河馬仔
虛擬馬主
 
UID 3620
精華
1
積分 0
帖子 6146
港元 288 萬
存款 0 萬
聲望 570
閱讀權限 20
註冊 11/3/2007
|
發表於 1/1/2010 01:37 AM
資料
短消息
|
講起小弟最喜歡去的漫畫舖......呀,唔係唔係,係日本書店先真.小弟常常去崇光百貨的SOGO CLUB內買日文漫畫,雖然比一般的港譯日本漫畫貴得頗多,但勝在夠快,有時飛機運到的漫畫可以幾天便熱辣辣到港,所以小弟都喜歡去這兒買下訂下日文漫畫.
當然旁邊便有一間小弟常常喜歡坐低"睇下書,飲杯茶,食個包"之咖啡店,皆因就在書棚隔離...名字為CAFE S
店內有SET MENU及散叫,大多都是一些日式咖啡廳會提供之西式食材,大多不會太過HEAVY.
去到如叫SETMENU,都會有一向日式咖啡廳常有之果汁供應,此CAFE有橙汁及西瓜汁供應.兩者皆唔太甜,仲有果肉,尤其西瓜汁頗有質感.突然令我諗起廿幾年前小弟仲係小一之時經過三越商場地下之日式西餐店.當時店外都係有杯果汁同埋個SETLUNCH模型放在店外吸引下人,還記得當時很想入去食個兒童餐,就係因為個餐入面的蕃茄炒飯上面常常都有支日本國旗棟係度,再加上有一些整得好得意之腸仔及甜品,當然對當時之小弟好吸引啦.雖然直到該店不在時我都冇食過,但仍然好記得此畫面.
講到個湯如蕃茄湯其實頗多料而且味濃,雖然個湯要加錢但比普通餐廳的餐湯吸引得多.香氣都幾充足,聞落都唔差,講起都有點餓.
講起正餐,上面係蒜香蜆肉煙雞肉炒天使麵,即炒熱辣辣上碟,彩椒唔少而天使麵煮得唔爛,係有點鹹味少少唔夠而已,否則都冇乜野可以彈.加幾滴tabasco會更剌激味蕾.
下面的一碟係芝士海鮮意粉,都係熱辣辣而且冇犯到意粉過硬或冇彈力之毛病.但又係清啖左些少,而且芝士香味只可算是恰可,中規中矩.
是次看板娘---馬場樂子---對餐前飲品,湯及正餐之綜合評分:
話到明係cafe,當然要講下咖啡.此店之咖啡一定要講呢款凍炭燒咖啡,見到店內的待應用一個咖啡壺把一杯濃濃又香味四溢之熱炭燒咖啡倒落一個有冰的長身杯中,加上一些較厚之全脂奶及丁丁咁少之糖漿.小弟可以講一句,此店之炭燒咖啡係現時小弟飲過之中覺得最合我心意之一間.一飲已覺得有豐富之咖啡香之餘亦因為正正夠濃的關係,就算飲完都有餘韻的.如在大熱天飲真係心曠神怡,小弟大讚啦!
西班牙咖啡都算吸引,大大舊雪榚放在黑咖啡上,睇落吸引亦可當加了奶一樣,雖然飲落冇炭燒咖啡咁有餘香,不過都幾重雲呢拿口味,當甜品都得
講起香蕉班戟,驚喜唔多,香蕉夠多但cream同樣都係多,這樣的吸引度就唔係太高啦.
 
當然另一個散叫就吸引得多啦,當日有叫雪榚杏仁片班戟,杏仁極多而且蛋皮整得幾香.再加上大大個雲呢拿雪榚球,兩種味一加埋便頗濃郁,再加上伴碟的乾橙片絕對不能錯過,皆因橙味濃得幾緊要,$48都真係唔貴啦,真係似幅畫架.
是次看板娘---馬場樂子---對咖啡及甜品之綜合評分:
在店內眼見有唔少日本人在此店用餐,居港的日本人在店內都非常寧靜,而且甚少高聲談話,佢地大多都是拿住一本日文書慢慢細闊,在如斯寧靜加上有書卷氣之環境下用餐的確在香港少見.
而該店之侍應之服務態度亦非常有禮及勤快,當她們見到我飲完杯橙汁之後已經走近枱前同我講"您個意粉大約幾分鐘便可,請您稍等一下".這樣之服務的確充滿日式食店常有之熱誠及留心食客之特色,確令食客覺得滿意的.
小弟雖然日文頗差,但小弟都扮下"日本人食客",拿起一本當天在這兒買的"日文書"讀左一輪,希望下年考第四次日本語一級能力試成功啦.
 |
MSN:hippoatwork2006@yahoo.com.hk
BLOG:http://hkheadline.com/blog/list_blog_express.asp?f=2SRIYD8XQF150946
|
|
|
