賽 馬 健 談 ： 賭 仔 心 聲 馬 會 要 聽

香 港 自 九 七 年 變 天 開 始 ， 整 個 社 會 意 識 形 態 ， 在 十 年 內 不 斷 在 變 ，

衍 生 出 的 反 對 派 也 越 變 越 多 ， 連 帶 馬 圈 也 有 反 對 黨 ，

這 批 反 對 黨 成 員 ， 偏 佈 報 章 、 網 上 討 論 區 ，

縱 使 還 未 致 於 逢 馬 會 必 反 ， 實 際 骨 子 裡 卻 是 這 樣 ， 當 中 有 些 更 十 分 虛 偽 。

的 而 且 確 ， 馬 會 管 理 投 注 、 賽 馬 事 務 範 疇 上 ， 仍 然 有 很 多 須 要 改 善 的 地 方 ，

應 該 藉 著 上 季 難 得 的 止 跌 勢 頭 ， 繼 續 好 好 地 幹 下 去 ， 採 納 意 見 、 聽 取 民 意 是 必 須 的 ，

然 而 亦 要 存 在 選 擇 性 ； 像 上 季 增 設 四 連 環 、 Fun 組 彩 池 之 前 ， 很 明 顯 忽 略 了 真 正 的 民 意 取 向 。

四 連 環 推 出 前 ， 子 健 在 電 視 節 目 裡 ， 經 已 指 出 不 會 太 受 歡 迎 ，

原 因 只 有 一 個 「 太 難 中 」 ， 且 派 彩 偏 低 ， 自 己 肯 定 不 會 時 常 下 注 ，

說 這 番 話 不 是 子 健 眾 人 皆 醉 我 獨 醒 ， 只 是 身 為 一 名 賭 仔 的 心 聲 ；

之 後 推 廣 Fun 組 彩 池 ， 更 因 制 度 及 抽 佣 過 高 變 成 「 唔 湯 唔 水 」 。

馬 會 自 以 為 設 立 這 兩 項 新 彩 池 ， 是 順 應 民 意 的 行 為 ，

一 季 下 來 ， 四 連 環 尚 算 能 夠 接 受 ， 但 Fun 組 已 是 可 有 可 無 ；

彩 池 會 否 受 歡 迎 ， 民 意 反 映 取 向 ，

11 月 27 日 就 四 連 環 具 吸 引 力 與 否 作 調 查 ， 結 果 有 56 ％ 認 為 吸 引 ，

認 為 不 吸 引 亦 有 44 ％ ， 傾 向 五 ． 五 的 比 率 ， 事 後 看 來 也 確 能 顯 示 受 歡 迎 程 度 ，

這 類 由 一 大 批 賭 仔 投 票 而 來 的 數 據 ， 勝 過 問 那 些 偽 善 反 對 黨 ， 或 已 遠 離 群 眾 的 一 撮 人 多 多 聲 吧 。

馬會暑假期間都幾積極做 市場調查.........

我剛剛都完成了馬會之問卷調查(有幸成為其中一份子實在高興)..........

大多數對馬會是滿意的.......尚有些可以改善的...

希望我給的小小意見會有助..

我估子建所講o既民調，可能係於有線 或 蘋果網站裡面做。

子健最近兩日食錯藥, 亂咁up野!

講到虛偽, 都唔夠一大班只會擦阿爺鞋, 阿爺話東佢冇膽話西既果班DAB垃圾, 仲要誤導市民, 抹黑別人還自己清白!

話D反對馬會的人, 偏佈報章, 網上討論區, 根本毫無理據, 可能有人以為只要講馬會一句不是, 唔理合唔合理, 都係反對黨 :yyy: 咁RW真係好大的反對黨 :yyy:

成日用民調作自己BACKUP, 話人地無理反對. 咁知唔知道個民調可唔可信? 有冇公信力? 其實RW都有個投票功能, 開個POST, 如果90%的人話你子健亂UP, 係唔係你認為真係全HK有90%的人覺得你亂UP?

木兄應該認識民調點樣進行及運算。

如果單憑網站 或 Phone In形式，去統計民調結果，根本就唔可以準確計算實際結果，因為當中係可以做假、水份極高。

就正如你咁講：RW內開個投票，9成人話子建o的文章廢嗡，咁係咪代表全港9成人反對你先？呢個結果係咪準確，見人見智。

所以民意、民調結果唔可以胡亂引用，呢篇文只能證明大部份馬評家，完全冇common Sense地去引用數據性資料。

[ 本帖最後由 Running 於 19/7/2007 04:07 PM 編輯 ]

請大家唔好誤會,所指的反對黨,是指一些虛偽,見人講人話,見鬼講鬼話的一批人,只要再看明天的文章便知道.
至於用有線民調結果作為中心,是因為每一個IP只能投票一次,不能重覆投票,除非有朋友好得閒,用數部電腦投票,而且看18台的,主要是真正馬迷,結果絕對可以反映坊間心態.
實在開辦四連環及FUN組彩池前,調查結果是無興趣居多,一季下來,馬迷亦以實際行動,證明這兩彩池不受歡迎,提出論點,只是想馬會有關人士,理解公眾心態,不應只聽從一批遠離群眾的所謂專家意見,皆因他們永遠不會在馬會中人面前說真話.
我的風格向來這樣,不喜歡我與否不打緊,反正只想借助專欄,讓馬會知道,馬迷須要甚麼,由第一天開fun組前,我在電視節目裡已直言不睇好,民調結果亦是以不喜歡佔大多數,為甚麼不能以此作根據,更不認為是沒有common sense,莫非你認為fun組應繼續存在嗎?

long time no see:rrrr:
Fun 組,我一次都未買過:qqqq:
我是小注馬迷,以小博大,不會對 fun 組有興趣的!:yyy:

那麼怎能說我沒有[普通常識]呢?

花花,真的好耐無見

估唔到子建兄有睇到我地o既回應

如果剛才言論冒犯，在此向你道歉。

我想提出，剛才提及o既「common Sense」，其實係任何人對運用民調、數據性資料時，對所得結果要有以下o既想法：

1) 調查o既群禮中，當中o既受訪者 或 投票者，佢地平日o既言論、行為，會否對調查結果有所影響。
2) 誤差程度。
3) 不能將整個調查結果，完全視之為整個群體o既主流意見及共識。(呢點係之前我去做民調時，導師同我地講過o既重點！)

子建你話「至於用有線民調結果作為中心,是因為每一個IP只能投票一次,不能重覆投票,除非有朋友好得閒,用數部電腦投票,，我想話以現時科技之進步，一部電腦可以製造幾個IP出o黎已經係事實；至於話睇18台「主要是真正馬迷,結果絕對可以反映坊間心態」，我自己從坊間反應中，唔少人覺得打上18台o既觀眾，似膠人多過理性分析o既人多，打上去o既幾乎一面倒發表陰謀論，完全冇理性可言。

我唔係想質疑你o既想法，因為呢兩日你o既文章，包括加場次及今日賭仔心聲，你o既意見及論點我係非常認同及贊成。

但對於「民意」如何運用及反映，我覺得需要非常小心，否則容易俾班小人及糞青有機可乘，話你騎劫民意！(最佳例子就係貴報o既高乘駿兄，已經多日被別網人士攻擊。)

[ 本帖最後由 Running 於 19/7/2007 05:25 PM 編輯 ]

F4你都唔買啦:yyy:

上一次見子健兄已經係天堂:rrrr:

子健兄...好高興你黎RW
我只係對你的文章的一d points提出合理的質疑, 並無惡意.

我的質疑同running兄係一樣, 主要都係對你 "民意" 的運用.

e個有線電腦民調, 先唔理ip個問題, 有電腦上網的, 通常都係以年輕人, 中產家庭多. 而我所見的, 係好多馬迷其實係低層收入人士, 一日三餐都係剛剛好果d, 何來有錢買部電腦? 再者18台唔係個個都睇. 可以話e個有線電腦民調, 我有理由相信佢個result係集中某一部分馬迷. 講到打電話上18台果d人, 好多時一聽就係d陰謀論, 輪左只識賴人唔識反省的馬迷. 我唔相信ed係 "真正馬迷", "坊間心態".

我本人對f4冇意見, 都覺得fun組可以取消. 不過我對增加場次表示唔贊同.

一個民意調查, 好的當然可以成為一個好有力的證據, 不過如果個民意調查本身有可疑, 人地都好容易對e個民意調查提出質疑. 民意調查要做得好, 有公信力, 唔係一件容易的事. 首先要考慮時間, 地點, 再黎到民意調查問的問題, 有冇誤導? 點樣問法? 都會嚴重影響個result. 我同意running兄講....民意調查唔係話用就用.

如有任何得罪, 請多多包涵.

感謝子健兄繼上年抖暑期之後，今年又再做訪本壇。:gggg:

我倒想看看明天的文章內容才回應。XD

Assume 冇份做民調都係有同樣比例的 result係 民調一大法則,
因為將分子分母 乘 100, 1000, 10000 甚至 1M 都好, 都唔會影響百分比 :lll:
所以........心中又有奸計:eee:, 自己做 project 都係作大
當然, 機構的公信力好重要

我個人就好唔認此類 Newton Physics 式的方法 :jjjj:
le 個世界邊有得咁 assume, bias 一定極大

[ 本帖最後由 西人堅 於 20/7/2007 02:35 AM 編輯 ]

子健兄你好, 我向來有追開你在報紙的馬評
尤其係賽日的不穩馬, 好有水準:gggg:
睇得出你係難得好比心機睇馬的馬評人:rrrr:


競馬連線的民調 同 其他 forum 的調比較,
我平時亦有睇 le 個節目
覺得公信力係高好多
-- 起碼唔係有番咁上下閒錢先會裝 cable 睇馬
-- 睇得競馬連線 ge 都應該唔會係果 d 反馬會反節目中另一個主持反到傻左 ge 人
(唔係講笑, 相信有上開馬網 ge 人都知, 大部份馬網都有極多人盲反佢)

不過, 我覺得
蘋果馬經今年的安排, 令你做的民調會有反效果
蘋果馬經 今年每日都推 網上的民調,
可惜 所推的網,
出曬名群魔亂舞, 自以為正義化身
極之憎恨, 眼紅馬會及馬評人
甚至有圈中人化名上網攻擊其他同行都有

好多 survey 一睇名就知 好有引導性
邊有公信力可言

日日將 le d 咁 ge 民調 同 cable 果 d 一齊刊登, 公信力大減
打下比喻,
你成日同一個爛仔一齊出出入入有傾有講, 唔多唔少都會覺得你好人極有限
因為極多不良推銷, 就算果樣 product 係好野
好多人依家一聽到類似 sell 野 ge 電話就即 cup 線甚至問候對方,


當然亦可以話, 有比較可能更突出好野,
不過我相信 劣幣驅逐良幣

講到假民調, 選擇性地接受 phone-in,
就不得不提 方塊龜:fff:
佢簡直係專家 tim

唔o岩聽唔係附和佢的 phone--in 唔接,
一次接幾個 phone-in 就話民意點點點物物物 借題發揮迫馬會聽佢講,
我肯定 fun 組 le 個 idea 佢上季同前季有份大力提倡叫馬會開(我之前都曾經 phone-in 過上去講開新彩池)
又話易賭易中乜乜乜
結果依家反得大大聲又係佢:rrr:

你打過上去咩？你係咪叫佢做方塊龜先生？:fff:
你有冇大大力咁插佢？:fff:

先附和 後插得唔得:jjjj: