|
簡評:
天久: 呢件老臣子唔會再保留, 可惜日本遊去唔到...實力已經証明哂, 亦確實有權大蝦細, 但之前方仔話過隻馬一加個B會搶口傾向, 今次居然又加番, 係咪驚隻馬玩大漏閘? 不過今次快馬超多喎....
巴拉多: 雖然新加坡馬質素就...但係唔敢太批死佢, 破格得要命, 見識過佢唔只一次贏條街返黎, 不過係兩大疑問, 一佢會否右轉X, 另一個係質素真正去到邊, 因為佢近兩場都得幾隻馬跑, 今次對手有成13個, 講真, 超班的話唔好話13檔, 20檔都贏到
崇山寶: 除非隻馬出現奇蹟識轉彎, 否則....
綽力之城: 雷神又再重演吸飛? 感覺個兩場海外戰對佢好傷, 而且仲要捱128磅, 14隻最瘦係佢呀陰功豬...後備個兩隻都比佢大件
一寶: 終於唔駛玩讓磅, 覺得佢機會仲大過綽力, 只要唔好全程望空都有機會
友瑩格: 感情上係支持佢, 但係唔想佢係呢場搏太多, 個延遲報名太大迴響啦
旗幟鮮明: 無端端縮程, 係因為想作最後証明, 定係純粹做兔?
恩格斯: 係香港級制賽未贏過, 今年對手仲強過舊年呢...
喜寶駒: 1000米好過1200米
幸福指數: 可惜, 整體最蝕桌就係佢.....放頭跑風險太高, 可以試下縮後d跑嗎?
金滿載: 太睇形勢, 優勢一場比一場少, 係睇騎個位搭唔搭夠到
同個夢想: 同番友瑩格鬥, 以佢既跑法, 檔位影響其實唔會好大, 睇佢做唔做到極速末段啦, 最大黑馬
醒目波幅: 我唔想潑佢冷水, 但係諗極都唔明, 論星味到而家呢隻居然仲高過友瑩格.....大家忘記左佢上季平磅點輸嗎?係, 雖然今次係1200米唔係1400米, 雖然今年佢有進步, 雖然今次有勁人好檔....雖然....我唔係批死佢, 但係捧到佢咁高會唔會有點不智?
積多福: 有質不過太蝦人騎, 今次多負10磅又多快馬, 好難將上場既戰略搬返黎喎
[ 本帖最後由 敏琪毛毛 於 21/11/2014 10:51 PM 編輯 ]
|
