原帖由 tin7tin7 於 16/6/2013 07:03 PM 發表
高洪波個用人陣法適合中國隊,佢了解自己有幾多料
同邊位球員會博命,佢心中有數
佢在任真係唔失禮,戰績有得比你睇
新個個教之後,我自己就外圍賽後一場都無睇,
始終大陸野唔係咁易玩得掂
高洪波那時隊中國隊真係比現時呢隊好, 起碼好多場波都打到自己隊波獨有的風格出黎
不過果時高帥就礙於經驗淺, 好多場波d排兵佈陣, 臨場反應指揮都顯得不太好, 略嫌未夠火侯
我諗佢做多幾年, 帶多幾支唔同球會, 汲取多d經驗, 佢絕對係中國教練之中的可造之材
有d期待佢係若干年之後重掌中國隊帥印
其實當時中國隊想換個更有經驗的領隊帶中國隊都唔係一個壞的想法
只可惜佢地衰係衰在崇拜西班牙, 話咩想學踢西班牙的踢法, 所以就請西班牙教練甘馬曹黎教
但當時果班球員的踢球風格根本就唔適合踢西班牙果種踢法, 夾硬去學西班牙, 變左要推倒重來, 改變晒原有高主帥所建立的陣型踢法風格
換新帥之後, 到現在其實球隊尚在磨合中, 成績唔理想其實都唔可以怪晒甘馬曹
如果要選擇學習對象, 我覺得學意大利好過學西班牙, 西班牙果種技術流打法, 叫日本隊去學就合適d
所以如果納比肯教中國隊, 中國呢班球員或者會較容易適應意式打法
現在隊波陣中其實好球員唔少, 踢恒大果d, 好似郜林果d明顯睇得出近年有進步, 只係踢國家隊果時明顯
唔係好踢得番係恒大果種水平
而其他未到一線實力的內地球員, 勉強去學西班牙果種踢法, 真係見到有d力不從心, 根本學唔到
可能踢多幾年打到都未定, 但就現時來說, 呢班球員就真係唔係幾似會踢得出西班牙果類波
但其實我一直都覺得大多數中國球員都係一些自尊心較重的球員, 要佢地去學其他國家踢法真係幾難為佢地
好多都比較忠於自己個人的踢法, 所以佢地比較抗拒去學習他人的踢法和幾難要佢地去學懂尊重尊敬外國的教練
感覺上中國球員都係偏向支持番由自己人帶領中國隊, 咁佢地先肯服從
希望佢地係之後東亞錦標賽會打番好d lor
