上週五晚，唐英年直斥梁振英曾犯下兩項對香港市民極度不利的滔天大罪，選擇性失憶的後者堅決否認，換來唐唐敏捷地馬上指斥梁氏「講大話」。之後民調指辯論一役，梁氏民望明顯下跌，其實不少有思想的藝人亦認為寧選真性情的特首好過揀照稿讀的背書機器及有狼性的人做話事人。
去年約滿TVB後轉投「電訊魔童」王維基旗下的周家怡，直言三位候選人均不是心水人選，但若然真的要選一位，神聖一票必給予唐英年。「雖然唐英年每次回應傳媒提問都唔太口齒伶俐，但反而突出佢嘅真性情，證明佢無照稿讀，形象比較討好。梁振英呢，佢初期嘅政綱係比較貼近民生，但之後又更改，好似佢提出話改善市民居住環境，又話復建居屋，當然係好啦，而家樓價咁高，不過驚佢係想提升民望而編制出嚟，當選咗之後都唔知會唔會做，講得太完美囉。所以有得揀，我唔會要隻狼。」
近日頻頻露面的王馨平覺得政治選舉有負面新聞好正常，對於黑材料滿天飛，她說：「唐生之前處理係差啲，但近排嘅表現好咗好多，面對大眾有好大嘅進步，而梁生講嘢真係好叻，叻到唔知真定假。其實我只想香港樓價回歸合理水平，所以邊個幫到香港樓價變回合理化，嗰個就最好。」而芳齡20歲的李蘊是典型的90後，問她怎看特首戰？她人云亦云：「唔知呀，無留意呀。但我聽身邊啲朋友講都係撐梁振英，話佢講嘢比較忠厚，比較老實，外型上，佢塊面肥啲，好似有福氣咁。」
