五位 o靚模青春逼人，必定大受電車男歡迎。
2008年， Angelababy和周秀娜等湧現，「 o靚模元年」正式誕生，一年後將 o靚模搬入屋的有 PS3，繼去年推出高清寶寶遊戲，今年再接再厲拍攝高清劇集《夏鈦盛放》，眾少女以泳裝示人，加上角色扮演，務求在 o靚模界中殺出一條血路。
近年 o靚模橫行， Angelababy及 Kama等先後湧現，去年電視遊戲機 PS3找來多位青春少艾推出高清寶寶遊戲，狂吸電車男後，今年 PS3再接再厲，加大成本製作高清劇集《夏鈦盛放》，還一口氣找來 6位平均年齡只得 19.5歲的 o靚模擔演，為了更具吸引力，傅穎也獲邀助陣做女神，故事內容完全代入電車男追女仔的故事。
6位 o靚模中，包括日版 Paris Hilton椋名凜、劉欣宜（ E Cup Baby）、美少女廚神胡心諾（ Rainbow）、鍾蕙芝（ Lavina）、有翻版 Twins之稱的勞詠君（ Tian）和周凱盈（ Monique），除了椋名凜外形較為成熟外，其他 5位美少女日前就相約到沙灘互鬥身材，當中最突出就必定是同樣達 E cup身材的 E cup Baby和 Lavina。
Baby自認白癡
Lavina曾在《美女廚房》中因狂騷身材而人氣急升，她也意識到豐滿上圍成為焦點，但她毫不介意，還自信地說：「每人都有一樣嘢畀觀眾深刻印象，我覺得 OK，唔會錯過任何機會，有競爭都係良性，有實力一定可以做好，我對自己好有信心。」
雖然 5位美少女在鏡頭面前如同好姊妹，不過當提到在《美女廚房》中與方力申傳緋聞而出位的 Rainbow時，被視為大師姐的 E Cup Baby即不屑地說：「各有各賣點啦，我賣點？白癡同低能囉，哈哈哈，我係小朋友性格，同佢唔係好熟呀。」
而有翻版 Twins之稱的 Tian和 Monique拍照時十分合拍，對於被指酷似曾拍淫照的阿嬌時， Tian說：「我唔介意，不過我一般鍾意佢，唔係佢 fans。」 Monique則說：「自己笑容最似，都想似阿 Sa又唱歌又做戲。」
