被罰停賽據理力爭 郭能自辯拗出個禍
3/3/2021
馬會昨日公布，要求對郭能2月3日夜賽關賽後研訊時的行為，作出研訊，而騎者仲隨時有機會被取消牌照的可能性。
騎師因不小心被罰，為自己辯護的個案，時刻都會發生，對於今次事件過程，無非都係響辯護過程，可能在言詞上過了火位，因而被秋後算帳。至於事態�H嚴重性，顯然考慮到騎者言語上的侵犯，絕非初犯，今季亦有鬧人前科，於去年11月29策騎「精彩非凡」落敗，因覺得坐騎被波健士策騎「浪漫組合」頂在外疊所累，賽後於騎師室中，向波仔使用犯語言，最後被罰款25,000元。
作為騎師，最不想發生就係受傷及停賽兩事，直接影響本身生計，尤其現處香港一班外籍騎師，在莫雷拉與潘頓對峙局勢下，加上田泰安穩做三哥，一旦被罰停賽，只會令自己陷入更艱難局面，因此亦可體諒他們一旦進入研訊室的心態。
據知個別中游位置�H外籍騎師，出名係研訊室�H鐵齒銅牙，一直對於競賽小組判決必然拗到底，郭能分屬性情中人，更加係不吐不快，只要一旦牽涉響不小心策騎�H研訊，當日賽後報告就一定會延遲發放。
馬會尚未定出傳召聆訊時間，而郭能亦將於周日刑滿復出，而且有唔少支持，暫且應不受今次事件影響，可以如常披甲。
