河馬仔
虛擬馬主
 
UID 3620
精華
1
積分 0
帖子 6146
港元 288 萬
存款 0 萬
聲望 570
閱讀權限 20
註冊 11/3/2007
|
發表於 19/12/2009 12:56 AM
資料
短消息
|
(河馬仔專欄)12月19日元朗SCHWAZ咖啡廳評論+賽馬日分析
元朗這地方的確是一個頗特別的地方,當地居民既有原住民,又有在香港各處搬入來之居民.本身元朗大馬路及旁邊之各橫街道路等等,既有現代城市般之充滿各種商場及店舖,又有一些古老式之原材料店舖,彷彿有點九龍城之感覺.
現在想在元朗找個地方飲杯咖啡歇腳一番其實唔多,可能係咖啡廳在元朗未必太盛行.一來此地方居民較多,二來平時較多年長之長者在市鎮內生活,故此咖啡廳未必太盛行.
不過小弟今次談談的這一間,便是小弟幾欣賞之咖啡廳.位於又新街之SCHWAZ.
小弟不是當地居民,只係因為要開夜班,中間落班時才坐輕鐵由遠遠之工作地點迫車到元朗.有時食完晚飯後未有咖啡落肚的確難擋晚上疲勞之工作,當時小弟路經此處覺得成間店之顏色幾柔和又有凍餅食,結果決定試一試.
入到店內發現大量寵物相片,原來店主都係愛小動物之人.入到店後其實唔似一些大型之咖啡連鎖店般CLASSIC或商業味重,反而給人一種家庭式之感覺.,有如去到別人的小宅一樣,檯及椅子皆有動物圖案及木製,有點童話故事感.
此店有餅有曲奇有咖啡茶之類,小弟多數都是一件餅一杯咖啡作配.先講講蛋榚先.
講起我最喜歡的都是這個豆腐芝士蛋榚,食落一點都唔甜,還有一陣淡淡的豆腐味道,雖然凍餅出來之香氣唔明顯,但全個餅唔甜反而更突出此餅之豆味.
榛子蛋榚及檸檬芝士蛋榚亦唔差,榛子蛋糕深色亦夠香夠厚,感覺上有點RICH,配一些齋啡會較好.檸檬芝士則酸甜之平衡做得唔差,而餅都幾柔性軟,餅底則帶咬口,適合後生的一輩.
由於小弟覺得此店之出品不俗,故此小弟牛一當晚工作後坐輕鐵到此店拿生日蛋糕,一起同家人慶祝.小弟與店主傾談過,結果要了一個RUM酒蛋榚,因為想要有點富貴感,結果在上面加上大量士多啤梨.
此店之蛋糕如ORDER的話,當時要求了以代糖來代替,因為小弟一家有遺傳糖尿之問題,故此糖份盡量可免則免.結果一食落去真係"直豎姆指".RUM酒小弟ORDER了盡情加入去,成個餅酒味極濃極綿,而甜味唔多,代糖與真糖之差別食味上又唔係真的太大,而餅底唔太硬,但仍滲進酒香,配以香檳可說剛剛好
看板娘---馬場樂子---對此店蛋榚之評分:
到到咖啡的一環,本人試過幾款,MOCHA朱古力落得幾濃,但甜了少少對於男士來說可能唔太夾,但女仔可能會較喜歡.
當然有時我都會叫美式咖啡,雖然DRY DRY地但沖出來一點都唔燶,而滲出來之咖啡香係幽幽的,持續地飄出陣陣香氣,配上藍莓蛋糕,可說是一剛一柔.
當然此店之CAPPUCHINO係小弟之心水選擇.每次都要點的,因小弟當日親口問過老闆,佢話咖啡豆係由比利時運過來的,老闆好多次都為小弟親自操刀此杯咖啡,谷完泡泡後再在上面畫下個笑臉.飲落雖然唔係非常厚,但濃度就一點都唔受到影響,而且飲落順喉而有餘韻在口內,這是小弟覺得最讚的.
看板娘---馬場樂子---對此店之咖啡之評分:
除了此店咖啡水準喜出望外之外,最喜歡就是此店之氣氛.此店非常家庭式,店員對客人都非常親切,有時我都會幫襯一下此店之果仁曲奇餅回家做小食.而此店由老闆到店員都和客人都有傾有講,我在店內時雖然時間尚早,但仍有一些慣來之客人到此店談天說地,講下經濟,講下生活,天南地北,有時會講到店內所有人都會一齊參與討論,令人諗起商台之長壽節目<十八樓C座>.
無論一個人在這兒靜靜地坐下睇下書,或者三五知己傾下計,這裡都可算是一個悠閒之綠洲,這些小型咖啡屋在香港其實唔多,小弟在此筆錄一下.
近期老闆問我有冇興趣食下薑餅過個HAPPY CHRISTMAS,當時見到老闆同幾位伙記一齊整緊樣野,原來就係做緊呢間薑餅屋,睇落都用了不少心機製作,在此影了一張相留下念 |
MSN:hippoatwork2006@yahoo.com.hk
BLOG:http://hkheadline.com/blog/list_blog_express.asp?f=2SRIYD8XQF150946
|
|
|
