近月娛圈剩女輪流閃婚，3字頭兼「Dry」了一個光年的薛凱琪（Fiona）應該好羨慕，所以曾戰勝抑鬱的Fiona決定改變自己重新做人，𠝹仔無罪，為「身體補濕」才是最急切要做的事。上周五晚，露腰阿Fi與4名男友人到中環連蒲三夜場至翌晨5時，因為飲得「哽」又飲得急，Fiona在頭場已顯醉意，不斷自摸扭腰Fing頭髮，亢奮地大跳騷味濃的引仔熱舞，其間更大膽地主動攬實貌似林雪的鬈毛男友人埋身大玩耳邊吹氣，親暱動作一浪接一浪，最後，男方當然識做，搭膊頭兼拖手回饋Fiona。
當晚，紥辮阿Fi先到Fly飲酒跳舞，只見女方非常開心，不斷與男友人互隊Vodka及Shooter等烈酒，半小時不到，Fiona的靈魂明顯已開始出竅，皆因女方重覆又重覆地望着身後的鏡除辮又紥辮。虐待頭髮十多分鐘後，阿Fi突然起身跳舞，以往她夜蒲時只會坐喺位印印腳搖搖頭作有限度擺動，但那晚卻突然轉性地在夜場狂扭狂跳，除不時出手自摸平坦身軀外，還大力將秀髮左右狂Fing如電影《大內密探零零發》內羅家英搖長髮狂講「豈有此理」般，其失控狂野舉動令男友人望得目瞪口呆。
阿Fi一擊即中
雖然自知不勝酒力，但貪玩阿Fi依然唔願收手，狂灌Vodka入口，面紅紅的她還開始散發求偶騷味，主動鈎實鬈毛林雪的手吹水，兩人傾得興奮，阿Fi更主動將男方攬埋身再耳語。鬈毛林雪怕醜又興奮，對阿Fi欲拒還迎，邊傾邊擺出一副被迫的樣子，Fiona見此即扮嬲再摑了男方一巴掌，兩人身體不斷接觸，加上酒精影響，一對癡男怨女就此形成。凌晨二時，阿Fi隨友轉場，沿途上，鬈毛林雪對飲醉的阿Fi照顧有加，為怕行得急的女方有意外，即用力搭住阿Fi膊頭慢慢行，然後又與女方在街頭跳土風舞，𠱁得阿Fi不停大笑。凌晨五時，玩至雙眼無神的Fiona由Play步出，為怕被發現，她邊落樓梯邊將帽邊拉低，鬈毛林雪即捉實女方的手，照顧相當有加，阿Fi曾說：「以前好恨拍拖，𠵱家如果搵唔啱，寧願保持單身，因為唔想搵錯。」鬈毛林雪都唔錯吖！
