原帖由 maxilopez 於 21/5/2013 11:53 發表
节目毫无特色。而且每次赛事评论得几场不够全面。讲血统无，就算有都唔深入同报纸讲无分别。讲状态更加千篇一律。太多无谓话题，听众听完后无启示，学吴到野。感觉系一班人吹下水而已。无特色地节目close也不觉得可惜。
原帖由 maxilopez 於 21/5/2013 11:55 發表
听过几集已无兴趣。
原帖由 maxilopez 於 21/5/2013 12:46 發表
建议你日后节目分开主题，血统，晨操，练马师部署动态，对手分析，国际马坦动态，赛马冷知识。等环节，加入多元化话题。血统并不是单单讲母系赢过咩赛事，父系如何。太空范，应该有实际数据，等于国际马匹拍卖会人地都起码讲下血统指数，配种特性。咩都无，固步自封，close是迟早问题。
睇你講野真係好笑
逐個點駁你
1. 節目毫無特色。
到底是節目無特色定係你唔識欣賞？
河馬仔一向都係小品型, 講馬之餘用心分享食評同動漫活動，
這一點就是這個節目的特色。
相信除左我之外，仍有不少人喜歡聽。
2. 聽眾聽完後無啟示, 學唔到野，感覺係一班人吹下水而已
簡直前言而對後語！
你自己話聽過幾集就冇興趣，我猜你都唔會期期捕住聽，亦唔會有心機聽。
一早就站在高地覺得聽人地個節目唔會學到野，你當然無得著啦。
有部分資訊聽眾可能忽略左，但透過節目可能會重新提醒，點會無得著？
難道一定要知道AA 係出自父系XX, 母系 YY, DP/DI 係幾多, 先叫得著？
3. 建議你日后……固步自封
人地好好地一個分享節目，分享飲食、日常消閒、賽事分析，
這就是這個節目的主題，聽眾聽到開心、聽得過癮、聽得舒服，
你加這些不倫不類的建議有何用？
你為甚麼不要求一本主題是足球的雜誌講埋NBA, F1？
你為甚麼不寫信要求馬會官方節目做到你上述要求？
你為甚麼不自己開一個台做節目？
只懂在旁指指點點而無丁點貢獻
人家抽空做節目，主題不合自己心水就高聲疾呼「CLOSE都無所謂」，
你有否認真欣賞過節目本身？有否欣賞過製作人、主持的努力？
你自己係RW係香討都出過不少POST,
你又幾時試過講場女皇盃分析晒血統、晨操、練馬師部署狀態、對手分析、國際馬壇動壇……？
剩係識抽大摩水，而家大摩連贏女皇盃、冠軍一哩、新航國際盃就潛水潛到影都無，
你有資格批評嗎？
