譚凱琪（Zoie）最近在《致命復活》演的「Emma」，一場泳池大露背戲，令不少網友大讚索爆，她表明只因角色需要，並無意做性感女星，事前亦不用問准餐廳老闆男友莊少宇（Enrico）。可惜Zoie在頒獎禮只憑《EU超時任務》獲提名，但她認為角色有人留意已感恩，而事業剛起飛，她雖屆35歲仍未有結婚打算。
最初Zoie收劇本都未知場戲咁激，「你見我以往拍旅遊特輯，都係着兩件頭，咁性感真係第一次，但係監製同導演都好好，亦都揀咗件好靚泳衣畀我，搞到身材好有立體感，角色需要都接受到性感嘅，只係覺得個背未夠白滑啫！」
唔排除閃婚
「Emma」一角雖刻人憎，但Zoie認為有人留意已很好，「有人讚我索，亦都有人鬧我衰呀！但?家有人講已經好好。」雖然未能憑角色獲提名，但她覺得有得提名已開心，「當日入公司，都係想完成拍劇嘅夢想，?家嚟咗3年已經有好多唔同機會，肯定咗選擇冇錯，當然下個目標係做主角啦！」
Zoie跟餐廳老闆男友莊少宇（Enrico），雖已拍拖兩年多，她亦經常被影到在男友餐廳打躉，但提到感情事，她依然避忌，「不嬲都好少講。（性感使唔使問准男友？）一齊得就要信任，向來工作上嘅嘢都係自己安排。（呢期咁多人結婚會唔會恨嫁？）細個就會，?家真係冇，況且工作啱啱上軌道，不過結婚亦唔使好有計劃嘅。（閃婚？）都唔出奇㗎！」
