Hotcha的Regen（張惠雅）前年到澳洲遊學，已經有指她因跟老闆薛世恆傳出緋聞，而被當時的老闆娘陳法拉勒令放逐，現在Regen終於回歸並宣告單飛出專輯，薛世恆又剛巧傳跟陳法拉分手，但日前Regen排舞時接受本報專訪，她否認能有單飛機會跟緋聞有關，更強調Hotcha並沒有拆夥，三人仍會繼續合作
Regen坦言單飛的壓力很大，因為出道以來都是三位一體，未試過自己一個人工作，「依家做訪問、排舞、上台都係得一個人，冇人幫手分擔，真係好唔習慣，變得特別緊張，唯有當重新出發，當自己係新人一樣啦！」
不再約薛世恆
Regen當日為新歌排練舞蹈，風格明顯較Hotcha時的舞蹈更成熟，她就解釋由小時候喜歡日本女子組合Speed的舞蹈，到後期欣賞韓國小天后BoA，自己正不斷蛻變，希望歌迷欣賞她的改變，「入行時太細個，風格當然會有唔同，歌迷就好似睇住我長大咁，今次會畀成熟一面大家睇，希望會鍾意啦！」
Regen今次成為Hotcha最先有機會單飛一員，她否認拜跟老闆薛世恆的緋聞所賜，「只係timing問題，絕對同緋聞無關，就算見到薛生同法拉我都唔會尷尬，我好細個已經認識佢哋，不過都會避忌唔會再約薛生出街，其實我今次都唔算真正單飛，因為Hotcha係無拆夥，我哋三個將來仍會繼續合作。」
