現為now主持《女皇駕到》的丘凱敏（Anna），早前為該節目錄製情人節特輯，更即場整朱古力，見她非常熟手，原來去年都有學過，不過不是為拍拖兩年的圈外男友而製，純粹為興趣而已。現實中，她收多過送，不過今年的情人節，她會親自下廚𠱁男友。
丘凱敏自離開TVB後，去年開始為now主持節目，唔經唔覺，已經來到最後6集。適逢2月14日是情人節，她便提供選購禮物的Tips，名貴的可以考慮珠寶首飾，亦有心意之選，就是送朱古力，如果親手去做更有誠意。
Anna還邀請了now tv的CEO Brian和Andy，以及《女皇駕到》團隊的成員Penny助陣。除了一齊整士多啤梨朱古力和寫Love字外，三位俊男更施展渾身解數、即席教大家𠱁女仔的方法，包括跳舞、變魔術和彈結他唱情歌，最後一Part更看得Anna如癡如醉，有時方法唔怕舊，Work咪得囉。
問Anna現時有冇拍拖？她大方說：「有，拍咗兩年，不過佢係圈外人，大家應該未見過，亦唔希望畀你哋影到喇。」提到二人第一個情人節點過，她笑言：「我哋去咗峇里，諗住第一年搞啲嘢；但今年簡單啲，喺屋企煮少少嘢食就ok。」有冇諗過結婚？她即表示：「而家好enjoy，3月做完呢個節目後，仲要幫番《女皇駕到》出本扮靚嘅書。」婚姻大事咁長遠，容後再談吧！
