上期，孫柏文分享咗errr... 朋友OP「被轉馬房」嘅事。咁上網睇各大討論區，原來都唔少人講，意見亦都有好大分歧。今日，首先想多謝所有留言安慰嘅讀者。我亦想話「被轉馬房」本身唔係一件難受嘅事，因為始終係呢個遊戲其中一個部分。甚至我深深覺得，令呢個賽馬活動更浪漫嘅一環。
上期講過話當好急要轉馬房時，要知最基本邊個馬房仲有位收留呢個問題。喺馬會網站「練馬師資料」下，搵唔到相關資料。而《蘋果》編輯亦喺篇文加埋原來要知啲練馬師有咩馬及幾多馬，原來只要先去「馬匹資料」一欄就有。
咁我噚日都收到唔少不同年資養馬經驗嘅朋友來訊，我亦同佢哋傾過當年佢哋啲經驗。有啲好似我咁，匹馬水皮、有壞習慣，有啲就評分已盡，求其各式各樣嘅理由都有。大家都冇話感覺唔良好，因為大家都係聰明人，明白馬會為每馬房定馬匹數量嘅上限。更重要嘅係，我同其他馬主們亦明白點解同支持要有呢個上限。
不過，今日真係有幾個建議俾馬會，等一但有呢啲情況出現，可以令成個過程易啲處理。
首先，網站冇錯真係有各馬房旗下馬匹名單。不過如果可以唔使開24個網頁，跟住逐個馬房數幾多隻，喺「馬匹資料」每個練馬師名旁，就有佢哋倉嘅馬匹數目，咁就方便好多。
第二，就係喺通報機制上增加自願嘅透明度。例如，如果有練馬師想辭職唔練某匹馬，經過馬主同意後，就會通報俾所有馬房知，有匹馬想搵新馬房。呢個可能已經做緊，所以亦鼓勵啲馬房積極去聯絡唔介意被聯絡嘅馬主。
掉轉，喺今個世代，當幫襯啲網上店舖，都可以自定收訊息嘅頻繁程度時，如果有練馬師或馬房唔介意收到馬主騷擾，佢哋可以定下「可收電話、短訊」設定。又或者規定只收啲剛被邀轉馬房嘅馬主通訊又得。呢個會勁幫到啲馬主。
以上只係一點建議，馬會賽事部可能諗到更多。我只可以話，被邀轉馬房本身已係個時間緊迫traumatic嘅經驗，如果可以盡量減低不必要嘅trauma，咁就會易過好多。
不如咁啦,
直接建議馬會賽事部assign一個新馬房安置OP隻馬咪得啦,
OP 咩都唔使煩
