14/12 谷茸賽日


第一場：
「步如飛」 -
前仗跑同程僅敗於「歡樂寶寶」，上仗又遲遲未能望空低但仍追得近，郭立基近期手風順，可捧一票。

第二場：
「勵行星」 -
上仗轉跑泥地一樣追得出色，前仗塞車敗不作準，谷草亦曾接近，騎練配搭今季特別出色，賽前亦有試泥閘全程走勢頗勁，睇黎幕後亦想補中，今次亦抽得靚檔，如出閘無意外，可坐二望一。

第三場：
「橫亨」 -
上鋪大幅增程二千二百米藉超空磅亦能放入一席第二，証明長力十足，今次繼續超輕磅，縮程千八米必定放到，加上抽得２檔十分好跑，場地偏差不大三甲最穩陣。

第四場：
「風動寶」 -
連場有走勢可惜仍與頭馬無緣，今次繼續有靚檔且狀態托弗，不過同場強馬多，「好香港」、「精英勇士」、「孫子赤兔」均屬好馬之一，今次強手林立，就睇下風動寶點殺退強敵？？

第五場：
「錢程萬里」 -
此駒連場放得好，上次稍放得急左未有時間回氣，以致未段未能貫注到底，今次配返十磅仔只負１１９磅競逐，可望增加其爭勝機會，前仗相同組合放得有聲有色跑入第二，睇下可唔可以再跑出該仗水準？？

第六場：
「按一按」 -
今場賽事可揀的馬甚多，「先鞭直前」、「但求勝」、「競駿寶寶」、「祥禎」、「享耆成」等等，但筆者偏偏對「按一按」特別感興趣，睇返此馬上季於三班千二米曾敗於「皇帝法令」不足兩個馬位得第二，之後的「沙場王子」、「幸運雄威」「三和之星」今季都相繼贏馬及跑入位置，可見水準之高，今季初出谷草一千配柏寶即輕勝而回，蹄下敗仗「珠光寶氣」亦唔係差，升班後角逐連番跑得近，今次落返三班明顯贏級數，再配上近期當旺的柏寶，可望坐二望一。

第七場：
「魅力星」 -
近仗非冠即入位，準繩度甚高，近仗所遇對手水準亦高，加上狀態仍處於托弗，絕無飛走的理由，今次繼續有好檔，且看可唔可以替楊明綸贏馬畢業？

第八場：
「幸運多寶」 -
前仗試準路程後，上仗即見真章，贏馬姿態十分輕鬆，睇姿態有餘未盡，增程競逐或能換來多少分頭，繼續排個好檔位可望三甲穩陣。

第八場冷馬備忘：
「喜來仙子」 -
上次排12檔全程留最尾未段追入一席第五，睇黎質素有返咁上下，今次執個五檔未敢輕視，有好分頭不防拖返一票。

谷茸賽日:fff: :fff:

谷草賽日:yyy: :yyy:

第一場 :
論狀應全場最fit係 9.「妙不可言」 12.「威晒」
不過「威晒」個跑法較為被動,唔係咁著數,而「妙不可言」都一樣...
而其餘fit馬當中7.「喜欣賞」8.「勝在分秒」10.「活力駿駒」
以「勝在分秒」為最具機會,始終此馬擺前走夠主動,而且睇返近期第一場谷戰多數放頭馬贏
而「活力駿駒」狀態一直都保持,質素麻麻,睇下個檔幫到人幾多?
「喜欣賞」呢隻馬上次初出居後末段都有一段走勢,白德民親手操過,繼續騎,睇下今次會唔會變招擺前d??

技注策略 :
8.「勝在分秒」膽 拖 7.「喜欣賞」9.「妙不可言」 10.「活力駿駒」 12.「威晒」

Q/PQ


第二場 :
全場托弗馬非 8.「華麗堡」莫屬,論馬質素僅屬普普通通,要贏馬相信都要睇形勢,今次勝在檔靚,應該可以坐二望一
配腳方面可選的馬不多,首選會是 6.「康莊大道」,論狀態及質素相信係此組都數一數二,佐出閘毛病好嚇人,投注者都係要有個心理準備,次選會是 4.「飛天龍駒」,上次跑法明顯有違馬性快放競逐,今次換上紀仁安,雖然騎者手風不順,但今次繼續有靚檔,守返好位可望變身,9.「金滿貫」此馬在此程都有過表現,今次再報此程睇下可唔可以有望入位??冷腳方面會揀 5.「冰火」今次排個一檔可以守住好位跑,巴米高鞭夠狠,睇下可唔可以好似聖迪達咁靠慳位贏馬而回??

投注策略 :
8.「華麗堡」 T 複式膽 拖 6.「康莊大道」4.「飛天龍駒」9.「金滿貫」5.「冰火」
每注$5  總投注$180

[ 本帖最後由 細B 於 21/12/2011 09:39 AM 編輯 ]