相隔8年，網友力捧的無綫新一代「咪神」曹思詩（CC）再出寫真集，在書展其間推出噴血寫真《Sexy on the Beach》。25歲嘅CC換上多套細碼比堅尼在沙灘大晒32C同長腿，加埋一身古銅色健康肌膚，型爆超索！原來CC跟徐濠瀠一樣有「分享症」，喜愛在社交平台貼水着相，所以出書既能滿足欲望，兼且趁青春留倩影！只可惜大膽開心share惹來飯局及陪瞓「問價」後遺症，甚至有人提出逐秒計算，要求跟她祼聊！
2009年只有17歲的「翻版唐詩詠」曹卓榣（前名）推出處女寫真集《Cc@一個人的初戀》，但鬥唔過舔啜雪糕的「寫真皇后」周秀娜。再推寫真集，曹思詩否認唔服輸要捲土重來：「今次真係因為留念而影，對自己身材都有信心，更加相信只要比堅尼着得好睇會好吸睛，男男女女都鍾意睇，喺沙灘試過有人搵我『集郵』同交換facebook等。寫真集入面我仲會share揀泳衣心得，如着T back可以show到蜜桃臀、泳衣買細一個size上圍可以更加凸出，我唔介意性感示人，有的是青春怕乜呀。」
高價肉金得啖笑
以往曹思詩跟黃宗澤、羅仲謙拍過激咀戲，又曾色誘過陳豪、以「小三」身份跟周子揚傳過緋聞，外間誤將她看成「壞女人」，曾在網站上有侮辱性留言說：「雞，全部都係雞！」又有無數咁多次「問價」，淫媒話有「人夫」兼「人父」以6位數字肉金邀她去酒店陪過夜，對此，CC形容好好笑，她沒好氣進一步了解只管「落閘」：「真係好癡線，其實圈中唔係個個女仔都咁貪慕虛榮，而且娛樂圈冇秘密，作為藝人就更加要檢點，我所有嘢都光明正大，敢話一次都冇做過，而且性愛呢啲嘢只會同喜歡嘅人做。」
