余文樂臨門撻Q 杜汶澤拉隊嫖妓 - 娛樂情報 - 賽馬世界

帶來吉利 (㊣魔力神話㊣)

版主

★馬神再現☆

UID 2163
精華 0
積分 1131
帖子 10198
港元 12719 萬
存款 708 萬
聲望 221
閱讀權限 100
註冊 1/1/2006
來自 M78星雲

發表於 5/7/2013 02:14 AM 資料文集短消息

余文樂臨門撻Q 杜汶澤拉隊嫖妓

玩低俗，彭浩翔可以話係無人能及，去年《低俗喜劇》贏到開巷，今年再快手整部《飛虎出征》玩嫖妓，有畫面有話題，杜汶澤拉隊上夜總會揀女，過程笑爆肚，先有曾國祥搽錯神油，再有余文樂臨門縮沙玩走鬼，最抵死係班冶艷女郎個個如花上身，擺明玩嘢，唔縮有鬼。

　　彭浩翔監製的新片《飛虎出征》明玩嘢，講述杜汶澤這位飛虎頭目拉隊嫖妓，鄒凱光（灘叔）、曾國祥舉手追尾，剛失戀的余文樂搵位發洩局上馬。

　　偷渡嫖妓笑爆肚

　　永無死錯人，彭導執住飛虎隊出境要申報這要點，忽發其想，要阿澤等人偷渡過澳門嫖妓，四個麻甩仔坐快艇到澳門，玩完Happy夠便漏夜趕返營地。其中一場夜總會揀女更有戲神詹瑞文當「爸爸生」接待，一口氣帶出大批女招待任揀，本住敢死精神，阿澤為曾國祥送上神油，結果當然笑到拍手。

　帶如花上房

　　剛失戀的余文樂則由灘叔話事，隨意點件如花姑娘上房，過程抵死，又怕醜又淆底的阿樂事後表示好鬼怯，他說：「要多謝阿彭（彭浩翔）好帶挈，班女仔個個衣着性感，真係唔敢直望，場戲講我失戀搵女發洩，但臨門一腳遇上差人查牌，我哋幾個偷渡的，捉到有排煩，驚到抽起褲頭跑。」