新高中學制下首屆文憑試兩個月後舉行，香港考試及評核局昨向學校派發中學文憑試通識科的練習卷，
有必答題引述特首候選人唐英年在政務司司長任內責難80後的「車毀人亡」言論，又要求考生舉出○六年社會時事。有教師批評試題追溯至○六年極之離譜，因考生當時只是中一學生，而部分政治議題則有引導性，窒礙考生作答，擔心文憑試開考時，普遍學生只能僅僅合格，通識科將成考入大學的最大絆腳石。
通識科練習卷分為兩部分，卷一三條問題必須作答，限兩小時完成，題目包括內地食米含重金屬、青年人的升學、就業及抗爭行為，以及香港長工時問題；卷二則容許考生在三條題目中任揀其一，限時一小時十五分鐘，題目包括情人節送花、中國「十二五」規劃及少數族裔的成長困難。
其中一條必答題提供一九八一至二○○六年青少年升學及就業數據，要求考生解答「
青少年在二○○六年可能曾面對甚麼挑戰」，考生需詳細解釋答案才可獲最高六分。題目第二部分則不點名地節錄唐英年談80後的言論，指香港社會不認同衝擊抗爭，但沒有節錄唐英年說「剛愎自用會車毀人亡」一段，問考生多大程度上同意他的觀點，而問題上亦出現一些抽象詞彙，如問及考生對事件代表甚麼「形態」。
補習社通識導師葉一知試做題目後，指題目有引導性，「官員係咁講，學生係咪應該支持政府嘅說法呢？」擔心考生不敢提出反面觀點，建議考評局檢討擬題方向。廠商會中學通識科教師馮凱玲直言，看到題目後十分愕然，「以為會問番過去一年或者有持續性嘅議題，估唔到會問番○六年咁耐之前嘅事」，相信極少考生對當時的社會情況有印象，真正文憑試時，考生的表現令人憂慮。
「夾硬認同唐英年觀點」
大批考生應考後在網上討論區留言，炮轟練習卷問題太多及刁鑽，考生根本沒有足夠時間解答，
問題要求列出○六年時事屬非常荒謬，「依家考歷史定通識先？」有考生則指，「做卷嗰時係人生第一次認同唐英年嘅觀點，夾硬要認同佢講嘅嘢」、「唔認同佢都唔知有無分，唔敢博！」
考評局將在下周一向學校提供通識科練習卷的改卷參考及建議答案，學校批改試卷後可與考生分析試題。
試題引唐英年責難80後言論，又要考生列出○六年的時事。
on.cc 東方互動 7-1-2012
http://the-sun.on.cc/cnt/news/20120107/00410_050.html?pubdate=20120107
講真, 問2006 年ge 時事, 有邊位會記得? :iiiii: :iiiii: :iiiii:
又話LS 唔著重背野, 重ge 係多角度思考及批判性思考, 會唔會有d 自相矛盾? :kkkkk:
我都考過LS, 有時Agree 定Disagree 就真係睇下邊一邊多pts 寫d! :ppp:
有時d questions 甚至係要學生Agree/Disagree, 因為另外一邊好難有強說服力ge 論證 :kkkkk:
仲要, 老師係改卷時難免會有自己主觀ge 睇法,
所以, 尋日定前日睇電視news, 就有2位老師係改李家仁及陳淑莊兩位ge 卷時會有
完全相反ge 意見! :iiiii: :iiiii: :iiiii:
HKEAA 話會搵多幾位老師改卷, 會公平d, 根本無可能!
唔同人有唔同睇法, 而試問世界真係有真正ge 公平出現過咩?
我認為人只能做到ge 係盡自己最大能力去令成件事最接近公平個一點!
[
本帖最後由 kmbsuperbus 於 8/1/2012 11:33 AM 編輯 ]
