已經單身咗一段日子嘅周麗淇 （Niki），日前下午與助手出現在中環IFC悠閒逛街，既然無仔陪，一於去瘋狂購物一番，旁邊有一名男性化打扮的女助手跟出跟入，哄到埋一埋幫Niki戴頸鏈。俾人公主一般服侍，難怪Niki全程心情靚爆，一啲都唔覺Dry！
剛剛過了31歲生日的Niki，對外宣稱無拖拍已經一般日子，雖然有傳佢同紗廠太子爺Eric卓秘密拍拖，但Niki堅稱自己單身，一眾Fans之前幫佢搞生日會，仲搵人扮Niki最鍾意嘅大口仔，催佢盡快搵個真命天子。
拍拖同購物向來都是令女人保持快樂的兩大要素，周麗淇深明此道理，無仔陪咪去Shopping散下財囉！所以日前帶同一名助手到中環行街，進行換季大行動。
Niki先到連卡佛睇鞋，她對長靴特別有興趣，還試穿了好幾個新款貨品，助手坐旁邊不時給予意見。之後Niki繼續漫無目的地閒逛，助手在後幫手拿着戰利品。後來，Niki看中了一條頸鍊，自己唔郁手，任由助手哄埋身為她戴上，Niki就咁企定定同店員吹水講價。
全程助手照顧周到，真係男友都未必有咁好服侍，唔難得Niki心情靚爆，見到記者仲撒晒嬌話︰「登張靚啲架，我企好俾你影張啦！」咁識冧人，唔怪得個助手對你貼貼服服啦！
