原帖由
木奇異 於 17/12/2012 14:38 發表
綠色威
對唔住, 我真係唔明
一方面又強調成件事同綠色威無關, 一方面又要係裁決上送利益俾綠色威
威威加瑪明贏綠色威又唔理, OK擺綠色威第3又對綠色威呢隻唔關事既馬唔公平
最公平了, 綠色威 ...
你剩係認住威威加瑪跑贏綠色威呢一點黎講,
咁我問你, 如果威威加瑪第一, 好心思跑14TH,
擠阻事件同勝負距離同而家一樣, 你要點判?
就咁簡單地將好心思同威威加瑪名次對調??
其餘個12隻馬明明跑贏好心思, 點解頭馬係好心思???
而家因擠阻事件造成的抗議只是要討論是否成立,
成立就改賽果, 唔成立就result stand, 就係咁簡單, 有幾難明?
其他同呢單擠阻事件的事就唔應該, 亦都無權去改,
你會唔會因為呢單擠阻事件走去對調龍華太旨同戰士個名次?
對調甜蝦王同樂有贏個名次?
唔會, 因為佢地根本冇牽涉入去,
同理, 綠色威亦都冇牽涉入去, 你都唔可以改佢跑贏好心思呢個事實
你同香討班人一樣, 剩係係度講咩威威加瑪跑贏綠色威, 益左綠色威, 好心思唔抵之類咁ge野...
但你要知道, 馬會已經overrule 左威威加瑪個名次, 咁做相等於罰佢,
只是過程中送左個利益俾綠色威同好心思
綠色威係呢單意外入面冇錯, 你唔可以罰佢,
既然唔可以罰佢, 係呢個前提下, 小組做任何判決對佢都會有利,
綠色威點都係必然受益者, 因為佢自己跑贏好心思
好心思係唔抵, 咁又可以點? 競賽本身就係有意外,
你係陣上唔好彩發生意外, 姍姍來遲, 推威威加瑪落去升好心思上去已經係補償,
點解唔關事的綠色威都要幫威威加瑪賠?
俾個簡單例子你, 你跑奧運100米, 排8線, 保特同鮑威爾分別係4,5線,
最後10米你有份衝但無咁鮑威爾同保特咁有贏面,
但因為鮑威爾BUMP 一 BUMP 保特, 賽果係 鮑威爾>你>保特,
全世界成幾億人睇住你跑贏左保特,
咁你係唔係要俾番塊銀牌保特? 理據係咩?
如果鮑威爾被人DQ, 你係唔係要讓番塊金牌俾保特? 你又用咩理據??
你可以私底下俾番塊牌保特ge, 但呢樣野唔好說賽小組去管,
小組只係確定賽果, 而你係賽道上真係跑贏左保特
的確, 威威加瑪係跑先過綠色威, 但
小組考慮抗議結果根本就唔需要考慮呢樣野, 你明唔明?
有人抗議, 小組依例判左, 抗議成立, 人為改賽果, 好心思贏威威加瑪, 此其一
綠色威係無犯規的情況下跑贏好心思, 呢個result就要stand, 此其二
裁定最終結果只係結合呢兩個conditions 所得出黎, 有咩要拗?
