原帖由 小武士 於 3/7/2015 19:28 發表
本土短途威 除左因為香港短途錦標之外 亦都因為海外表現良好
如果威就要多G1 咁呢個point真係放得落去泥地身上
我地夠成日話香港d泥地短途王幾勁幾勁啦
幸運駿駒 電光能源呢D姑且唔講
好好計 積多 ...
一、泥地G1 呢樣野...
泥地本身就唔係主流賽事, 歐洲唔係, 澳洲唔係
試問點樣拎黎同草地賽比?
強如英國賽馬某D polytrack 打比, 都只是三級賽而已
除非話目標同美國, 阿根廷接軌就話姐, 但好明顯馬會唔會咁做
二、承上面個點, 香港泥地馬出去係跑得好,
但都只是杜拜跑得好, 主流國家英法澳派左咩馬去跑金莎軒?
積多福跑得好, 係唔係自豪到可以將泥地賽發大黎搞?
如果有足夠資源就當然歡迎, 可惜馬會而家個賽程做唔到呢
三、唔係話搞得多G1就同世界接軌, 而係要接近返世界水平,
香港冇可能冇足夠G1 去支援
1200係短途主流, 但全年香港只得一場G1, 然後自詡短途實力數一數二, 講得過去嗎?
好簡單, 友瑩格贏完香港短途錦標, 高松宮紀念, 新航, 點解國際評分重未上到120?
但黃銅公子 同 盧卡蘭比 兩隻都是120以上, 你覺得原因是咩?
四、外國好多直路賽, 但人地1200跑直路,
英國1600可以跑直路,
新市場2000曾幾何時都可以跑直路tim, so?
咁沙田係唔係要整返場2000打比呢? 唔跑係唔係代表背道而馳呢?
呢點大家都知答案
唔係話1000完全冇價值, 而且上屆歐洲短途王Sole Power更加是贏晒皇席同楠索普兩場僅有的1000 G1,
咁係唔係代表香港一定要留住場直1000? 我會話唔係。
如果香港的1000馬, 強大到年年可以去攻打上面兩場大賽而年年都有成績交出, 我當然支持。
但呢場百周年短途, 對外根本就同皇席個水平冇得比, 拉唔高香港短途水平;
結果呢場G1, 最後只是用來滿足一班直路短途王
