河馬仔
虛擬馬主
 
UID 3620
精華
1
積分 0
帖子 6146
港元 288 萬
存款 0 萬
聲望 570
閱讀權限 20
註冊 11/3/2007
|
發表於 28/11/2009 10:19 PM
資料
短消息
|
(河馬仔專欄)11月29日深水埗德發小廚評論+賽馬日分析
講起此店,要講回一年前小弟仲未轉工之前,當時小弟在深水埗工作,同事們有一天約我一起午膳,地點就是此處.
地點在深水埗基隆街行人熙來攘往之地,雖然店舖門面不太突出,店內都幾似一般菜館之裝潢,不過原來都吸引不少附近長沙灣政府合署之公務員到此食午餐.
當時自己都問問,會否因為此店可以俾個Budget叫老細諗煮乜餸加上價錢唔太貴才會吸引人?當然今日小弟在此寫得出來就唔係咁簡單.
及後,自從小弟離職後,自己午餐時刻路過深水埗時,此店都會係小弟深水埗區中其中會入去常食之店.
午餐有時可選兩餸套飯或一些炒粉麵飯,價錢都係約30-40港元,一於睇睇有乜野食先:
炒飯算係唔多油,雖然類似闊少炒飯,但都幾大碟,最緊要係炒飯能保持一粒粒而夠彈性.
兩餸飯好多時可以五選二,雖然唔係乜野名貴餸菜,但好多時都煮得頗入味但唔搶喉,當然飯夠熱就最緊要.
粟米斑腩飯算係多魚肉,好多時出面食的粟米斑腩有如漿糊水般,不過此碟都算分明,而且斑腩算炸得透但唔油,夠香的.
有湯有飯有茶啡...仲要有甜品,雖然唔係大大份,不過食親都唔覺過甜,有埋飯後甜品在深水埗算唔多見,價錢合理而食物水準能一路維持,吸引到食客一點都唔出奇.
日子一日一日咁過,都有接近一年了,恰巧到了小弟講賽馬預測之網台OPENRADIO(開台)慶祝四週年,台務總監及主持們都希望有度地方食飯聚一聚,經過幾次開會後,結果由小弟處理食飯地點.小弟諗過後都係揀番此處,地點,價錢,食物質素等等都係考慮因素.
當然仲有一個原因,此店之老闆其實頗為親民,食親飯都會介紹佢近期有乜時令好食,當日小弟訂了兩圍約22人,一早已按BUDGET叫老細寫菜,故此唔駛我地去諗.
當日小弟要搞一個廿二人,有男有女之飯局,一點都唔簡單.老細個日寫完張菜單打電話給小弟時,有一樣野係小弟頗欣賞的.上星期六其實都開始凍,當時佢同我講,話個餐會有個湯,咁傾下傾下佢問我,個日天氣會凍噃,這點係小弟都諗唔到的,小弟當時只係回答'係呀'一句.佢即時提議轉個雞湯暖暖身子,當然及後會再提及.
同老細走到門口處時,老細拿起佢三支陳年佳釀給小弟睇睇及影相,當然有一樣野比三支酒更吸引就是這個獎項,係食神爭霸戰(海鮮組)銀獎,要贏此榮譽一點都不容易,而佢當時出戰就是以一味"大富大貴"勇奪銀獎.而當晚老細亦有安排"大富大貴"出場
未食之前開一支MATEUS玫瑰紅甜酒先:
今次每圍十一人,今次就逐樣講講:
螺頭煲老雞湯---熱辣辣在秋意之日頗配合,熱湯充滿雞香而且非常濃,飲完真係頗暖胃,可算合時.
芥辣凍豬手---冷盤之一,雖然辣度略為唔夠勁,但最喜歡個豬手夠爽脆而肥膏唔多,入口算清新
墨魚餅拚金磚豆腐---香口食物最緊要係唔好食到成口油,此兩味都做得到,我較喜歡金磚豆腐,因為豆腐入口極嫩而夠哂熱,外脆內嫩的確吸引
鴛鴦海中蝦---蝦算新鮮,一碟蝦有兩種食法都算特別,帶些微辣,當然如用大蝦會更好味道
大富大貴---老細最有自信的一味菜.其實我食過兩次,食過我兩次都”直樹姆指”,難怪老細會用此來比賽.魚肉鮮嫩唔在講,一點泥味都唔覺有.在外食飯能試到如此嫩滑之魚甚為少見,加點點蒸魚豉油調味已足.
啫啫豬什煲,熱鍋即上加上濃味處理過之豬什,又一秋冬時令之作.熱煲能令食物溫度保持,個人較喜歡豬青肉,因為夠嫩夠香,食落一點都唔鹹,三五知己嘆啤酒最啱
蕃茄湯浸花甲---如此新潮之組合,自己覺得不過不失,花甲冇沙夠新鮮,但始終我喜歡用豉椒整才夠風味,用鮮茄始終唔係我碟菜
飛天油麥菜及麵醬肉鬆唐生菜---雖然唔係乜野突出之菜餚,不過兩款都夠惹味.
家鄉蒸鹹雞---蒸起上來唔粗糙,而最緊要雞一點都唔生.鹹雞味道有點點似沙薑雞.
當然,雖然隔離枱仲有野食剩,但我地成枱都係男人老狗,叫多個福建炒飯都唔過份,料都算多而且蝦都唔覺係硼砂個隻,我地好快食完一碟又一碟.
最後老細來甜品,起初位位都以為係普通糖水而已,但我又點會找一些普通地方來做台慶聚餐呢.一於睇睇…
雖然唔係每樣都一人一款,但在茶餐廳都有如此高級甜品嘆都算出奇.個人覺得以梳乎里最吸引,食落軟綿綿,好熱及夠雲呢拿味,難怪此店一向除了主打魚外還主打甜品.
成晚都在開開心心之氣氛渡過,又有抽獎又有總監之溫情說話,雖然唔係乜野鮑蔘翅肚,但在一些唔貴價之食材中能扭盡六壬變更煮法,這是一間食店進步要有之動力之一,
最後和老細一齊影張相,當然小弟都會”和諧”一下自己的樣子,現在好少大廚肯常常和客人咁好傾,當日佢同位位食客都頗健談,頗受食客歡迎,好可能成為此店之生招牌呢!
是次看板娘---馬場樂子-對德發小廚之評分:
|
MSN:hippoatwork2006@yahoo.com.hk
BLOG:http://hkheadline.com/blog/list_blog_express.asp?f=2SRIYD8XQF150946
|
|
|
