肯博肯露，o靚模許穎（Phoebe）在夜店打碟搵快錢，叫做搵到啖飯食，轉個頭，o靚模界又湧出大班新血，個個打開心口搏命露，一句到尾，博！當中以Phoebe師妹夏然然（Cassie）最索，人仔細細，身材絕頂，想搶灘成功？事必搵師姐打救。日前，Phoebe充軍師教Cassie置裝買內衣褲，打正「性感可愛教主」旗號的Cassie選的全是喱士花邊，kawaii！
擁34D火辣上圍的Phoebe出名夠博，估不到其師妹Cassie都唔弱，樣子甜美的她打正旗號賣「可愛」，新推出的處女電子版寫真集《Cassie Cute Sexy》大晒噴血三點式肉照，大膽程度令宅男大舉關注，人氣直逼師姐，難怪有傳Phoebe唔妥師妹太高調，借醉撥酒發難。
掃喱士厚墊Bra
是非新聞就講到好唔妥，但上星期本報記者就見兩人孖公仔式遊街掃貨，主打性感喱士內衣褲，記者走近聽到Phoebe，見她拿着桃紅色內衣笑嘻嘻說：「呢套啦，夠可愛，啱你呀，有pad！」Cassie則伸手埋去摸內墊，捽兩捽便拿入更衣室試身，Phoebe湊女式般替師妹再揀數套內衣，着她一次過試，這也叫「不和」？真係唔知大家點定義。
買完內衣，兩人再轉去睇波鞋，Cassie二話不說坐低試，輕輕一夾，心口二吋事業線呼之欲出，店員上前招呼，問她Size啱唔啱身，誰知Cassie突然High爆，擘髀伸腳遞向師姐面前詢問，咁百厭，Phoebe即大叫：「仲玩！」Cassie才乖乖坐定。
