正當o靚模羅凱珊（Kama）與富家子袁紹恒（Terry）打得火熱，有意計劃淡出娛樂圈之際，有消息指二人已由熱戀變得關係惡劣，據悉因女方不滿男友愛「示威」，四圍晒戀情，令二人火速分手，昨日向Kama求證，她扯火回應：「總之以後唔想提起呢個人！」
早前Kama與模型太子爺Terry打得火熱，除了連日來與男友像連體嬰出雙入對外，她更表示見過對方家長，加上Terry的熱烈追求攻勢，Kama亦有意跟他發展穩定感情，令戀情看似進入白熱化階段。不過據知Kama一直唔想這段感情太高調，因與Terry相識日子尚淺，仍有所保留。可惜近日她發現男友愛「示威」，跟他拍拖後常四處向朋友「晒命」。
密會屢遭撞破
雖然Kama起初都是半信半疑，但自從二人交往後，密會事件接二連三被人撞破，令她醒悟每次約會都有傳媒影相，覺得有人別有用心，最終Kama都要忍痛分手，令戀情火速無疾而終。
對於火速分手傳聞，Kama雖未有直認，但卻與Terry劃清界線，昨日她對此回應說：「我同佢由始至終都只係普通朋友，冇講過我哋拍緊拖！」
讀書理想未變
對傳聞指她不滿Terry四處晒命以及經常放料給傳媒，最終導致分手收場？Kama反應極大，扯火地說：「總之我交朋友從來都係畀個心出嚟，但估唔到個結果係咁。（係咪覺得被利用？）總之以後唔想提起呢個人！」
Kama更強調以後都不會再與Terry單獨約會，彼此只屬極「普通朋友」。至於是否仍淡出模界，她表示讀書是她的理想，並沒有改變，不過有適當的模特兒工作仍會做。
