新一代「地獄廚神」正式上任！周秀娜早前亮相無綫人氣節目《美女廚房》顯身手，可惜大出洋相，完全暴露她不擅烹飪的缺點，她坦言感到又瘀又醜。為洗脫「地獄廚神」污名，周秀娜日前臨急抱佛腳惡補廚藝，一雪前恥。
樣靚身材正的周秀娜行騷表演瓣瓣掂，但原來對烹飪一竅不通，日前播出她有份參與的一集《美女廚房》，下廚炮製韓國粉絲和蒸魚，當主持之一的梁漢文試食時即嘔吐大作，味道之差絕對可以想像得到，結果她不負眾望以-34分成為新一代「地獄廚神」。
「起碼唔好負分」
為洗脫惡名，周秀娜日前專程到銅鑼灣跟大廚惡補廚藝，希望再錄影《美女廚房》時令人眼前一亮，她說：「成為地獄廚神真係好瘀，我唔甘心，所以希望下次上去會好啲，起碼唔好有負分。」周秀娜雖然是家中獨女，母親又廚藝了得，但她未有學到媽媽的廚技，對烹飪完全一竅不通，平時十指不沾陽春水的她，只懂煮即食麪，周秀娜笑說：「我份人冇耐性，成日覺得煮一餐飯好花時間，等得好辛苦，但媽咪話作為女人，係應該識煮嘢。」
當日周秀娜在大廚指導下炮製龍蝦，由於龍蝦不算太大隻，她夠膽徒手捉起龍蝦，清洗和烹調，她細心聽從大廚的教導，最後決定炮製焗龍蝦，既簡單又好味。
大功告成後，周秀娜戰戰兢兢地試食，結果順利過關。問她有沒有試過親手煮幾味冧男友？她笑說：「真係一次都未試過，我同佢通常都出街食，因為平時大家各有各忙，都冇乜時間見面，可以趁出街見面。」
