黃榕繼去年推出首本寫真集後，今年再接再厲準備到峇里拍攝全新一輯寫真集，為了以最佳狀態再戰江湖，她除了努力瘦身之外，日前獲品牌「Pollyform」邀請到深圳出席內衣展覽時，還順道收集內衣及泳衣的情報，用作拍攝寫真集參考之用，期間被另一廠商邀請合作，認真收穫豐富。撰文 : 杜淑霞 攝影：徐錦池
黃榕去年暑假推出首部寫真集《黃榕寫真易》後，今年再自資推出新一本寫真集，出發到峇里拍攝前，她親自四出搵料，務求今年成績可以更勝去年。日前她應品牌「Pollyform」邀請到深圳出席內衣展覽會，她當然趁機收料。
廠商邀合作
今次黃榕能夠得到品牌垂青邀請出席站台，除了她的健康性感形象深入民心外，還得到品牌設計師兼好友Fannie Lau推薦，「我同Fannie好多年朋友，今季品牌有佢設計嘅泳衣，我當然要撐場，況且有機會見識下內地展覽會，又可以見吓內地fans，而且今次有成五位數字酬勞，真係一舉幾得。」
這是黃榕首次出席內地的內衣展覽，令她相當驚喜兼大有收穫，「估唔到會係咁大型，除咗可以了解嚟緊內衣同泳衣潮流外，仲有機會認識到唔少廠商，嗰日仲有廠商邀請我合作，其實我都好希望將來可以推出自己嘅內衣品牌，今次真係學到好多嘢，真係大開眼界呀！」
