【on.cc東網專訊】 2009年港姐亞軍李姿敏出席慈善籌款活動開幕禮。日前她獲澳洲籍練馬師賀賢求婚，並計劃明年拉埋天窗。她笑言仍未落實婚期，皆因自己太三心兩意：「又想喺澳洲搞，又想喺峇里搞沙灘wedding。老公想喺澳洲嘅，因為佢啲屋企人喺嗰邊。我就想係半露天嘅，西式啲，之後先喺香港補擺酒。」
李姿敏又指自訂婚後已沒有工作，並會親自籌備婚禮。問到可會找同屆港姐做伴娘？她說：「我女仔朋友好多，同同屆嘅倩婷（劉倩婷）、熊穎詩、馬詠恩都好friend，但睇吓男方有幾多兄弟先。唔想佢得2個，我就好多個咁。」她又謂已開始試婚紗，但因太多選擇，故仍未揀啱心水。
唔介意爭老公廿四年
談到與老公年齡差距足足廿四歲，李姿敏坦言初頭父母有抗拒及介意。談到求婚過程，她透露未婚夫是在日本旅行時求婚：「
我有喊，好感動，因為我哋一齊咗又分開咗2年，啱啱先一齊番，經歷咗好多，所以會好好珍惜大家。隻鑽戒就係因為佢識朋友做呢啲生意，就揀咗隻好靚嘅。（幾卡？）唔講喇，但啲質素好靚。」問到可會生小孩？她表示會：「但我哋唔想知係男定女，想有個surprise。（生幾個？）一個先啦，睇吓應唔應付到，我見到倩婷湊BB好忙，我都有啲擔心。」
唔怪得冇見佢係馬場兩年
