靚模何佩瑜（Jeana）、模媽陳靜儀（Mia）、男模趙勁皓（King）及有線主播潘國基日前假九龍灣一個溜冰場為有線新節目《熱浪奇招運動會》擔任嘉賓學溜冰。跟張柏文復合的Jeana玩封胸，她的貼身潮Tee敵唔過不停彎身拋胸送波餅的模媽Mia。被搶晒鏡，Jeana接受訪問時忍不住暗寸Mia：「適當場合要有適當衣着，呢度溜冰場多細路！」Mia尷尬接招：「夏天着背心、運動褲，我唔覺得over咗！」曾經係寸嘴Jeana的她，俾同門師妹拋窒！
拍攝時，3人草草學過基本技巧及步法後便分組進行比併，在限時內爭奪旗仔，Jeana中學時期同隔離校男生就成日蒲溜冰場拍拖，所以行得穩打穩紮，最後仲輕易勝出。反觀Mia就跌到一仆一碌，又乘機彎身煞停賣晒大包，搞到32C咪咪都幾乎跌出來！
重拾學生時代玩意，Jeana大呼好得意、好好玩，以前嘅感覺返晒來！問到跟張柏文復合，是否要「封胸」？她卻死口否認怕男友唔like：「要做適當嘅事！溜冰場有咁多細路仔，要喺適當場合着適當嘅衫，好似出首映禮，就可以着低胸晚裝，下次係啱嘅場合，我谷咪畀你睇！」Jeana擺明不滿Mia拋胸博上位，Mia被插，尷尬自辯道：「我覺得係正常人衣着，背心、運動長褲，冇過火位！亦冇谷咪搶鏡，只不過之前去咗峇里出席朋友婚宴，大吃大喝肥咗少少啫。」
