被金剛睇中的「神獸天使」蔡慧欣，最近有機會演出無綫新劇《巴不得媽媽》。前日蔡慧欣與錢嘉樂和華姐冠軍岑麗香到赤柱開工，雖然只是客串扮泳客打沙灘排球，但蔡慧欣搏到盡穿三點式大騷34D火辣身材，令女主角之一岑麗香即時被比下去。

錢嘉樂與去年國際中華小姐冠軍岑麗香，前日在赤柱聖士提反灣拍攝無綫新劇《巴不得媽媽》，劇情講述二人是卧底警察，奉命到海灘扮泳客捉色魔。兩位主角竟被「大茄」蔡慧欣搶風頭，蔡慧欣與另一「神獸天使」劉蔚萱一同穿上三點式泳衣，與香港先生陳志健扮泳客打沙灘排球。



蔡慧欣早前跟金剛和洪天明等人到新加坡拍攝《五覺大戰》，未知是否吃喝玩樂太盡興，身形明顯肥胖不少，但反而令上圍更加豐滿，34D咪咪盪漾玩 big波，讓大家眼睛吃冰淇淋。擁有33B上圍的岑麗香自知輸蝕，她無奈地說：「可唔可以將我個頭 key落去蔡慧欣身上。」她表示是參選後第一次穿泳衣，所以很緊張，但已做足安全措施。



自嫌肚腩太大
由於岑麗香的泳衣款式太密實，蔡慧欣還以為她未除衫，問蔡慧欣會否覺得搶了岑麗香鏡，她笑說：「搶鏡？點會，佢都未除衫。佢身材好又靚女，係咪羨慕我肚腩咋，去新加坡食咗好多嘢，唔敢上磅。」被取笑打波時上圍盪漾，她說：「要拍嘢，玩得自然啲，都係應劇組需要。」問到可擔心緋聞男友金剛介意？她扮懵說：「乜嘢話？唔會啦，之前去拍嘢成日咁着，總之小心啲，唔走光就得。」
錢嘉樂自言定力夠，不會被三點式女郎迷惑，擺明向女友湯盈盈派定心丸，他說：「年年都有咁多靚女，我亦唔怕金剛嬲，我冇乜着數，只係幫佢睇住份禮物（蔡慧欣）。」