河馬仔
虛擬馬主
 
UID 3620
精華
1
積分 0
帖子 6146
港元 288 萬
存款 0 萬
聲望 570
閱讀權限 20
註冊 11/3/2007
|
發表於 14/7/2009 01:25 AM
資料
短消息
|
(河馬仔專欄)蕃薯主題午飯評論
講起蕃薯,其實都算係全球主要食糧之一,充滿澱粉質,而此植物非常粗生,故此蕃薯對人類都非常重要.
當然在香港如此富庶的地方,蕃薯都未必會係香港本地的主要食糧,而蕃薯對香港人而言可能第一個印象就是BBQ時用,但香港其實係有餐廳以蕃薯來做主題餐廳.今次就講一間位於粉嶺聯和墟聯昌街的餐廳.............
(今次唔整格仔啦,因本身小弟係想去佢隔離個間食牛肉丸及豬手,但皆因拍攝當日極度炎熱,小弟由車站行到聯和墟已經好想搵杯凍野涼下,故此冇入到去食,其實當日小弟想去那處買辣椒油回家,好可惜未能購買,實屬可惜,希望下次再有機會去此店再試下啦!)
當然佢地兩間咁啱又有間投注站係隔離,真係覺得希望在人間,祝願下年馬季各位馬迷馬運亨通!
講番蕃薯餐廳先,當日要了個午餐加個甜品,午餐係蕃薯西炒飯,有湯有野飲,當然一來就有個湯,但因太熱都係來杯凍啡消下暑先,講番個白湯算係好多料,咬口唔差,而且個湯鹹味唔多,大熱天時都適合.而杯凍啡真係消到暑,味道中規中矩,合格的.
講番個主菜蕃薯西炒飯,當然西炒飯係全港茶餐廳都食得到的食物,用料都係腸蛋蕃茄炒埋飯,好唔好食好取決於鑊氣,配料配撘,蕃茄味等等,雖然用料普通但有時餓起上來整碟炒飯真係勝過鮑魚.
講番呢碟西炒飯,重點係加了蕃薯,變了個炒飯有兩種層次,而且炒得幾熱及唔太濃味及大碟頭,作為簡單的午餐已經足夠了.
最後加錢要了一個南瓜批作為一頓午餐的結尾,這個絕對要讚,因為第一,個批溫度適中,第二個批冇過甜,而最緊要係南瓜味充足,食落感覺綿綿的但唔黐口,第三,個批皮並唔硬,結果算係俾到我意外驚喜.
成個餐加埋個甜品都係約四十元,再加上店員之服務態度非常有禮及勤力,都冇野可以挑剔啦.
|
MSN:hippoatwork2006@yahoo.com.hk
BLOG:http://hkheadline.com/blog/list_blog_express.asp?f=2SRIYD8XQF150946
|
|
|
