逐點回應啦：

1. 「人」嘅問題就咁睇，唔好講大陸人，香港人本身都好唔負責任，少至之前講過嘅公德衛生、大至政治問題，只會瀉得就瀉，呢類人係最容易被煽動一群，因為佢地嘅基因有呢一種心態下，只會認為人地有錯，自己冇錯，甚至冇需要承擔呢種責任！就算冇有心人煽動，佢地都會煽動別人嚟掩飾自己，從而無需負責任。

另一種情況就係「好事、責任鄙視化」！點解而家咁多細路冇家教，原因唔只係老豆老母冇時間睇，更重要係根本連家長自己都鄙視責任心，如果唔係都唔會好似你前幾日FB講嗰單嘢咁樣。但我見過嘅，卻係唔少家長用言語、行為去鼓勵仔女「自私、不負責係美德」，呢類 「好事、責任鄙視化」咪就係廷續咗呢個城市嘅人不負責任、睇人PK嘅心態囉。

你話「做好事做得啱唔使理人點睇」，但現實係呢個城市「集體平庸」心態，搞到好多應份、應該嘅事都變到異類化，所以點解會話係「人」嘅問題，就係呢啲原因。咁易被有心人煽動，只不過簡單嘅經濟原理：有點嘅讀者、就有點嘅傳媒而已。

2. 有一點需要澄清：我係冇憎內地人，唔好講到我同伊神一樣！過去有啲同內地有關嘅討論，唔少都係贊內地人各方面好過香港好多，特別係有過去內地工作嘅經驗，更加睇到好多嘢同香港好唔同，例如上海人堅持佢地本土文化嘅精神，呢樣嘢香港好難學得到。

如果話我憎內地人，我只係唔鐘意佢地將好多唔合理嘅規矩行為「合理化」，人地話佢就話聲大夾惡話番人。

幾年前去巴黎時，已經有好多中國人過去玩，當時喺羅浮官內經常性用閃膽、大聲講嘢嘅，就係中國人+香港人！當時看在眼內，真係乜面都冇咁滯，而個華人導遊叫佢地守規矩，換來嘅就係「老子有錢做什麼都可以，他媽的規矩我為何要守？」仲要大大聲講出嚟，當堂為之側目！

你話佢地民智未開，所以要體諒，但問題係每個地方都有本身規矩，不合理當然要反對，但合理嘅點解又唔守、仲要聲大夾惡講出嚟？最記得有一次喺大陸睇報紙，話網上流傳一份政府提醒國民出外要守嘅規矩，結果係好多大論壇嘅留言都話國人好醜，淪落到要政府提先肯守規矩！有個留言印象好深刻：「昔日的禮儀之邦，今日卻變成神僧鬼厭，中國人你們知不知道羞恥二字怎樣寫？」

3. 最後，我只可以話：我唔係一個完美嘅人，我都係有部份香港人特質，近日嘅事的確係好嘅機會去學習返點樣睇任何事物，如果言論有乜得罪，希望西堅你可以見諒，有時人一躁好易亂講嘢。:ppp:

講完自己想講嘅嘢，條氣都順晒。

[ 本帖最後由 Running 於 22/1/2012 01:44 AM 編輯 ]

佢最搞笑係話「傳媒斷章取義」，你親口講咗都可以唔認，係咪男人嚟架？:rrr:

順手回應多西堅一點：點解啲人咁慶，就係因為佢係一個「大學教授」，一個大學教授仲要喺北大教書，點解講嘢可以咁唔Make Sense？

大學教授又點??

香港大學法學院助理教授 張達明 知法犯法,
唔改地址 去番舊區投票, 擺到明種票

事前又話不能容忍種票,
事後又死撐唔認衰

http://orientaldaily.on.cc/cnt/news/20111129/00174_001.html



閣下作為 傳統親英反中人士
乜唔係話法治精神好重要咩
又唔見你鬧佢 就係因為佢係一個「大學教授」，一個大學教授仲要喺港大教書，點解講野咁唔 make sense ge??

[ 本帖最後由 西人堅 於 22/1/2012 12:04 PM 編輯 ]

唔經意翻到呢個舊post
在此我想挖挖墳，希望大家唔好見怪
在孔慶東眼裡，不單是HK人，所有南方人都係狗
因為南方報系曾經對其作過負面報導，他心存不忿，繼而遷怒整個南方地區
孔慶東為人非常有學問，出口成章，冇錯，這是他的長處
但他生活在天子底下，經過各種政治燻陶，心態早已扭曲
六四時他是學生運動的一員，已足以證明此人內心極為偏激，帶有地域仇視性
所以他某些極端言論，大家可不必理會
至於“香港人是狗”的理論。好明顯係偏激。
邊個地方都有狗。大陸有，台灣有，香港有，美國如此發達文明的國家同樣有好多狗（指變態、低素質的人）
他後邊的自圓其說，明顯係自打耳光，又要威又要戴頭盔，大家笑笑口過就算，狗咬你一啖，你都冇必要反咬一啖
希望大家可以冷靜看待問題，唔好因為此事煽動民族仇恨情緒，大家都係炎黃子孫
並且要搞清楚要反的是什麽對象，什麽決策，而不是全盤否定，呢點係最重要的