。今個星期又排靚檔絕對有機會三甲回來。

其他馬:
GoGocanny 一場好一場差，好難捉摸。

Minnesota Shark 岳禮華都唔要。證明心中份量係咁多料子。岳禮華揀騎的Related 連續兩場好失望，等佢跑番近D再留意都未遲。

Rockdale 賽日論戰區都講過，昆士蘭一級賽在維省的一級賽份子面前只有食塵。加上今季初出，飛佢一定冇錯。

R6 木下錦標 (G1 1800)

今年第二場的一級大賽舉行，同我賽前諗非常相似。

預計步速一定慢，冇哂D垃圾電兔同今年文西錦標一樣，就算 Indio Glorioso 上來搞左一陣間。

Weekend Hussler 唔使講雖然今次同亞軍差距縮短，但始終要佢自己加程到邊個水位，先知道佢長力去到邊。

「龐貝尊主」上場遊馬河，今場主場出擊能力大大提高。唔好忘記「龐貝尊主」的澳洲杯一級賽冠軍就在考菲爾德馬場舉行(當年因費明頓重修)。我覺得晏勞德同佢都未夠夾，下場換番廖偉德會唔同好多，曾傷過的馬匹一定冇保留，只望廖偉德唔好再停賽了。

Littorio 又跑第三 = = ，正一衰馬。唔識計

「馬爾代夫」上星期在滿利谷係博老命，連鬥對佢十分不利。體力上唔同「龐貝尊主」真係遊花園體力根本冇咩點真正用過。

後追型馬匹全程發揮唔到水準:
Zarita 叫輸得近唔夠四馬位，隻馬始終要長直路。今場一早轉彎就發力蝕太多位果到。
其他馬輸頭馬7個馬位:
多樂谷, TearsI Cry 上場快步速跑到曉飛。今場食哂塵。
Viewed 呢場跑番好少少，希望狀態可趕及跑考菲爾德杯。

Light Fantistic 未轉彎就又推又打鞭，以為流鼻血。點知返來冇咩事。上場由3.70倍變今場10.0倍都知危險。嬴馬王既代價太大了。

R7 羅柏奇勒錦標 (G1 1400)

場馬步速快到，如果比平時有足足快8線以上。

一開波先鬧呢個普萊西，出閘最快係佢。前面步速係快留番住都岩。轉彎時個個轉位爭靚位，仲施施然等位等到入直路。大佬，你知唔知你前面果位係廖偉德，駛唔駛人地讓埋位俾你地。全程食Box到尾，由頭到尾冇發揮過實力。

Orange County，按住都自動加速最後大勝而回。今場明顯用盡一時，明顯針對此場來跑，下場保唔保持得番都成問題。

Bon Hoffa 雖說上場嬴馬。今年比上年加了唔少磅，始終有阻力。衝勁亦無上年咁強勁，跑第二已盡所能。

第三的 Turffontein 終點前150百米，Symons 開了十幾廿鞭。我睇下場要回一回氣先掂。

其他馬 :

Here De Angels 我覺得係1200米馬匹，1400長了少少。但直路初反應果段我都嚇一嚇。
Serious Speed 就未返到佢上年嬴堅尼果種勇銳的水準，又有可能對住年長馬優勢無咁大。
Marching 雖說困了100米但之後有位都無再加速，失望少少。但賠率反映都未咩機會。
Kingda Ka 未熱身就想嬴G1 ，當自己馬王咩。
Gotta Have Heart 自己帶埋頭，送死。果然係無心攻堅。

R9 Naturalism Stakes (Listed 2000)
近期話題馬之一 Zagreb 無謂多講，去片好過 !!! 賽事水準雖然唔算高，但有這樣的走勢 :iiii: :iiii:

Zabeel 子嗣，四歲黃金期。



[ 本帖最後由 S.WEEK 於 25/9/2008 09:14 PM 編輯 ]