原帖由 thankheavens 於 23/11/2010 05:44 PM 發表
Re leavemealone + running
1) 看中國的近期政治手勢, 確實希望南北韓和平保守處理問題會是最好的路向
確實, 在最基本條件, 繼續唔統一繼續分裂會是一個很好的結局...
2) 但北韓對於中國來說, 其戰略性已沒有以往般強烈..尤其是當中國走出被外國圍的深淵之時
個人的政治判斷, 中國仍不想北韓打敗仗/被統一, 但我估就算南韓/美軍過38線, 中國會撓埋雙手....當然, 上到鴨綠江過中國邊境就另計...
中國可能會用勸交的方法處理...
3) 在美國角度, 南韓打勝仗是很好的結局, No Doubt
4) 在南韓的角度, 南北韓統一會有一段很難挨的時期(詳情可參考東西德統一的調節期, 西德當年的條件遠比現在就來破產的南韓更好), 中國能否靠經濟將南韓由敵視變為中立, 就要看其手段了
當然, 若果南韓打勝仗, 又夠膽對北韓作出滅絕性的屠殺行為...就另計...
試下逐點分析下：
1. 對中國嚟講，保持住朝鮮半島分裂，唔只係保護東北邊界，更重要係限制住南韓向北擴展、甚至稱霸嘅野心。
從過往歷史因素，一個統一嘅朝鮮半島，最終必定會挑戰中國喺東北亞嘅霸主地位，而家日本更加唔入流之下，南韓更有決心取日本而代之挑戰中國喺亞洲嘅地位，假如南韓成功統一朝鮮半島，進而成功搞掂埋北韓地區嘅經濟問題，南韓國力勢必大增，到時就有晒本錢同中國決一高下。
所以，一個統一嘅朝鮮半島(仲要係南韓統一嘅朝鮮半島)，係中國並不願意見到嘅結果。
2. 如果美韓過38線北伐，佢地點都唔會踩到中俄邊界，因為只有得到中俄默許，呢場杖先打得出師有名，所以美韓點都會打得有節制，以得到中俄支持。
3. 意見一致。
4. 如果南韓人以往有被北韓人玩種族滅絕，相信今日開完炮後，成個南韓即刻叫住殺盡北韓。
但以朝鮮民族性之強，加埋佢地對北韓人之同情，睇怕要殺絕北韓人都唔容易。
