「浸大E神」楊焉（Carol，前名楊梓瑤）自14年退出娛樂圈後，便轉型做瑜伽導師，至17年投資6位數字與友人在中環開設瑜伽中心。她還有做高強度運動CrossFit，練成一身肌肉。好多人都鍾意食賀年糕點，Carol都唔例外，不過食多咗都唔使怕，楊老師教讀者做收腹及修腰瑜伽動作，持之以恆必有效。



　　Carol表示入行時為了上鏡靚，戒糖令自己體重keep住唔過100磅。自退出娛圈後就唔理咁多，除雞及牛外就乜都食，最喜歡食芝士和飲酒，她解釋：「因為我運動量都大，有做瑜伽又有做crossfit，會多咗fitness同舉重；雖然O依家重到120幾磅，但其實好多係肌肉嚟。」做了瑜伽導師4年多，她表示enjoy過做藝人，「因為所有嘢都可以自己控制，以前就算有機會都係人揀你。」但無可否認這5年演藝生涯為她開瑜伽中心帶來很多的便利，「比起其他導師，我係較易俾人留意。」

不斷上堂增值

　　她開店後不會像以前周圍走教班，賺的錢亦較以前少，「因為營運一間舖唔容易，好在生意都穩步上揚，今年會做多啲推廣，其中一個係做training course訓練導師。」農曆年好多人鍾意食致肥賀年糕點，所以她教大家幾個收腹和修腰的瑜伽動作，每日keep住做，纖腰好快返番嚟。農曆年會去美國上瑜伽班的她說：「以前每年都去一次，但因為去年開舖冇時間，所以今年要補番數。」