Rainbow死撐：點解咁對我?
對於被指講大話，Rainbow堅持是誤會。
Monique（左）陪Rainbow受訪，以示支持。
【東方日報專訊】近日是非纏身的靚模胡心諾（Rainbow），繼被踢爆遭學校開除而非主動退學及遭網民要求退出書展後，昨日又被網民狙擊，指之前於小西灣讀中學的Rainbow，因被發現無心向學兼麻煩多多而遭校方開除。對於被連番狙擊，Rainbow昨日接受本報專訪時依然死不認錯，除堅稱一切只是誤會，更哽咽道：「點解啲人要咁對我？」
Rainbow被踢爆遭學校開除而非主動退學，而網民因不滿靚模經常拋胸及欠缺內涵，迫令Rainbow與鍾蕙芝（Lavina）撤出書展，Rainbow可謂四面受敵。昨日事件又有新進展，有網民踢爆Rainbow之前就讀小西灣一間中學時，因校方覺得她麻煩多多兼無心向學而開除她。對於遭連番狙擊兼被踢爆講大話，Rainbow昨在經理人兼緋聞男友Admond及同公司的周凱盈（Monique）陪同下接受本報獨家專訪。
有畀心機讀書
有備而來的Rainbow全程表現平靜，對於有證據指她講大話，Rainbow依然死不認錯，更哽咽說：「點解啲人要咁對我？我冇講過大話！有啲唔開心，尋晚（前晚）瞓唔着。（有冇喊？）喊過一陣，依家平復咗。」對於有網民爆料指她之前亦是被踢出校，Rainbow再強調是誤會：「我有畀心機讀書，只係因為中四時覺得嗰度唔適合，所以先轉新環境。工作方面我冇做錯，只後悔當初無喺小西灣讀埋個中四課程先轉校。」說到被網民喪插，Rainbow說盡量避免看有關批評，並強調一切只是誤會：「佢哋唔清楚我個性啫。」
減少性感演出
而Rainbow前晚出席首映時，亦為講大話一事死撐：「我唔係唔讀書，我會轉夜校，同家人商量過覺得讀夜校適合啲。」問Rainbow校內成績是否很差？Rainbow面色一沉，口窒窒說：「唔可以話差，我中文試過全級第四。（小學嗰陣？）……中二嗰年。」
談到有指Rainbow與Lavina被迫撤離書展，經理人Admond強調實情是由於寫真集銷情理想，Rainbow與Lavina才不用到書展宣傳，不過Admond指二人日後會盡量減少性感演出。
from sina.com.hk
估唔到胡心諾咁快有報應:zzz:
