河馬仔
虛擬馬主
 
UID 3620
精華
1
積分 0
帖子 6146
港元 288 萬
存款 0 萬
聲望 570
閱讀權限 20
註冊 11/3/2007
|
發表於 25/9/2010 05:16 PM
資料
短消息
|
(河馬仔專欄)9月26日菜雞魚蝦蟹家庭晚飯+賽馬分析
<河馬仔專欄>之『馬場對對子』飲食專欄又來啦!
『馬場樂子(妹)』: 性格開朗,有點大頭蝦,除主力賽馬專欄外仍會幫忙介紹飲飲食食的
『馬場彩珠(姐)』: 性格認真,對珠形擺設特別喜愛,特別喜歡製作甜品,主力飲食專欄的.齊齊評論香港飲飲食食!
『Mary CHAN』:今集嘉賓,馬場樂子的知心朋友,喜歡同人漫畫創作及諗笑話(但唔好笑.....),偶然會來成為嘉賓.
*(圖中所述之看板娘人名純屬虛構、如有雷同、實屬巧合。)
樂子：中秋節,晚飯煮特別D,家姐,有冇乜野IDEA?
彩珠：今次不如整番D有本地特式的呢,去一下濕街市搵搵位魚檔叔叔,睇下今日有冇一些新鮮東西做節先.
樂子：咁我CALL埋MARY來食飯啦,熱鬧D嘛!
彩珠：魚檔叔叔話我地兩姊妹可愛,話計平D同埋賣一D較大的海鮮比我地噃,佢仲教我地點整D食物..........
樂子：我地兩個一早已經係KAWAII的標籤啦,呵呵呵!!!
MARY：原來您地兩個叫我來就係聽您地講D咁嘅野,聽到真係連飯都唔想食.............
彩珠：除左有菜有東星斑外,一陣仲有好野食呢!雖然今晚落雨冇得賞月,係屋企慢慢食飯傾下計都好呢.
MARY：條魚見到都覺得新鮮呢,對眼有光夠清,魚皮夠滑,肉有彈性.(篤篤篤)
樂子：咪咁多手啦!
(いただきます！）(I-TA-DA-KI-MA-SU) (大家食飯!)
彩珠：今次係有中華風的一餐呢!
樂子：有雞有菜呢!等我攞埋條魚出來先!
彩珠：蒸魚後落些少熱油及豉油會滑好多,魚肉細膩有彈性,鮮味好足呢!
MARY：上次食過西式東星斑,今次中式就很有傳統味道呢!
彩珠：來啦來啦仲有其他呢!
MARY：豉椒蝦都鹹鹹地又夠香.......
彩珠：來幫手呀!
樂子：潮式紅蟹呢!凍食更能清新地品嚐蟹味呢,用點鹽水煲一煲來釣出肉味,就算唔點任何的調味,因夠凍夠爽又啖啖肉仿佛有點海水味呢.
MARY：かに果然美味いね(かに[KA-NI]=蟹 美味いね[U-MA-I-NE]=好味呢!)
彩珠：仲有仲有............
MARY：瀨尿蝦!但先生,日文點讀架?
樂子：瀨尿蝦其實係蝦蛄科,同琵琶蝦同一家族.其他的品種會有彩色的殼呢!而日文稱為シャコ(SYAKO),漢字都係蝦蛄.在日本其實都幾多料理係用瀨尿蝦的,如壽司,天婦羅,丼料理都有.
彩珠：食個陣想方便又安全,最好用把剪刀,把殼的兩邊的尖尖剪走後個殼就好容易整出來的呢!
樂子：肉一點都唔削,帶有少少甜味夾雜海水味道,而最精彩就是入面的膏呢,甘香非常,而個頭都有點點膏呢!
MARY：真係好食到唔駛點其他的東西呢!噢!不過今餐好似少左D野!
樂子：係乜?
MARY：今餐有雞,有魚,有蝦,有蟹.但係冇葫蘆同金錢呢!
樂子：.........................
彩珠：.........................
是日食物日文讀音:
河馬仔第四,五,九,十場心水選擇:
(馬場樂子代筆)
第四場 :
14. 八達嶺 - 雖然上場睇落好似冇乜野睇,但其實上場一入直路後已受到減弱之盈駿寶之阻礙下基本上失去步韻了.當然此駒上場狀態的確不足,但衝勢實際不比萬子千紅差.24號跳兩段較上仗更輕身,跑長一點而對手明顯較弱下的確有突擊之機會
是場心水 :
14. 八達嶺 - 4. 萬子千紅 - 2. 森林活泉 - 10. 彩旗飄飄
第五場 :
7. 真係寶 - 個泥閘明顯見到變身之象,見住民哥係個內欄抽住跑完後慢慢鬆番少少條疆就隻馬即時湧上去.加上眼見隻馬今季大隻咗好多,而白德民24號晨操操此駒出步已經唔會好似以往咁碎.同場對手的確好水,應該可見回應有之高班水準,話哂佢都跑過打吡吖!
是場心水 :
7. 真係寶 - 13. 盈嘉飛駒 - 12. 愛拼者贏 - 3. 信賴
第九場 :
3. 發達心聲 - 上場又真係跑得太外,否則論走勢真係冇乜可能唔入位.講真今場對手的確較上場可能睇落較強,但其實狀態就未起得十足.24號助手跳一段有番點生氣又唔肥,趁對手唔銳確係有得諗
是場心水 :
3. 發達心聲 - 4. 飛躍王子 - 5. 高一線 - 1. 精算攻略
第十場 :
10. 戰河 - 雖然上場無疑失望,但睇落可能千四真係長力未夠才最後一百腳仔軟.上場對手實力一點都唔低其實同後來再大勝之歡呼星都係差個零馬位.9月23號晨操此駒在蔡約翰親跳一段論態冇問題,而今場可大減十磅下按實力而言確有權橫掃對手,可能蔡楊配會更合適.
是場心水 :
10. 戰河 - 3. 安御 - 13. 讚賞 - 8. 綠續有贏
是日三場全餐博冷門Q膽 :
(馬場彩珠代筆)
第五場 : 7. 真係寶
第九場 : 3. 發達心聲
第十場 : 10. 戰河
9月5日馬季開鑼,各位馬迷又要迎接密鑼緊鼓的賽事了.
今次的WALLPAPER三位看板娘及馬馬都變成了Q版,以亮相圈作背景.希望大家馬迷喜歡.在此祝願各位馬迷今季開開心心,歡歡喜喜,馬到功成!
今次由河馬仔出品、由同人組織天空音匣之畫師Mineko繪製而成。以<共享創意 署名-非商業性 3.0 香港 授權條款>發放。
 |
MSN:hippoatwork2006@yahoo.com.hk
BLOG:http://hkheadline.com/blog/list_blog_express.asp?f=2SRIYD8XQF150946
|
|
|
